airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Ilaqutariinnermut immikkoortortaq meeqqanut inuusuttunullu immikkoortortamut inunnik isumaginninnermut siunnersortinik arfinilinnik pissarsiorpoq

Ilaqutariinnermut immikkoortortap ataani immikkoortortaqarfiit ukuupput, meeqqanut Inuusuttunullu immikkoortortaq, Ikiorsiisarnermi immikkoortortaq, Allatseqarfik, Utoqqarnut immikkoortortaq kiisalu Innarluutilinnut immikkoortortaq.
Ilaqutariinnut Immikkoortortami meeqqanut inuusuttunullu sullissisussatut pioreersut saniatigut atorfinnik nutaanik sisamanik pilersitsisoqarpoq, atorfiit amerlinerisigut sullitat sullissisumi ataatsimi ikilisinneqarnissaat siunertaralugu.
Meeqqanut Inuusuttunullu immikkoortortami inunnik isumaginninnermut siunnersorti aqutsisutut piginnaatitaaffeqanngilaq, immikkoortortamilu inunnik isumaginninnermi siunnersortinut aqutsisoq qaninnertut qullersarissavat.
Qinnuteqarfissaq kingulleq:
27. november 2017
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Akisussaaffiit suliassaqarfiillu 

  • Nalunaarutiginninnernik isumaginninneq
  • Suliassanik suliarinninneq kiisalu meeqqanut inuusuttunullu immikkoortortami siunnersuineq ilitsersuinerlu
  • Ilaqutariinnermut isumaginninnermullu ataatsimiititaliamut aamma oqartussaassuseqarfiit assigiinngitsunik suliallit isumaginninnermi suliassat pillugit suleqatigiissitamut saqqummiussassanik suliaqarneq
  • Illup avataani suleqatinik akimortumik suleqateqarneq.
  • Iliuusissatut pilersaarusiornerit, malinnaatitsinerillu.
  • Siusissumik iliuuseqartartut ataatsimiittarnerinut aamma Suliat akimorlutik suleqatigiit ataatsimiittarnerinut ataatsimeeqataaneq.
  • Illup iluani avataanilu ataatsimiinnerni ataatsimeeqataaneq
  • Ilaqutariinnik Inerisaavimmut innersuussassanik siunnersuineq.
  • Meeqqat inuusuttunillu oqaloqatiginninneq aammalu piffissap ilaani atuarfimmi meeqqanik oqaloqatiginninneq.
  • Meeqqanut inuusuttunullu ilaqutariinnullu tunngasunut suliniutinut pilersaarusiornermut atuutilersitsinermullu peqataaneq.
  • Pigaartartooqataaneq.
  • Pisariaqalersillugu suliassanngortartut.

Piginnaasassat 

·         Isumaginninnermi siunnersortitut ilinniarsimassasutit.

·          Meeqqanut inuusuttunullu kiisalu ilaqutariinnut siunnersuisarnermik misilittagaqassasutit.

·         Akisussaassuseqartuussaatit, ammasuussaatit suleqatikkuminartuullitillu.

·         Nammineersinnaassuseqartuussatit

·         Marluinnik oqaaseqartussaatit, kalaallisut/ qallunaatullu

·         Allannguinernut piareersimasuussaatit, tamat isiginnissinnaasoq aalajaatsorlu.

Akissarsiat atorfinitsitaanermilu atugassarititaasut  

Akissarsiat atorfinitsitaanermilu atugassarititaasut atorfininnerup nalaani Naalakker-suisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

Pinerlussimannginnermut /pinerluuteqarsimanermut kiisalu meeqqanik pinerliisi-mannginnermut uppernarsaatit naammaginartuuneri naapertorlugit atorfinitsitsi-soqassaaq.  Atorfinitsinneqartussap atsiornikkut akuersissuteqarneratigut, uppernarsaatinik atorfinitsitsinissamut oqartussaasut piniassapput, taakkulu Rigspoliti-mut piniarneqassallutik.

Atorfimmut atatillugu inissamik innersuussisoqarsinnaavoq, tassungalu malittarisassat atuuttut naapertorlugit qularnaveeqqusiussassaq/attartornermut akiligassat akilerneqassallutik. Atorfinitsitaanermi angalaneq, pequtillu nassiunneri akilerneqassapput.

 

Piaartumik isumaqatigiissuteqarnikkulluunniit atorfinitsitsisoqassaaq.

Pinerlussimannginnermut/pinerluuteqarsimanermut uppernarsaat naammaginartuunera tunngavigalugu atorfinitsitsisoqassaaq. Atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Bertha Dalager, oqarasuaat (+299) 817 853 email: beda@qeqqata.gl atorlugit saaffiginninnikkut pissarsiarineqarsinnaapput

Qinnuteqaat ilinniarsimanermut, siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu kingusinnerpaamik 2017-imi novembar-ip 27-ani Qeqqata Kommuniani Sulisoqarnermut Allaffeqarfiup tigoreersimassavaa

Qinnuteqaatit uunnga nassiunneqassapput: 

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

E-mail:job@qeqqata.gl

Web:www.qeqqata.gl/job

Attavissaq:

Bertha Dalager / Sofie Dorthe R. Olsen

(+299) 81 78 53 / (+299) 81 78 31

beda@qeqqata.gl / sodo@qeqqata.gl.