airplanebooksbriefcase business cogs cross election entertainment fish house law lockmedicalpeopleselfservices socialtax

Aningaasaqarnermut Immikkoortortami erninerup kingorna paarlattaasussamik pissarsiorpoq

Aningaasaqarnermut Immikkoortortami Qeqqata Kommuniani Sisimiuni erninerup kingorna paarlattaasussamik pissarsiorpoq

Aningaasaqarnermut Immikkoortortaq atorfinnut sisamanut aalajangigaavoq: immikkoortortami pisortaq, kontorfuldmægtig-eq, overassistentillu marluk.
Qinnuteqarfissaq kingulleq:
26. oktober 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. december 2017
Akissarsiat:
Isumaqatigiissutit malillugit

Suliassat akisussaaffiit ukuupput: 

  • Debitor, kreditor aammalu akiliisinnaassuseqarnermut ingerlatsineq.
  • Aningaasaqarnikkut ingerlatsineq.
  • Kommunip naatsorsuutaanik naligiissaarineq.

Piginnaassutsit:

  • Allaffimmiutut ilinniagaqarsimasuusutit.
  • Inunnik sullissillaqqissuusutit.
  • Kalaallisut qallunaatullu allattariarsornikkut oqalunnikkullu pisinnaasaqarluartutit.
  • IT-mut atuisinnaasutut misilittagaqartutit.
  • Suliassanut tunngatillugu eqaatsumik suleriaaseqartuusutit.
  • Qiimasuusutit.

Aningaasarsiat atorfininnermilu atugassarititaasut 

Aningaasarsiaqartitaanermi suliffeqartitaanermilu atugassariti-taasut Namminersornerullutik Oqartussat aamma S.I.K. kattuffiata akornanni isumaqatigiissutit malillugit atorfinitsitsisoqassaaq.

 

Atorfimmut atatillugu inissaqartitsisoqanngilaq.

 

Atorfinitsitsineq pissaaq 1.december  2017.

 

Atorfimmut sukumiinerusumik paasissutissat immikkoortortami pisortamut Mathilde Berthelsen-imut oqarasuaat (+299) 86 73 32, e-mail: matb@qeqqata.gl saaffiginninnikkut pineqarsinnaapput.

 

Qinnuteqaatit ilinniarsimanermut uppernarsaatit pisariaqaritat, sulisitsisukunit oqaaseqaatit kiisalu inuit imminnut tunngasunik oqaaseqarsinnaasut saaffigineqarsinnaasut allattorsimaffii ilanngullugit kingusinnerpaamik nassiunneqassapput  uunga:

Qinnuteqaatit uunnga nassiunneqassaaq: 

Qeqqata Kommunia

Sulisoqarnermut Allaffik

Postboks 1014

3911 Sisimiut

E-mail: jobs@qeqqata.gl

www.qeqqata.gl

Attavissaq:

Mathilde Berthelsen

(+299) 86 73 32

matb@qeqqata.gl