airplanebooksbriefcase business cogs cross election entertainment fish house law lockmedicalpeopleselfservices socialtax

Katersugaasiviup pisortaanik Sisimiut Katersugaasiviannut

Katersugaasiviup pisortaanik pissarsiorpugut Sisimiuni Kangerlussuarmi Katersugaavinnut
Qinnuteqarfissaq kingulleq:
27. november 2017
Sumiiffik/Pisortaqarfik:
Sisimiut & Kangerlussuaq
Sivisussuseq:
Tamakkiisumik
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Ilisarititsineq

Qinnuteqartoq katersugaasivimmut tunngassuteqartumik universitet-imi ilinniarsimasuussasoq, assersuutigalugu historikeritut, itsarnisarsiuutut imaluunniit katersugaasivilerinermut tunngassutilimmik ilinniarsimasuussasoq, aqutsinerullu iluani misilittagaqartuussasoq naatsorsuutigineqarpoq. Naatsorsuutigineqarpoq, qinnuteqartoq takorluuisinnaassuseqassasoq, katersugaasiviillu kulturimik sammisallittut nukittuut inissisimanissaannik siunertaqarluni Sisimiuni Kangerlussuarmilu Katersugaasivinnik ineriartortitseqqinnissamut angusaqarusuttuussasoq, soorluttaaq katersugaasiviup avataani suleqatit pigiinnassallugik ineriartorteqqissallugillu.

 

Katersugaasivimmi aqutsisup suliassaqarfii makkuupput

-       ulluinnarni ingerlatsineq, aqutsineq, sulisoqarneq ineriartortitsinerlu, katersugaasivimmullu suliassanik attuumassutilinnik ataqatigiissaarineq ineriartortitsinerlu.

-       Suleqatigiinnissamut isumaqatigiissutit pioreersut, allagaateqarfiup - katersugaasiviullu inatsisaa, katersugaasiviup missingersuutai akuerisat suliassanullu pilersaarutit malillugit sulineq

-       Katersugaasiviit sumiiffinni immikkoortuni oqaluttuarisaanermut nalitsinnillu tunngassuteqartunik katersuinissamut, tigumminninnissamut qajassuussinissamullu isumaginnissinnaanerat qulakkiissallugu.

-       Katersugaasivimmi aqutsisup illuutinik, nunanik sanaartorfiup eqqaaniittunik pigisallu pequtaasa aserfallatsaalinissaannik nakkutiginninneq isumannaarinerlu isumagissavai.

-       Katersugaasivimmik aqutsinermut tapiliullugu  ilaatigut katersugaasiviup nunanik ilisimatusarnertigut suliassatigullu akisussaaffeqarfiit iluanni ilisimatusarnissamut piffissaqarnissaq isumaqatigiissutigineqarsinnaassaaq.

 

Qitiusumik Qeqqata Kommunia sumiiffimmi tunngassuteqartumik suliffigissallugu, Sisimiuni Katersugaasivik kommunip iluani kulturikkut oqaluttuarisaanermut katersugaasiviuvoq.  1994-imili katersugaasivik Kalaallit Nunaanni niuerneq, atortussiorneq umiartornerlu pillugit immikkut ittumik katersugaasivittut aamma ingerlasimavoq.

Sisimiuni Katersugaasivik 2015-imi Kangerlussuaq Katersugaasivillu atalerput, tassaniitsinneqarlutik timmisartortarnerup oqaluttuarisaanera, Amerikamiut base-at sermersuarmilu qillerisarsimanerit pillugit katersaatit saqqummersitsinerillu.  Kangerlussuarmi katersugaasivimmi ulluinnarni sulisoqarneq, Kangerlussuarmi takornarialerisut suleqatigalugit suliariumannittussarsiuunneqarnikuuvoq.

 

Sisimiuni Katersugaasivik UNESCO-mut qinnuteqaammi atsioqataavoq, Aasivissuit – Nipisat nunarsuarmioqatigiinnut kingornussassanngortinneqarnissaa pillugu.  Katersugaasivik UNESCO-mut qinnuteqaammi aqutsisussani - suliniuteqartussani ilaasortaavoq.

Sisimiuni Katersugaasivik suliniummut annertuumut QIMMEQ-mut akuuvoq, ilaatigut - kalaallit katersugaasivii allat suleqatigalugit - kalaallit qimmia qimuttoq pillugu saqqummersitsinermik angalasussamik suliaqarnermut.

 

Katsersugaasiviup aqutsisuata saniatigut Sisimiuni Katersugaasivimmi allaffimmi ikiorti (akunnerit 20-t), katersugaasivimmilu sulinermi ikiorti, katersugaasivimmilu ikiorti ilinniarsimasoq (historikeri) sulisorineqarput. kiisalu weekend-ini katersugaatinik nakkutilliisoq (kustode) akunnermusialik.

 

Sisimiut Kalaallit Nunaanni illoqarfiit annersaata tulliuvoq, nunaqarfiit pingasut ilanngullugit 6500 miss. innuttaasoqarluni.

Akissarsiat atorfininnermilu atugassarititaasut 

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Namminersorlutik Oqartussat aamma isumaqatiginninniarsinnaatitaalluni peqatigiiffiup akornanni qaqugukkulluunniit isumaqatigiissutit atuuttut naapertorlugit inissinneqassapput.

Inissaqartitsisoqarsinnaavoq malittarisassat atuuttut malillugit ineqarnermut qaammammut akiliisoqartassalluni.

 

2018-imi februaarip aallaqqaataani,isumaqatigiissusiornikkulluunniit piaartumik atorfinitsitsisoqassaaq.

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput:

sunngiffimmi pisortaq Fali Kleist oqarasuaat 867400 aamma e-mail fakl@qeqqata.gl,

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik

kingusinnerpaamik 27. november 2017 tigoreersimassavarput..

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Attavissaq:

Fali Kleist

(+299) 86 74 00

fakl@qeqqata.gl