Sisimiuni Ilaqutariinnermut Immikkoortortaqarfimmi, utoqqarnut immikkoortortami aqutsisoq.

Qeqqata Kommunia, Sisimiuni Ilaqutariinnermut Immikkoortortaqarfik, utoqqarnut immikkoortortami aqutsisumik 2017-imi septembarip aallaqqaataani isumaqatigiissuteqarnikkulluunniit atorfinittussamik pissarsiorpoq.
Qinnuteqarfissaq kingulleq:
4. august 2017
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. september 2017
Akissarsiat:
Isumaqatigiissutit malillugit

Atorfininneq isumaqatigiissutillu  

Ilaqutariinnermut Immikkoortortaqarfik pillugu nassuiaaneq:

Sisimiuni Ilaqutariinnermut Immikkoortortaqarfik 21-nik sulisoqarsinnaatitaavoq, taassuma ataaniillutik Meeqqanut-Inuusuttunut immikoortortaq, Ikiorsiissarnermut immikkoortortaq, Innarluutilinnut immikkoortortaq, Utoqqarnut immikkoortortaq kiisalu allatseqarfik.

Saniatigut avataani immikkoortortaqarluni ukuusunik, ilaqutariinnut inerisaavik, utoqqaat angerlarsimaffiat najugaqarfinnullu immikkoortortaq, tamarmik immikkut aqutsisoqartut.

 

Utoqqarnut immikkoortortami aqutsisumut suliassat:

Suliassaqarfiit tassaaput sullissineq aamma siusinaartumik utoqqalinermilu pensionisianik isumaginninneq, tassani inatsit atuuttoq malillugu, innuttaasullu pisariaqartitai aallaavigalugit, aammalu nalilersuinikkut tunniunneqartartut eqqortumik tunniunneqartuaannarnissaannut qulakkeerinninneq.

Immikkoortortami aqutsisoq, immikkoortortami sulianik sullissinerup pitsaassusaanik nakkutilliissaaq, ataavartumillu tamanna pisortaasunut uppernarsartassallugu.

Immikkoortortami aqutsisoq, politikkikkut ataatsimiititalianut sulianik saqqummiussuissaaq, ilaqutariinnullu pisortamut taakku oqaloqatigiissutigissallugit.

Utoqqarnut tunngasuni immikkoortortanik allanik suleqateqarneq, soorlu utoqqarnut angerlarsimaffik, angerlarsimaffimmi ikiortit peqqinnissaqarfillu, kiisalu Utoqqaat siunnersuisoqatigiivi aamma Utoqqaat peqatigiiffiat, pingaartinneqarpoq.

 

Immikoortortami aqutsisoq, Ilaqutariinnermut Immikkortortaqarfiup iluani atorluaanissakkut suliniutinut ataavartumik peqataasassaaq.

 

Ilaqutarinnermut Immikkoortortaqarfimmi Ilaqutariinnut pisortaq peqatigalugu, immikkoortortamilu aqutsisut allat peqatigalugit pisortaqatigiinnut peqatasassaaq.

 

Naatsorsuutigaarput:                                   

  • isumaginninnermi siunnersortitut, isumaginninerulluunniit iluani attuumassuteqartumik ilinniarsimasuusutit, ajornanngippat aqutsisutut- ilinniaqqissimanermilluunniit ilallugu

  • utoqqarnut sullissinermik misilittagaqartutit misilittagaqarusuttutilluunniit

  • inatsit immikkoortumut tassunga tunngasoq ilisimasaqarfigigit, ilisimalernissaanulluunniit iliuuseqarusuttuusutit

  • aningaasaqarnikkut aqutsinermik malitseqartitsinermillu misilittagaqartutit ilisimaarinnittutillu, ilinniarfigerusulluguluunniit

  • aqutsisutut inatsit atuuttoq malillugu tunniunneqartartut tamarmik tunniunneqarnissaanut, kiisalu akit aalajangersimasut kommunalbestyresimit akuerineqartunut, susassaqarfinnilu allani aalajangiussanut pisarialinnut qulakkeerinnittussamik sunniisinnaassuseqarluartuusutit

  • susassaqarfiit akimorlugit kinguneqartussamik suleqateqarusuttuusutit

  • suliffimmi aaqqissuusinermik, ataqatigiissaarinermik, pilersaarusiornermik malitseqartitsinissamullu takutitsisinnaaassuseqartutit

  • sulisunut sukumiisumik ineriartortitsinissamut, kajumilersitsinissamut akuutitsinissamullu akuerinnittuusutit

  • suliffimmi atukkatigut ukkataqarusunnermik, sulianilu pitsaassutimik piumaffiginnissinnaasutit

  • suliffimmik siammasissumik tamatigoortumilu suliffeqarusuttuusutit

  • kinguneqartitsisinnaassuseqartoq aalajangiisinnaassuseqartorlu

  • akuersortoq

  • pinertusoq, aalajaaatsoq anguniagaqartorlu

  • assigiinngissusilinnik akimortunillu ingerlaqateqarsinnaasoq

  • akimortumik suleqateqarsinnaasoq

 

Neqeroorutigisinnaavarput:

  • avatangiisit pissanganartut eqeersimaartullu

  • immikkoortumi  ineriartortitsinermi sunneeqataanissamut peqataanissamut periarfissaq

  • meeqqanut ilaqutariinnullu suliniutinik nukittorsaanissamut periarfissaq

  • sulisut aqutsisooqatillu nuannaartut aamma qiimmaarissut

  • ulluinnaat ulapaarfiusut, susassaaleqiffiunngitsut

  • pitsaasumik suleqatigiiffiusoq

Akissarsiat atorfeqarnermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

 Pinerlussimannginnermut uppernarsaat

pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Atorfik pillugu paasissutissat annertunerusut, Ilaqutariinnermut pisortamut Kirsten Bødker-imut , oqarasuaat (+299) 86 74 17-imut, e-mail: kirb@qeqqata.gl-imut saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 4. August 2017-imi tigoreersimassavarput.

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Tutsaqarfissaq:

Kirsten Bødker

(+299) 86 74 17