airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Innuttaasunik sullissivik pingasunik overassistentissarsiorpoq

Qeqqata Kommuniani Sisimiuni Innuttaasunik sullissivimmi overassistentitut atorfiit pingasut inuttassarsiorneqarput.
Innuttaasunik sullissivik atorfinnut arfineq marlunnut aalajangigaavoq: immikkoortortami pisortaq overassistentillu arfinillit.
Qinnuteqarfissaq kingulleq:
15. maj 2017
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. juni 2017
Akissarsiat:
Isumaqatigiissut malillugu

Suliassat akisussaaffiillu ukuupput: 

• Inuit allattorsimaffianni suleqataaneq

• Ineqarnermut tapiissutinik qinnuteqaatit

• Meeqqat tapiinik suliaqarneq

• Erninermusiaqartitaaneq pillugu suliaqarneq

• Meeqqat akilersuutaannik qinnuteqartitsineq

• Meeqqerivinnut qinnuteqarnermi immersuisitsinerit

• Eqqaavinnut anartarfinnullu ilanngutsitsinerit

• Kommunip karsiani sulineq

• Sulisilluni ajoqusernermi immersuisitsinerit

• NEM-ID-mik qinnuteqartunut suliaqarneq

• Akiliisitsiniartarfiup suliassaanik ikiuunneq

Piginnaassutsit:

• Allaffimmiutut ilinniagaqarsimasuuvutit

• Akisussaassuseqartuuvutit

• Sullissillaqqissuuvutit

• Kalaallisut qallunaatullu allattariarsornikkut

oqalunnikkullu pisinnaasaqarluartuuvutit

• Tamakkiisumik isiginneriaaseqartuuvutit

aamma ulapiffiup nalaani

• Suliassanut tunngatillugu eqaatsumik suleriaaseqartuuvutit

• Qiimasuuvutit


Aningaasarsiat atorfininnermilu atugassarititaasut: 

Aningaasarsiaqartitaanermi suliffeqartitaanermilu atugassarititaasut Naalakkersuisut aamma S.I.K. kattuffiata akornanni isumaqatigiissutit malillugit pissapput.

 

Atorfimmut atatillugu inissaqartitsisoqanngilaq.

 

Atorfinitsitsineq pissaaq 1. juni 2017 imaluunniit isumaqatigiinnikkut.

 

Atorfinnut sukumiinerusumik paasissutissat immikkoortortami pisortamut Sara Poulsen-imut oqarasuaat (+299) 86 7370, e-mail: sarp@qeqqata.gl  saaffiginninnikkut pineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 15. maj 2017.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Sara Poulsen

(+299) 86 73 70

sarp@qeqqata.gl