airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia atuartut angerlarsimaffiannut Maniitsumi Pisortap tullianik pissarsiorpoq.

Qeqqata Kommuniata atuartut angerlarsimaffiannut Maniitsumi
Qeqqata Kommuniata atuartut angerlarsimaffiannut Maniitsumi pisortap tullianik piffissaq tamakkerlugu atorfeqartussamik pissarsiorpoq.

Qeqqata Kommuniata atuartunut angerlarsimaffiani ukiumi atuarfiusumi 2017/18-mi atuariartortut najugaqartissavaat 7, 13-niniit 17-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Sulisut tassaapput pisortaq ataaseq, tullersorti ataaseq, perorsaasut pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.
Qinnuteqarfissaq kingulleq:
29. december 2017
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu:  

Pisortamut tullersortip suliassai akisussaaffiilu

  • Pisortaq suleqatigalugu atuartut angerlarsimaffianni aqutsineq.
  • Najugaqartut najorneri/isumassorneri/perorsarneri.
  • Qulakkiissallugu najugaqartut ullut tamaasa atuariartornissaat.
  • Atuartut angerlarsimaffianni torersaanermut tunngatillugu suleqatigiinnissaq.
  • Najugaqartut suleqatigalugit sunngiffimmi sutitsisarnissanik ingerlatsisarnissaq.
  • Qulakkiissallugu atuartut angerlarsimaffianni atugarisat nuannersuunissaat.
  • Angajoqqaat atuarfillu suleqatigalugillu attaveqarfigilluartarnissaat.

 

Piginnaasassat

  • Perorsaasutut assingusumilluunniit ilinniagaqarputit
  • Inuusuttuaqqanik 13-17-nillu akornanni ukiulinnik sullissinermik misilittagaqarputit
  • Inuusuttuaqqanik nuannarisaqarputit
  • Angajoqqaat atuarfillu suleqatigilluarsinnaavatit.
  • Aalajaatsuuvutit akisussaassuseqartuullutillu, namminersorlutillu sulisinnaallutit

 

Qinnuteqartumut piumasaqaatit

  • Meeqqat inuusuttuaqqallu akornanni sullissinermik misilittagaqarputit
  • Timikkut tarnikkullu pisinnaarsuuvutit.
  • Perorsaanikkut kaammattuutaasunik sammisaqartitsinernik neqeroornissamut piginnaassaqarputit.
  • Angallassisinnaassaatit

 

Tunniussinnaasagut

Suliffimmi ineriartortumi akisussaaqataallutit peqataagit taamaalillutillu ineriartoqataallutit.

Akissarsiat atorfeqartitaanermilu atugassarititaasut:  

Atorfininnerup nalaani Namminersorlutik Oqartussat, N.P.K. imaluunniit SIK-p   isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata

Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. januar 2018 isumaqatigiinnikkulluunniit

 

Atorfinnut paasissutissat annertunerusut atuartut angerlarsimaffiani pisortamut Eva Jessen-imut mobil 81 31 93 aamma email kollegiet@kilaas.gl attaveqarnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,

oqaaseqaatinik attuumassuteqarsinnaasunillu ilalerlugu tigoreersimassavarput ulloq 29. december 2017-mi.

Qinnuteqaatit uunnga nassiunneqassapput:  

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Eva Jessen

(+299) 81 31 93

kollegiet@kilaas.gl