Qeqqata Kommunia upalungaarsimanermi pisortap tullersortaanik pissarsiorpoq

Qeqqata Kommuniani upalungaarsimanermi pisortap tullersortaatut atorfik, 2017-imi apriilip aallaqqaataani, isumaqatigiissuteqarnikkuulluunniit inuttalerneqartussaq inuttassarsiuunneqarpoq. Atorfik Maniitsumiippoq, atorfillu Maniitsumi nunaqarfiinilu aqutsisutut atorfiulluni
Qinnuteqarfissaq kingulleq:
3. februar 2017
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. april 2017
Akissarsiat:
Isumaqatigiissut malillugu

Akisussaaffigissavatit: 

Sulisunik aqutsinermik misilittagalimmik, illup iluani avataanilu attaveqarluarsinnaasumik, sutigullu tamatigut suleqataalluarsinnaasumik ujartuivugut.

 

Qaninnertut pisortarisat upalungaarsimanermi pisortaq suleqatigalugu, upalungaarsimanermi inatsit Inatsisartunit akuersissutaasoq naapertorlugu kommunimi upalungaarsimaneq.

Upalungaarsimanermi pisortap tullersortaatut, Qeqqata Kommuniani upalungaarsimanermut akisussaanerpaaq, upalungaarsimanermi pisortaq suleqatigissavat.

Tamatuma saniatigut Maniitsumi qatserutaasivik, matumani missingersuusiornissat, missingersuutinillu malinnaatitsinerit akisussaaffigissavatit.

Ikuallattoqarnerani suliniuteqarnermut pisortat marluk suleqatigalugit akisussaaffivit iluani suleriaatsit ingerlatseriaaserlu pillugit qatserisartunut qatserutaasivimmilu suliasunut ilinniartitsisassaatit, inatsillu atuuttoq naapertorlugu ilinniartitsinerit ingerlanneqarlutillu, atortussat atorneqassallutik.

Upalungaarsimanermi pisortaq suleqatigalugu pinaveersaartitsinermi suliat, ikuallassimasunik misissuinerit, teknikkikkullu suliassat akisussaaffigissavatit.

 

Piginnaasatit

  • Kalaallit Nunaanni ikuallattarnernut upalungaarsimanermullu tunngasunut ilisimasaqarluarneq.

  • Suliassamut tunngatillugu Kalaallit Nunaanni inatsisinik ilisimasaqarneq.

  • Ilinniakkat pikkorissarnerillu uku naammassisimassavatit: tunngaviusumik ilinniarneq I aamma II, ikiueqqaarnermi pikkorissarneq, Ikuallattoqartillugu suliassanut ilinniartitaaneq, hjælpeinstruktør/voksen pædagogisk grundkursus, Ikuallattoornermi holdlederi, illoqarfimmi ikuallattoqarnerani suliniuteqarnermut pisortaq (2009-li sioqqulllugu ikuallattoqarnerani suliniuteqarnermut pisortatut ilinniarsimaguit ikaarsaarnermi ilinniagassaq ilinniarsimassavat) timmisartunilu suliniuteqarnermut pisortaq.

  • Ikuallattoqarsimatillugu teknikkikkut suliassat pillugit ilinniarsimanissat kissaatigineruarput.

     

Suleqataalluarsinnaanissat, ulapaarfimmilu tamat isiginnissuteqarsinnaanissat pingaaruteqarpoq, soorluttaaq suliassatigutuulli inuttullu piginnaasat pingaartinneqarlutik marluinnik oqaasillit akornanni sulisinnaanissat pingaaruteqartoq.

Akissarsiat atorfeqartitaanermilu atugassarititaasut: 

Upalungaarsimanermi pisortap tullersortaatut atorfik, Naalakkersuisut aamma Atorfillit Kattuffiata akornanni upalungaarsimanermi pisortap tullersortaata akissarsiaannut, atorfinitsitaanermilu atugassarititaasut pillugit isumaqatigiissutini qaqugukkulluunniit atuuttuni allattorsimaffimmi § 4 naapertorlugu inissitaavoq.

 

Atorfimmut atatillugu inissamik innersuussisoqarsinnaavoq, tassungalu malittarisassat atuuttut naapertorlugit qularnaveeqqusiussassaq/attartornermut akiligassat akilerneqartassallutik. Atorfinitsitaanermi angalaneq, pequtillu nassiunneri akilerneqassapput.

Upalungaarsimanermi pisortaq qaninnertut pisortarissavat.

 

Atorfik pillugu ersarinnerusumik paasissutissat, Upalungaarsimanermi pisortamut Ole Kreutzmann-imut, oqarasuaat (+299) 38 41 13-imut imaluunniit e-mail olkr@qeqqata.gl -imut saaffiginnissuteqarnikkut pissarsiarineqarsinnaapput.

 

Qinnuteqaat

Qinnuteqaat soraarummeersimanernik uppernarsaatinik, saaffiusinnaasuni, oqaaseqaatinillu ilaqartinneqartoq uunga nassiunneqassaaq: Qeqqata Kommunia, Postboks 1014, 3911 Sisimiut, Att. Sulisoqarnermut Immikkoortortaq, ajornanngippalluunniit mailimut jobs@qeqqata.gl kingusinnerpaamik 2017-imi tallimanngornermi februaarip pingajuani.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Ole Kreutzmann

(+299) 38 41 13

olkr@qeqqata.gl