airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Sisimiuni Minngortuunnguup Atuarfiani ilinniartitsisunik sisamanik pissarsiorpoq.

Minngortuunnguup Atuarfiani sisamanik ilinniartitsisussarsiorpugut.
Atuarfimmi ineriartortumi
suleqataanissamut tunniusimasumik fagini tulliuttuni
atuartitsinissaminnut soqutiginnittunik:
Sisimiut illoqarfiuvoq periarfissaqarluartoq, ilinniarfigissaartoq
aammalu meeqqanut paaqqinnittarfinni
inissaqartitsinermi periarfissagissaartoq
inissaateqartoq qinnuteqartut meeraannut
Qinnuteqarfissaq kingulleq:
17. november 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu  

Ilinniartitsisoq ataaseq angujullernut (trin 3). Atuartitsissutini: Kalaallisut, inuiaqatigiilerineq, upperisalerineq, inuttut inerikkiartorneq, sumiiffinni toqqakkat/mersorneq.

 

Ilinniartitsisoq ataaseq akullernut (trin 2). Atuartitsissutini: Kalaallisut, erinarsorneq, inuttut inerikkiartorneq, pinngortitalerineq, kisitsineq, upperisalerineq, inuiaqatigiilerineq ikorfartuinerlu.

 

Ilinniartitsisoq ataaseq nukarlernut (trin1). Atuartitsissutini: 2.-3.kl. atuartitsissutini tamani ilinniartitsisut pingajuattut atuartitsisoq.

 

Ilinniartitsisoq ataaseq immikkut atuartitsisutut (trin 4). Atuartitsissutini tamani, atuartitsissutit tamaasa akimorlugit atuartitsisussamik.

 

• 400-t missaanni atuartoqarpoq

• 50-nik ilinniartitsisunik aalajangersimasunik

atorfitalik

• 1.-miit 10. klasse tikillugu 20-nut agguakkanut

klasseqarpoq

• Immikkut atuartinneqartartut klasse-t arfineq

pingasuupput

 

Atuarfimmi pingaartinneqarput:

• Atuarfik immikkoortunngorlugit aaqqitanik

namminneq aquttunik immikkoortortalik

• Ukioq atuarfiusussamut eqaatsumik pilersaarusiorneq

• Atuartut ilinniarnissaminnut akisussaaqataanissaat

• Angajoqqaat akulerusimatinnissaat

• Ilinniartitsisut eqeersimaartut perorsaanermilu

ineriartortitsinermi tunniusimasut

• Anguniagassanut nutaanut piorsaaneq

atuarfimmullu iliuusissatut pilersaarutit

Atuarfinni pingaarnerutinneqarput ilinniartitsisutut

sulilissagaanni peqqussut aallaavigalugu

sulisinnaaneq:

• Angerlarsimaffik suleqatigalugu makkua

anguniarneqassapput:

• Ilikkagassanik pisinnaasassanillu pisariaqartunik

pissarsitissallugu.

• Atuartup piginnaasai ineriartortissallugit,

peqqissutsikkut, inooqataanikkut misigissutsitigullu

inerikkiartorneq ilaatillugu.

• Atuartup toqqissisimasumik namminersortumillu

inooqataalernissaa.

• Tatisimaneqanngitsumik isumaliorsinnaaneq

akaarinninnerlu akisussaaqatigiinneq

suleqatigiinnerlu nukittorsassallugit.

• Atuartut akornanni aamma ilinniartitsisut

atuartullu akornanni akisussaaqatigiinneq

suleqatigiinnerlu nukittorsassallugit.

• Atuartut immikkut pisariaqartitallit immikkut

isiginiarneqassapput.

 

Ilinniartitsisunik atuartunillu suleqateqarnermi

makkua anguniarneqassapput:

• Atuartup ilinniartitsisorisani isumasioqatiglugit

iliuusissani pilersaarusiussavai, pilersaarusiarlu

ingerlaavartumik naliliinermut

ilaatinneqassaaq.

• Atuartitsineq allanngorartuussaaq, atuartut

ataasiakkat pisariaqartitaannut piginnaariigaannullu

naapertuuttuussalluni.

Atuartitsissutini tamani ilinniartitsisoq

atuartorlu suleqatigiillutik ingerlaavartumik

anguniagassaliortarneq ingerlatissavaat.

Atuartup sulinissaa anguniagassaliarisimasat

tunngavigalugit aaqqissuunneqartassaaq. Suleriaatsinik,

periutsinik aamma sammisassanik

toqqaanerit aalajangersaanerillu ilinniartitsisut

atuartullu suleqatigiinnerisigut ingerlanneqartassapput

 

Ilinniartitsisutut naammassisassat:

• Atuartitsinermut ilaatillugu atuartut ataasiakkaat

atuartinneqarnerminnit pissarsiaat

ingerlaavartumik nalilerneqartassapput. Naliliinerup

aallavigissavaa atuartup nammineq

naliliinera, Atuartitsinerull pilersaarusioqqinneranut

aamma atuartumut taassumalu

angajoqqaavinut atuartup atuaqqinnissaanut,

ilinniagaqaqqinnissaanut inuutissarsiutigiumaagassaminillu

qinigaqarnissaanut siunnersuinissamut

tunngaviussalluni.

• Ingerlaavartumik ukiumut pilersaarutinik

nalilersuisarneq ingerlanneqartassaaq.

• Ilikkagassatut anguniagassat aallaavigalugit

atuartitsineq ingerlanneqartassaaq.

Akissarsiat atorfeqarnermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat

aamma isumaqatigiissutit Naalakkersuisut ilinniartitsisullu kattuffiata IMAK-ip akornanni

isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut

atugassarititaasut annerusumik naapertorlugit pissaaq. Qinnuteqartut Kalaallit Nunaanni

tjenestemanditut atorfeqareersut, ilinniartitsisutut tjenestemanditut atorfininnissaminnut periarfissaqarput.

Tjenestemanditut atorfininneq pissaaq Namminersorlutik Oqartussat Kommuninilu tjenestemandit

pillugit Inatsisartut inatsisaat nr. 21 18. december 2003-meersoq tunngavigalugu.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni

il. il.

Atorfinitsitsineq pissaaq piaartumik imaluunniit

isumaqatigiinnikkut.

Atorfinnut paasissutissat annertunerusut atuarfiup pisortaanut Nivi H. Efraimsen-imut oqarasuaat

(+299) 86 4188, mail nihe@qeqqata.gl saaffiginninnikkut pissarsiarineqarsinnaapput.

Qinnuteqarfissamut immersugassaq aaneqarsinnaavoq uunga alakkarnikkut http://www.qeqqata.gl.

Qinnuteqaat soraarummeersimanermut uppernarsaatit assilinerinik, imminut ilisaritinnermik,

CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 17. november 2017.

Qinnuteqaat uunnga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Nivi H. Efraimsen

(+299) 86 41 88

nihe@qeqqata.gl