airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Maniitsumi Atuarfik Kilaaseeqqami Ilinniartitsisussarsiorpoq

Atuarfik Kilaaseeqqami ilinniartitsisut
360 missaani atuartoqarpoq
50-nillu ilinniartitsisunik aalajangersimasunik atorfitalik
1.-miit 10. klasse tikillugu 20-nut agguakkanut klasseqarpoq
Immikkut annertusisamik atuartinneqartartut klasse-t 5-pput.
Immikkut naatsosuutigineqassaaq ilinniartitsisutut atorfininnissami ”Ileqqut pitsaasut arfineq marluk” inuttut sulisutullu sammitinneqarnissaat.
Atuarfiup pisortaa Elna Heilmann sianerfigineqarsinnaavoq (+299) 813122 imaluunniit email: kilaas@greennet.gl



Ilinniartitsisut 1 angajullerni: Tuluttut, Danskisut, Inuiaqatigiilerineq & Rel./ Fil.

Ilinniartitsisut 2 immikkut annertusisamik atuartitsivimmut: Immikkut atuartitsinermut pikkorissarsimasumik ilinniartitsisumik
Qinnuteqarfissaq kingulleq:
10. november 2017
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. december 2017
Akissarsiat:
Isumaqatigiissutit malillugit

Suliassat akisussaaffillu 

Atuarfinni pingaarnerutinneqarput ilinniartitsisutut sulilissagaanni peqqussut aallaavigalugu sulisinnaaneq:

 

Angerlarsimaffik suleqatigalugu makkua anguniarneqassapput § 2.

Ilikkagassanik pisinnaasassanillu pisariaqartunik pissarsitissallugu.

  • Atuartup piginnaasai ineriartortissallugit, peqqissutsikkut, inooqataanikkut misi-gissutsitigullu inerikkiartorneq ilaatillugu.
  • Atuartup toqqissisimasumik namminersortumillu inooqataalernissaa.
  • Tatisimaneqanngitsumik isumaliorsinnaaneq akaarinninnerlu akisussaaqatigiinneq suleqatigiinnerlu nukittorsassallugit.
  • Atuartut akornanni aamma ilinniartitsisut atuartullu akornanni akisussaaqa-tigiinneq suleqatigiinnerlu nukittorsassallugit.
  • Atuartut immikkut pisariaqartitallit immikkut isiginiarneqassapput.

Ilinniartitsisunik atuartunillu suleqateqarnermi makkua anguniarneqassapput §19:

  • Atuartup ilinniartitsisorisani isumasioqatiglugit iliuusissani pilersaarusiussavai, pilersaarusiarlu ingerlaavartumik naliliinermut ilaatinneqassaaq.
  • Atuartitsineq allanngorartuussaaq, atuartut ataasiakkat pisariaqartitaannut piginnaariigaannullu naapertuuttuussalluni. § 18.
  • Atuartitsissutini tamani ilinniartitsisoq atuartorlu suleqatigiillutik ingerlaavar-tumik anguniagassaliortarneq ingerlatissavaat. Atuartup sulinissaa anguniagas-saliarisimasat tunngavigalugit aaqqissuunneqartassaaq. Suleriaatsinik, periut-sinik aamma sammisassanik toqqaanerit aalajangersaanerillu ilinniartitsisut atuartullu suleqatigiinnerisigut ingerlanneqartassapput (§ 18. Imm. 3.)

Ilinniartitsisutut naammassisassat:

  • (§22.) Atuartitsinermut ilaatillugu atuartut ataasiakkaat atuartinneqarner-minnit pissarsiaat ingerlaavartumik nalilerneqartassapput. Naliliinerup aallavisassavaa  atuartup nammineq naliliinera, Atuartitsinerull pilersaarusioqqinneranut aamma atuartumut taassumalu angajoqqaavinut atuartup atuaqqinnissaanut, ilinniagaqaqqinnissaanut inuutissarsiutigiumaagassaminillu qinigaqarnissaanut siunnersuinissamut tunngaviussalluni.
  • Ingerlaavartumik ukiumut pilersaarutinik nalilersuisarneq ingerlanneqartassaaq.
  • Ilikkagassatut anguniagassat aallaavigalugit atuartitsineq ingerlanneqartassaaq.

Akissarsiatigut atorfinitsitaanermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq, taamaattorli tjenestemanditut atorfinissin-naaneq allamik tjenestemanditut atorfeqarsimagaanni toqqaannartumik nuunnissamut periarfissaqarpoq.   

 

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni il. il.

 

Atorfinititsineq pissaaq 1. december 2017 imaluunniit isumaqatigiinnikkut.

 

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl Qinnuteqaatit ilinniarsimanermut uppernarsaatit pisariaqaritat, CV, sulisitsisukunit oqaaseqaatit, pillagaasimanerup / pillagaasimannginnerup allagartaa kiisalu inuit imminut tunngasunik oqaaseqarsinnaasut saaffigineqarsinnaasut allattorsimaffii ilanngullugit kingusinnerpaamik nassiunneqassapput ulloq 10. nov. 2017

Qinnuteqaat uunnga nassiunneqassaaq: 

Qeqqata Kommunia

Sulisoqarnermut Allaffik

Postbox 1014

3911 Sisimiut

E-mail: jobs@qeqqata.gl 

www.qeqqata.gl 

Attavissaq:

Elna Heilmann

(+299) 81 31 22

kilaas@greennet.gl