airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Atuartut angerlarsimaffianut, Maniitsumi Igaffimmi aqutsisumik pissarsiorpoq

Qeqqata Kommuniata atuartut angerlarsimaffiannut Maniitsumi

Qeqqata Kommuniata atuartut angerlarsimaffiannut Maniitsumi Igaffimmi aqutsisumik piffissaq tamakkerlugu atorfeqartussamik pissarsiorpoq.
Qeqqata Kommuniata atuartunut angerlarsimaffiani ukiumi atuarfiusumi 2017/18-mi atuariartortut najugaqartissavaat 8, 13-niniit 17-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Sulisut tassaapput pisortaq ataaseq, tullersorti ataaseq, perorsaasut pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.
Qinnuteqarfissaq kingulleq:
31. december 2017
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu:  

Igaffimmi aqutsisup suliassai akisussaaffiilu

  • Nerisaqartitsinissamut tunngatillugu pilersaarusiorneq, pisinniarneq, najugaqartut peqatigalugit peqqinnartunik assigiinngiijaartunillu nerisassiorneq
  • Toqqorsiviit/qeritisivik/nillataartitsivillu eqqiluitsuutinnissaanut akisussaasuuneq
  • Atuartut angerlarsimaffiani igaffiit nerisarfiillu tamaasa eqqiluitsuutinnissai
  • Nerisaqartitsinissamut pilersaarusiortarneq
  • Atuartut angerlarsimaffiani igaffiit nerisarfiillu tamaasa atortuinik aserfallatsaaliineq
  • Qulakkiissallugu isersimaartarfiit igaffiisa nerisassanik imaqartuartarnissai

 

Piginnaasassat

·         Igassutut nerisassiornermi igasutut assigisaanilluunniit ilinniagaqarputit

·         Inuusuttuaqqanik nuannarisaqarputit

·         Suleqatinik suleqatiginnillaqqipputit

·         Aalajaatsuuvutit akisussaassuseqartuullutillu, namminersorlutillu sulisinnaallutit

 

Qinnuteqartumut piumasaqaatit

  • Igaffimmi sulinermik misilittagaqarputit
  • Timikkut tarnikkullu pisinnaarsuuvutit

Tunniussinnaasagut

Suliffimmi ineriartortumi akisussaaqataallutit peqataagit taamaalillutillu ineriartoqataallutit.

Akissarsiat atorfeqartitaanermilu atugassarititaasut:  

Atorfininnerup nalaani Namminersorlutik Oqartussat SIK-p   isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata

Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq Piaartumik isumaqatigiinnikkulluunniit

Atorfinnut paasissutissat annertunerusut atuartut angerlarsimaffiani pisortamut Eva Jessen-imut mobil 81 31 93 aamma email kollegiet@kilaas.gl attaveqarnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 2. januar 2018-mi.

Qinnuteqaatit uunnga nassiunneqassapput:  

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Eva Jessen

(+299) 81 31 93

kollegiet@kilaas.gl