airplanebooksbriefcase business cogs cross election entertainment fish house law lockmedicalpeopleselfservices socialtax

Majoriaq suliffissarsiuussisarfimmut immikkoortumi aqutsisussarsiorpoq

Majoriap ataani suliffissarsiuussisarfik amerlanerusut sulilernissaannik Namminersorlutik Oqartussat kissaataanni pingaarutilimmik inissisimavoq. Uagut suliassaraarput peqataanissaq, illoqarfigisami nunalu tamakkerlugu pissutsit pillugit paasisimasaqarluarneq aammalu suliffissarsiortut sulisitsisullu akornanni ikaarsaarfissaliortussaaneq.
Qinnuteqarfissaq kingulleq:
5. december 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

Suliffissarsiuussisarfimmut tamakkiisumut aammalu Majoriap sullitaanik tamanik innersuunneqartussanut tigusisarnermut immikkoortortami aqutsisutut suliaqassaatit. Aqutsinermi akisussaaffeqarlutit aammalu centerimi aqutsisumut toqqaannartumik attaveqarlutit Majoriami aqutsisoqatigiinnut ilaassaatit. Suliffissaaleqisunik nalunaarsuineq, avataanit sulisussanik tikittunik nakkutilliineq, nuttarnerulernissamut aningasaliissutit kiisalu sulinngiffeqarallarnersiutinik, pikkorissarnersiutinik napparsimanermilu ullormusianik naatsorsuineq suliffissarsiuussisarfimmi suliassaapput. Piginnaanngorsartunik, sapinngisaq malillugu suliffinnik misiliisunik aamma suliffeqarfimmi misiliisunik suliffissarsiuussisarfimmi suliassat aamma ilagaat.

Piginnaasat:

·         Aqutsinermik misilittagaqartoq

·         Ulluinnarni akisussaaffinnik suliassanillu tigusisinnaasoq

·         Nammineersinnaassuteqartoq suleqatigiinnermillu annertuumik pingaartitsisoq

·         Immikkoortortami aammalu Majoriap tamakkiisumik ineriartornissaanut sunniuteqaqataasinnaasoq

·         Pisunik tamakkiisumik isiginnissinnaassuseqartoq sunniuteqarluarsinnaasorlu

·         Suliatigut inuttullu ilisimasaqarluartoq

Aningaasarsiat atorfininnermilu atugassarititaasut: 

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq 

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

Inissaqartitsisoqarsinnaavoq malittarisassat atuuttut malillugit ineqarnermut qaammammut akiliisoqartassalluni.

Piaartumik isumaqatigiissuteqarnikkulluunniit atorfinitsitsisoqassaaq.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2017-imi decembarip 5-ani tigoriissavarput.

Annerusumik paasisaqarusukkuit attavigiuk:

Atorfik pillugu paasissutissat annertunerusut Sisimiuni Centerlederimut Malene Larsen-imut, oqarasuaat 86 71 59, e-mail: mala@qeqqata.gl saaffiginninnikkut pissarsiarineqarsinnaapput

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

E-mail:job@qeqqata.gl

Web: www.qeqqata.gl

Attavissaq:

Malene Larsen

(+299) 86 71 59

mala@qeqqata.gl