airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Meeqqanut Ilaqutariinnullu Immikkoortortaqarfimmi Isumaginninnermi siunnersorti/sullissisoq

Qeqqata Kommunia Sisimiuni Meeqqanut Ilaqutariinnullu immikkoortortaqarfik isumaginninnermi siunnersortimik/sullissisumik ataatsimik pissarsiorpoq.
Qinnuteqarfissaq kingulleq:
22. november 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu 

Sisimiuni Meeqqanut Ilaqutariinnullu immikkoortortaqarfimmi Isumaginninnermi siunnersorti/sullissisoq ataaseq

Qeqqata Kommuniani Ilaqutariinnut immikkoortortaqarfik (Sisimiut) Isumaginninnermi siunnersortimik/sullissisumik ataatsimik pissarsiorpoq.

Ilaqutariinnut immikkoortortaq 23-nik sulisoqarpoq imatut agguataagaasunik, Ikiorsiinermi immikkoortortaqarfik, Ilaqutariinnermut immikkoortortaqarfik, Allatseqarfik, Utoqqarnut immikkoortortaqarfik kiisalu Innarluutilinnut immikkoortortaqarfik. Meeqqanut Ilaqutariinnullu immikkoortortaqarfik, immikkoortortami pisortaq ilanngullugu arfineq-marlunnik sulisoqarsinnaavoq.

Isumaginninnermi siunnersortip pingaarnertut makku suliassarai:

·         nalunaarutiginninnernik isumaginninneq

·         inatsit atuuttoq malillugu siunnersuineq ilitsersuinerlu.

·         pinartoqartillugu ikiuunneq

·         meeqqanik inuusuttunillu oqaloqatiginninneq, angajoqqaat attaveqaatillu ilanngullugit

·         iliuusissatut pilersaarusiortarneq.

·         attaveqaqatigiinnik kiisalu sulianik sullissisut ataatsimiittarnerinik ingerlatsineq

·         immikkoortortami sulianut tunngasutigut siunnersueqatigiinnermut peqataaneq il.il

·         pisariaqalersillugu suliassanngortartut

 

Naatsorsuutigaarput;

  • Isumaginninnermut tunngasuni inatsisinik ilisimasaqartuusutit.
  • Kommunimi suliassanik suliaqarnermik il.il. misilittagaqassasutit.
  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit
  • Tamat isiginnissinnaalluartuusutit aamma pisuni ulapaarfiusuni.

 

Ilinniakkatigut piginnaasat:

         Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

         Marluinnik oqaaseqartuusutit.

         Oqaatsinik atuinermut allattariarsornermullu pitsaasumik piginnaasaqartuusutit.

 

Inuttut piginnaasat:

         Sullissinermik sungiusimasaqartutit

         Saaffikkuminartuusutit, akuersaartumillu isiginnittariaaseqartuusutit

         Namminersortumik akisussaassuseqartumillu sulisinnaasutit

         Aalajaatsuusutit tatiginartuusutillu

         Suliassanut ilisimaarinnittuusutit, pimoorussisuullutillu

         Suleqatikkuminartuusutit

Akissarsiatigut atorfinitsitaanermilu atugassarititaasut  

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Meeqqanik pinerliisimannginnermut pineqaatissinneqarsimannginnermullu uppernarsaat

Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

Atorfik pillugu paasissutissat sukumiinerusut Ilaqutariinnermut pisortaagallartumut Estella Buhrkall, oqarasuaat (+299) 86 74 31, e-mail: esbu@qeqqata.gl imaluunniit immikkoortortami pisortamut Johanne E Evaldsen, oqarasuaat (+299) 86 74 20 e-mail jeev@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2017-imi Novemberip 22-ani tigoreersimassavarput.

Qinnuteqaat uunga nassiunneqassaaq:  

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail:job@qeqqata.gl

Web:www.qeqqata.gl/job

Attavissaq:

Estella Buhrkall / Johanne E. Evaldsen

(+299) 86 74 31 / (+299) 86 74 20

esbu@qeqqata.gl / jeev@qeqqata.gl