Tullersortimik Sisimiuni Ilaqutariinnermut immikkoortortamut

Qeqqata Kommunia, Sisimiuni Ilaqutariinnermut immikkoortortami tullersortitut atorfik 1. august 2017-imiit imaluunniit isumaqatigiinnikkut atorfinittussamik pissarsiorpoq.
Qinnuteqarfissaq kingulleq:
20. juli 2017
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. august 2017
Akissarsiat:
Isumaqatigiissutit malillugit

Atorfininneq isumaqatigiissutillu  

Ilaqutariinnermut immikkoortortaq Sisimiuni naatsumik: 

Sisimiuni Ilaqutariinnermut immikkoortortaq 21-inik sulisoqartussatut inissitaavoq, ukuusunik: Meeqqanut inuusuttunullu immikkoortortaq, Pisortatigut ikiorsiinermut immikkoortortaq, Innarluutilinnut immikkoortortaq, Utoqqarnut immikkoortortaq aammalu Allatseqarfik.

Taakkua saniatigut illup avataani immikkoortortaqarpoq assigiinngitsunik, Ilaqutariit Kiffartuussiviat, Utoqqaat Angerlarsimaffiat, Angerlarsimaffimmi ikiorteqarfik aammalu najugaqatigiiffik, taakku tamarmik immikkut pisortaqartiterlutik.

Ilaqutariinnermut immikkoortortami tullersortip suliassai:

Tullersortip akisussaaffigissavaa Meeqqanut Inuusuttunullu immikkoortortap annertusarnissaa aammalu meeqqat pillugit inatsitsip nutaap siaruarternissaa, taamatullu qulakkiissallugu Pisortatigut ikiorsiinermi immikkoortortap suliffissarsiuussisarfiullu suleqatigiinnerisa annertusarnissaat, immikkoortortat tamakkerlutik ingerlalluarnissaat qulakkiissallugu, aammalu siunnersuisutut ilitsersuisutullu piareersimasarnissaq Ilaqutariinnermut immikkoortortami Meeqqanut Inuusuttunullu aamma Pisortatigut ikiorsiisarfimmi immikkoortortami sulisunut.

Tullersortip Ilaqutariinnermut pisortaq ulluinnarni aningaasatigut ingerlatsinermi tapersersussavaa, taamatullu pitsaassutsimik qulakkeerinneqataassalluni suliassat politikkikkut ataatsimiititalianut suliat ingerlasut immikkoortortani tamani.

Tullersorti aammattaaq sulianut aqutsisuussaaq atuilluartuunissaq pillugu sulianut Ilaqutariinnermut immikkoortortap iluani.

Taamatuttaaq tullersorti Ilaqutariinnermut immikkoortortap iluani allaffissornerup iluani suliassat nalinginnaasut akisussaaffigissavai.

 Naggataatigullu tullersorti Ilaqutariinnut immikkoortortap iluani aqutsisunut ilaassaaq, Ilaqutariinnermut pisortaq qaninnertut pisortarissallugu, Ilaqutariinnermullu pisortap peqannginnerani pisortaagallartassalluni.

Naatsorsuutigaarput:

  • Aqutsinermut misilittagaqartutit
  • Aningaasanik aqutsinermut ilisimasaqartutit, imaluunniit tassunga ilikkarusussuseqartutit
  • Atorfimmut siammasissumut soqutiginnittutit
  • Aalajangiisinnaassuseqartutit
  • Tusarnaarsinnaassuseqartutit
  • Qasusuitsuusutit, aalajaatsuullutit siunertaqarlutillu sulisinnaasutit
  • Assigiinngitsunut sulianut suliaqarsinnaasutit
  • Akimortumik sulisinnaasutit

Neqeroorutigaagut:

  • Suliffik uummaarissoq
  • Ineriartornissamut periarfissagissaartoq
  • Meeqqanik ilaqutariinnillu nukittorsaaqataanissamut periarfissalik
  • Suleqatit nuannaartut qiimasullu
  • Suliffik ulapaarfiujuartoq
  • Suleqatigiilluarfiusoq

Qulaani taaneqartut ilisarisinnaagukkit, tassaasinnaavoq illiusoq Ilaqutariinnermut immikkoortortami tullersortitut atorfimmut ujartugarput.

Tullersortip Ilaqutariinnermut pisortaq qaninnertut qullersarissavaa.

 

 

Akissarsiat atorfeqarnermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Atorfik pillugu paasissutissat annertunerusut, Ilaqutariinnermut pisortamut Kirsten Bødker-imut , oqarasuaat (+299) 86 74 17-imut, e-mail: kirb@qeqqata.gl-imut saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 20. juli 2017-imi tigoreersimassavarput.

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl