airplanebooksbriefcase business cogs cross election entertainment fish house law lockmedicalpeopleselfservices socialtax

Meeraateqarfik “Naja” Kangaamiut Socialhjælperimik assingusumilluunniit sulisussarsiorneq.

“Naja” 1964 atulerpoq. Ullumikkumulli naleqqussarlugu nutarteriffiunikuulluni.
Ammasarfii: Ataasinngornermiit tallimanngornermut 07.00-17.00
Meeraateqarfik meeqqanut akuleriinnut 28-nut inissaqarpoq.
Meeqqat ininut pingasunut agguarnikuupput.
Naja-mi meeqqat illup iluani sammisaqartinneqanngikkaangamik silamiinnerusarput, pisuttuarlutik pinnguarlutik aaliangersimasumilluunniit sammisaqarlutik.
Qinnuteqarfissaq kingulleq:
31. oktober 2017
Sumiiffik/Pisortaqarfik:
Kangaamiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu: 

Naja”-mi anguniakkat pingaartitallu

-Meeqqap killiffia ataqqillugu ineriartortitsineq.

-Nammineersinnaalernissamik kaammattuineq.

-Inuiaqatigiinni, nunaqarfimmi pisunut malinnaatitsilluni kinaassutsimik /perorsarsimassutsimik ilinniartitsineq

-Ukumut ataasiarluni meeqqat ilaqutai ilagalugit asiartarneq

-Ukiup qanoq ilinera aallaavigalugu sammisaqarnerit, pinngortitami pisunnerit nunattalu pissarititaanik katersilluni suliaqarneq

Akissarsiatigut atorfinitsitaanermilu atugassarititaasut 

Akissarsiat atugassarititaasullu

Aningaasarsiat atorfininnermilu atugassarititaasut Naalakkersuisut aamma S.I.K akornanni isumaqatigiissutit naapertorlugit aaqqinneqassapput.

Atorfik inissaqartitsinngilaq.

Meeqqanik pinerliisimannginnermut uppernarsaat

Atorfik meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq. Taamatullu straffeattest qinnuteqarnermi ilanngunneqassapput.

 

Atorfininneq pissaaq 1. November 2017-imi imaluunniit isumaqatigiinnikkut.

Atorfinnut paasissutissat annertunerusut Meeraateqarfik 'Naja'-mi pisortamut Albrichtine Lynge-mut, oqarasuaat (+299) 81 9418, e-mail: najakangaamiut@qeqqata.gl  saaffiginninnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq  31. Oktober 2017-imi.

Qinnuteqaatit uunga nassiunneqassaaq:  

Qeqqata Kommunia
HR Afdeling
Postboks 1014

3911 Sisimiut
E-mail:
job@qeqqata.gl
Web:
www.qeqqata.gl

Attavissaq:

Albrichtine Lynge

(+299) 81 94 18

najakangaamiut@qeqqata.gl