Socialhjælperimik Kangaamiuni Meeraateqarfik 'Naja'-mut

Kangaamiuni Meeraateqarfik 'Naja' socialhjælperissarsiorpoq
Qinnuteqarfissaq kingulleq:
24. april 2017
Sumiiffik/Pisortaqarfik:
Kangaamiut
Sivisussuseq:
Tamakkiisumik
Atorfininnermi ulloq:
1. maj 2017
Akissarsiat:
Isumaqatigiissutit malillugit

Suliassat akisussaaffiillu  

“Naja” 1964 atulerpoq. Ullumikkumulli naleqqussarlugu nutarteriffiunikuulluni.

Ammasarfii: Ataasinngornermiit tallimanngornermut 07.00-17.00

Meeraateqarfik meeqqanut akuleriinnut  28-nut inissaqarpoq.

Meeqqat ininut pingasunut agguarnikuupput.

Naja-mi meeqqat  illup iluani sammisaqartinneqanngikkaangamik silamiinnerusarput, pisuttuarlutik pinnguarlutik aaliangersimasumilluunniit sammisaqarlutik.

 

Naja”-mi anguniakkat pingaartitallu:

  • Meeqqap killiffia ataqqillugu ineriartortitsineq.
  • Nammineersinnaalernissamik kaammattuineq.
  • Inuiaqatigiinni, nunaqarfimmi pisunut malinnaatitsilluni kinaassutsimik /perorsarsimassutsimik ilinniartitsineq
  • Ukumut ataasiarluni meeqqat ilaqutai ilagalugit asiartarneq
  • Ukiup qanoq ilinera aallaavigalugu sammisaqarnerit, pinngortitami pisunnerit nunattalu pissarititaanik katersilluni suliaqarneq

 

Piginnaasassat:

  • Socialhjælper-itut assingusumilluunniit ilinniagaqarputit.
  • Sullarissuuvutit meeqqerillaqqittuullutillu
  • Tatiginartuuvutit ammasuullutillu

Akissarsiat atorfininnermilu atugassarititaasut  

Aningaasarsiat sulinermullu atugassarititaasut Kalaallit Nunaanni Namminersorlutik Oqartussat aamma SIK akornanni isumaqatigiissutit atuuttut naapertorlugit aaqqinneqassapput.

 

Atorfimmut inissaqartitsisoqanngilaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. maj 2017 piaartumik imaluunniit isumaqatigiinnikkut.

 

Atorfimmut sukumiinerusumik paasissutissat Meeraateqarfiup pisortaanut Albrichtine Lynge-mut, oqarasuaat (+299) 81 94 18, e-mail: najakanga@greennet.gl saaffiginninnikkut pineqarsinnaapput.

 

Qinnuteqaat nassiunneqassaaq ilinniarsimanermut uppernarsaat, pinerluuteqarsimannginnermut uppernarsaat, oqaaseqaatit attavigisinnaasallu ilanngullugit,  kingusinnerpaamik 24. april 2017-imi.

Qinnuteqaat uunga nassiunneqassaaq 

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

e-mail: job@qeqqata.gl

Web: www.qeqqata.gl/job