airplanebooksbriefcase business cogs cross election entertainment fish house law lockmedicalpeopleselfservices socialtax

Kangerlussuarmi Qinnguata Atuarfia ilinniartitsisunik pissarsiorpugut

Qinnguata Atuarfia timelærerinik ataatsimik marlunnilluunniit ujaarlerpoq, piaarnerpaamik sulilersussamik, aammalu piffissap ilaannaani allatsimik sulilersussamik.
Atorfiup aappaa timelæreri piffissamik tamakkiisumik atorfinititsineruvoq, atuartitsisussallu sapaatip akunneranut piareeqqapput, makkulu atuartitsissutigineqassallutik, kalaallisut, upperisalerineq/eqqarsaqqissaarnerlu nukarlerni akullernilu. Taamatullu aamma immikkut atuartittariaqartuni atuartitsisarumaarluni. Atorfinititsinissallu aappaa piffissap affaani atorfinititsineruvoq, aammalu allatsitut atorfik pilerigingaannik piffissamik tamakkiisumik atorfininnermik aaqqiissuteqartoqarsinnaalluni. Tassa imaappoq piffissap affaa timelæreritut piffissap affaa allatsitut. Timelæreritullu atorfimmi pingaarnertut immikkut atuartitassat allamik ilinniartitsisumik peqateqarluni atuartitsinerussaaq ukulu atuartitsissutit ingerlanneqassallutik, kalaallisut danskitut tuluttut aammalu matematik.
Qinnuteqarfissaq kingulleq:
10. november 2017
Sumiiffik/Pisortaqarfik:
Kangerlussuaq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu 

Timelærerisut naatsorsuutigineqarpoq ilinnik:

·         Meeqqanik inuusuttuaqqanik sullissinissamut piumassuseqassasutit

·         Ajornaasaartuunissat akuersaartuullutillu

·         Sapiissuseqarnissat ilikkagassatut anguniakkanik atuartitsisutinillu suliaqarnissannik

·         Sapiissuseqarnissat ikiortissarsiornissamut aammalu atuartitsissutinik naammassinnissamut tapersersortaanissamut

·         Suliffimmi aalajaattuumik takkuttarnissat.

Atuarfimmi allatsitut makku suliassaapput:

·         Akisussaasuunissaq oqarasuaammik tigusisarnissamik aammalu e-mailinik akisisarnissaq

·         Nassiussuinissaq akiligassanik (faktura) aammalu vikarit tiimiinik

·         Allakkanik pappilissanik pingaarutilinnik toqqorterinissaq

·         Nutsigassat annikitsut oqalutsiusarnerlu

·         Allaffissorneq atuartunut tunngasut TEA-mi

·         Allallu atuarfiup allattaatut suliassaasut

Suliassat akisussaaffiillu:

Qinnguata Atuarfi Kangerlussuarmi atuartoqarpoq 1.-10.klasse tikillugu. Atuartut 70-it missaaniipput, klassinullu tallimanut taakku agguataarnikuupput. Atuarfiup pingaartippaa aallullugulu atuagarsorneq qaffassassallugu meeqqanut inuusuttuaqqanullu aammalu toqqissisimassasut atuarfimmiikkaagamik. Suleqatigiinneq aammalu qiimaqatigiinneq ilinniartitsisut inaanni atugaraarput.

Maannakkut ilinniartitsisut ilinniarsimasut qulit aammalu perorsaasoq ataaseq sulisuupput atuarfimmi.

Atuarfiup pisortaa: Jens Borch Scharnberg attavigineqarsinnaavoq oqarasuaat (+299) 84 10 27 atorlugu, e-mail: kangerlussuaq@atuarfiit.gl

Akissarsiatigut atorfinitsitaanermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat
aammalu isumaqatigiissutit Naalakkersuisut ilinniartitsisullu kattuffiata IMAK-ip akornanni
isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut
atugassarititaasut annerusumik naapertorlugit pissaaq, taamaattorli tjenestemanditut atorfinissinnaaneq
Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut
periarfissaqarpoq.

Meeqqanik pinerliisimannginnermut uppernarsaat:

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni.

Atorfinitsitsineq pissaaq
1.decembari 2017 imaluunniit isumaqatigiinnikkut.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,
oqaaseqaatinik attuumassuteqarsinnaasunillu ilalerlugu tigoreersimassavarput ulloq: 10. Novembari 2017

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail:
job@qeqqata.gl
Web:
www.qeqqata.gl

Attavissaq:

Jens Borch Scharnberg

(+299) 84 10 27

kangerlussuaq@atuarfiit.gl