airplanebooksbriefcase business cogs cross election entertainment fish house law lockmedicalpeopleselfservices socialtax

Overassistent-imik Sisimiuni Teknikkimut Avatangiisinullu immikkoortortamut

Qeqqata Kommunia overassistentissarsiorpoq Sisimiuni Teknikkimut Avatangiisinullu immikkoortortaqarfik.
Qinnuteqarfissaq kingulleq:
10. november 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu 

Overassistent-imik Sisimiuni Teknikkimut Avatangiisinullu immikkoortortamut

 

Overassistenterput pikkorissoq allanik unammilligassarsisimavoq, maannnalu atorfik piaartumik inuttassarsiuunneqarpoq.

Overassistentip suliassarivai:

Overassistentip ulluinnarni TAI-mi allatseqarfimmi aqutsisumik qaninnermik attaveqartuuvoq, tullinnguuttullu suliassaralugit:

  • TAI-imi akisussaaffeqarfiit suliassallu iluani innuttaasunik suleqatigisanillu sullissineq ilitsersuinerlu.
  • Ikuallaavimmi, paaviaanermi eqqaavilerinermilu, sanaartornermut akuersissutini, nunaminertanik atugassiinermi, kalaalimineerniarfimmi, suliffeqarfimmi illuutinik sullissinernilu assigiinngitsut sinneri pillugit akiligassaliorneq naatsorsuinerlu kiisalu allattuinerit.
  • TAI-ip iluani sullissineq.
  • Allaffissorneq, journalinut allattuineq, toqqorterineq allakkanillu isumaginninneq.
  • Kalaallisut qallunaatullu oqaatsit atorlugit allattariarsornikkut oqaluttariarsornikkullu annikitsunik nutserineq.
  • Politikkikkut allaffeqarfiullu ataatsimiittarnerinut oqaluuserisassanik imaqarniliornernullu suliaqarnermut ikiuunneq pilersaarusioqataanerlu.
  • Missingersuutinik qaammatikkaartumik qaammatinillu pingasukkaarinernik misissuinermi ikiuunneq.
  • Sisimiuni TAI tamakkerlugu suliniutini akimortuni ineriartortitsinernilu peqataaneq.
  • Allattoqarfimmi aqutsisumik.

Piginnaasassat:

Innuttatsinnut sullitatsinnullu suliassagut sapinngisamik pitsaanerpaamik kivinniarlugit suliatsinnut assigiinngiiaartunut ataqatigiissaarnerilu eqqarsaatigalugit suleqammik tulluarnerpaamik piginnaasaqarnerpaamillu pissarserusuppugut.   Piffissamut suliallu pitsaassusaanut tunniussinissamut sulisunut piumasaqaateqartarpugut. Taamaattumik pitsaasumik sulinermi avatangiisinik paarinniinnarnissaq angusaqarnissarlu ukkatarisorujussuuvagut, qinnuteqartumullu tullinnguuttunik piumasaqaateqarpugut:

  • Kajumissuseqartutit, akisussaassuseqartutit, inuit ataasiakkaat assiginngissusaannut ataqqinnissuseqarlutik suleqatigiinni suleqataanissannut nuannarisaqartutit, aammalu suliassat unammillernartut suleqatillu assigiinngitsunik tunuliaqutaqarlutik ilinniagaqartut misilittagaqartullu peqatigalugit sulininnut inuttullu ineriartornissamut soqutiginnissuseqartutit.
  • Torersuusutit ulapaarfinnilu takunnissinnaassuseqarlutit.
  • Allattariarsornikkut oqaluttariarsornikkullu kalaallisut qallunaatullu oqalussinnaasutit qarasaasiamillu nalinginnaasumik atuisinnaassuseqartutit.
  • Allaffissornermut ilinniarsimasuusutit imaluunniit allaffissornerup iluani annertuumik misilittagaqartuusutit.

Teknikkimut Avatangiisinullu Immikkoortortaqarfik pillugu

Teknikkimut Avatangiisinullu immikkoortortaqarfik Teknikkeqarnermut Aatsitassarsiornermut Avatangiisinullu Ataatsimiititaliaq ataatsimiititaliamut allattoqarfiuvoq.  Teknikkimut Avatangiisinullu immikkoortortaqarfik ingerlatsinermut, sanaartornermut, nunaminertanik aqutsinermut immikkoortortaqarpoq allatseqarfeqarlunilu.

Allatut oqaatigalugu, TAI ilaatigut politikkikkut oqaluuserisassanik innersuussutinik malitseqartitsinernillu, kommunip sanaartugaanik/illuutaanik sanaartornernik aserfallatsaaliinernillu, nunaminertanik tamanik atugassianik ingerlatsinermik ingerlatsisuuvoq aammalu aqqusinniornerit eqqagasalerinermut, kuuffissuarnullu kalaamineerniarfimmik ingerlatsinermut inuiaqatigiinik sullissinernik ingerlatsisuuvoq.

Akissarsiatigut atorfinitsitaanermilu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakersuisut aamma SIK akornanni isumaqatigiissutit atuuttut malillugit iluarsineqassapput.

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Inissaqartitsisoqarsinnaavoq.

Atorfinitsitsineq pissaaq piaartumik imaluunniit isumaqatigiinnikkut.

Atorfik pillugu paasissutissat sukumiinerusut Teknikkimut avatangiisinullu pisortamut Niels Mønsted oqarasuaat (+299) 86 74 71, e-mail: niem@qeqqata.gl  imaluunniit immikkoortumi aqutsisumut Elisabeth Banemann oqarasuaat (+299) 86 74 60, e-mail: elba@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 

10. november 2017-imi.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Niels Mønsted / Elisabeth Banemann

(+299) 86 74 71 / (+299) 86 74 60

niem@qeqqata.gl / elba@qeqqata.gl