airplanebooksbriefcase business cogs cross election entertainment fish house law lockmedicalpeopleselfservices socialtax

Majoriaq suliffissarsiuussisartussarsiorpoq

Amerlanerusut sulilersinneqarnissaannik Naalakkersuisut kissaateqarnerini, suliffissarsiuussisartutut pingaarutilittut inissisimassaatit. Illoqarfimmi nunallu sinnerani periarfissanut malinnaalluarnikkut, eqeersimaartumik sulinissat pingaaruteqarpoq. Taamaalillutit innuttaasunut pitsaanerpaamik ilitsersuisinnaassaatit
Qinnuteqarfissaq kingulleq:
5. december 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Suliassat akisussaaffiillu:

  • Suliffissarsiortunut piginnaanngorsartunullu iliuusissatut pilersaarusiorneq, iliuusissatullu pilersaarutinik malinnaatitsineq.
  • Suliffissaaleqisunik nalunaarsuineq
  • Suliffissaaleqinermi, angerlartitaanermi napparsimanermilu sulinngiffeqarallarnersiutissat suliarineri
  • Nuttarnerulersitsiniarluni aningaasaliissutinit qinnuteqaatinik suliarinninneq
  • Suliffissarsiuussineq, suliffissanullu innersuussinerit
  • Ukiup affaanut ISN-imut kisitsisinik nalunaarsuineq

Pingaarnerpaatillugulu illoqarfimmi inuutissarsiuteqarfinnik attaveqarneq.

Piginnaasat:

·         Ammasuusutit, qiimasuusutit, akisussaassuseqartutit, nammineersinnaassuseqartutit, aalajaattutillu

·         Allakkatigut oqaluinnarnikkullu paasissutissiillaqqillutillu attaveqarluarsinnaasutit

·         Suliffeqarfinnut attaveqartarnermik, suleqatigiinnermillu pilersitsinermik misilittagaqartutit

·         Eqaatsumik, piumassuseqartumik, isumassuisumillu suleriaaseqartutit, soorluttaaq pisunut paasinnillaqqittuusutit

·         Periarfissanut tappittuusutit, inoqatinnullu pitsaasumik isiginnittaaseqartutit

·         Aaqqissuussaasumik sulisinnaassuseqartutit, suleqateqarluarsinnaasutit, aaqqiagiinngissutaasinnaasunillu aaqqiisinnaassuseqartutit

Akissarsiat atorfininnermilu atugassarititaasut 

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq 

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.  Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

Inissaqartitsisoqarsinnaavoq malittarisassat atuuttut malillugit ineqarnermut qaammammut akiliisoqartassalluni.

 

Piaartumik isumaqatigiissuteqarnikkulluunniit atorfinitsitsisoqassaaq.

Annerusumik paasisaqarusukkuit attavigiuk:

Atorfik pillugu paasissutissat annertunerusut Sisimiuni Centerlederimut Malene Larsen-imut, oqarasuaat 86 71 59, e-mail: mala@qeqqata.gl saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2017-imi decembarip 5-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

E-mail:job@qeqqata.gl

Web: www qeqqata.gl

Attavissaq:

Malene Larsen

(+299) 86 71 59

mala@qeqqata.gl