airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi ingerlatsinermut ingeniøri

Kalaallit Nunaanni Qeqqata Kommuniani Maniitsumi ingerlatsinermi ingeniøritut atorfik, 2017-imi decembarip aallaqqaataani, isumaqatigiissuteqarnikkulluunniit inuttalertussanngorlugu inuttassarsiorneqarpoq.
Qinnuteqarfissaq kingulleq:
24. oktober 2017
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu 

Atorfik assigiinngitsorpassuartigut unammillernartoqarluni pissanganartoq, ulapaarfiusinnaasorlu, pisortallu ingerlatsinerini periarfissaatillugu iliuuseqarnissamut kiffaanngissuseqarfiulluartoq, piukkunnaateqartumut neqeroorutigineqarpoq.

 

Ingerlatsinermi ingeniørip kommunimi ingerlatsinermi suliassat, soorlu aqquserngit, aputaajaasitsinerit, eqqagassalerineq, ikuallaaviit, kuuffissuit il.il. suliassarai, kommunillu ingerlatsinermi immikkoortortaqarfiani aqqusinilerisunut formand-imut, ikuallaavimmi formand-imut kiisalu illoqarfimmi assigiinngitsutigut suliaqartartunut 20-t missaanniittunut aqutsisuulluni.

 

Atorfimmi atorfinissaguit, bygningsingeniør-itut konstruktør-itulluunniit ilinniarsimasariaqarputit. Sulianut assingusunut ukiualunni misilittagaqarneq, sanasutulli misilittagaqarnissat aamma kissaatigisinnaavarput, tamannali piumasaqaataanngilaq. Assigiinngitsunik suliaqartarluta Immikkoortortaqarfinnguugatta, eqaatsumik sulisinnaanissat pingaaruteqarpoq

Akissarsiatigut atorfinitsitaanermilu atugassarititaasut 

Namminersorlutik Oqartussat aamma atorfinittussap peqatigiiffiata akornanni isumaqatigiissutit naapertorlugit atorfinitsitsisoqarlunilu akissarsiaqartitsisoqassaaq.

 

Malittarisassat atuuttut naapertorlugit atorfininnermi, suliunnaarnermilu angalanissanut akiliussisoqassaaq, pequtillu assartorneqarneri akilerneqarlutik. Tamatuma saniatigut pisortat attartortittagaanni aalajangersakkat naapertorlugit attartornermut, iserternermullu akiliuteqarfissaasumut inissaqartitsisoqarsinnaavoq.

 

Atorfik pillugu ersarinnerusumik paasissutissat, Teknikkimut Avatangiisinullu Immikkoortortami pisortamut Ole Thor Hermansen-imut, oqarasuaat 00 299 817840-mut imaluunniit email-imut: othe@qeqqata.gl-imut saaffiginnissuteqarnikkut pissarsiarineqarsinnaapput. Qeqqata Kommunia pillugu paasissutissat, kommunip nittartagaani www.qeqqata.gl-imi pissarsiarineqarsinnaapput.

 

Allakkatigut qinnuteqaat, soraarummeersimanermik uppernarsaatinik, attaveqaataasinnaasunik, oqaaseqaatinik kiisalu paasissutissaqqissinnaasunik ilaqartinneqartoq 

taamaalilluni kingusinnerpaamik 2017-imi oktobarip 13-iani kommunimit tiguneqartussanngorlugu.

Qinnuteqaatit uunnga nassiunneqassapput: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Ole Thor Hermansen

(+299) 81 78 40

othe@qeqqata.gl