airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Sarfannguani aqqusinilerisunut formandimik pissarsiorpoq

Teknikkimut Avatangiisinullu immikkoortortaq Sarfannguani nunaqarfimmi kommunip entreprenøreqarfiani aqqusinerilerisunut formandimik januaarip aallaqqaataani isumaqatigiissuteqarnikkulluunniit sulilertussamik pissarsiorpoq.
Qinnuteqarfissaq kingulleq:
19. december 2017
Sumiiffik/Pisortaqarfik:
Sarfannguit
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Aqqusinilerisut formandiat nunaqarfimmi entreprenøreqarfiup pingasunik sulisoqartup ulluinnarni ingerlanneqarnera suliarissavaa.

Formandi aalajaatsuussaaq, silatusaartoq aqutsisuusinnaassuseqarlunilu.

Suliassat tullinnguuttut suliarineqartarnissaat naatsorsuutigineqassaaq:

 

  • Nunaqarfimmi suliassanik pingaarnersiuineq naammassinninnerlu.
  • Suliassat pilersaarusiorneqarnerisa ingerlanneqarnerisalu pitsaasuunissaasa akunnaatsuunissaasalu qulakkeerneqarnissaat.
  • Teknikkeqarnermut tunngasut pillugit innuttaasunut paasissutissiisarnermut peqataaneq
  • Immikkoortortami suleqataasunik ilinniartitsinissap qulakkeerneqarnissaa
  • Sulisunik ineriartortitsilluni oqaloqatiginninnernik ingerlatsineq malitseqartitsinerlu
  • Ulluinnarni aammalu ungasinnerusumut isiginnitttumik suliffissanik, sulinngiffeqarfissanik sulinissaraluamullu taarsiullugu sulinngiffissanik (afspadsering) pilersaarusiorneq 
  • sulisunik akunnermusialinnik sulilersitsineq
  • Eqqagassanik anartarfiillu puussiartakuinik katersinissap qulakkeernissaa
  • Errorsisarfimmik/uffarfimmik ingerlatsinerup qulakkeerneqarnera
  • Aputaajaasarnerup, quaasannaveersaartitsinerup, aasaanerani aqqusinernik, majuartarfinnik, ikaartarfinnik puttasunillu aserfallatsaaliinerup qulakkeerneqarnera.
  • Eqqagassanik ikuallaanerup sapinngisamik pitsaanerpaamik qulakeerneqarnera
  • Nunaqarfimmi torersuunissap qulakkeerneqarnera.
  • Sisimiuni qimmiutilinnik qimmilerisumillu attaveqarneq
  • Teknikkikkut atortunik aserfallatsaaliinissap qulakkeerneqarnera
  • Suliassat nalinginnaasut

 

Aqqusinilerisut ilaatigut suliassarisarpaat eqqaavilerineq aamma anartarfilerineq, eqqagassanik passussineq, aqqusinernik aserfallatsaaliineq, aputaajaaneq quatsernaveersaartitsinerlu, torersaaneq torersuutitsinerlu, majuartarfinnik puttasunillu, iliveqarfimmik, Tuniniaavimmik, solarimik ingerlatsineq, nunaqarfimmi ikuallaavimmik eqqaavissuarmillu aserfallatsaalineq. 

Sisimiuni Teknikkimut Avatangiisinullu immikkoortortami ingerlatsinermut aqutsisoq Aqqusinilerisut formandiata qaninnertut qullersaraa, ulluinnarnilu nunaqarfimmi allaffimmi pisortaq qanimut suleqatigineqartassalluni.

Qinnuteqartup minnerpaamik biilinik ingerlatsisinnaanermut allagartaq (kørekort) Kat. B pigissavaa.

Atorfimmut malittarisassat atuuttut malillugit akilerneqartussamik sulisunut inissamik inissaqartitsisoqarsinnaavoq.

Akissarsiat atorfininnermilu atugassarititaasut 

Akissarsiat atorfinitsitaanermullu piumasaqaatit Kalaallit Nunaata Naalakkersuisuisa SIK-llu isumaqatigissutai naapertorlugit atorfinitsitsisoqassaaq.

Atorfik akissarsiallu pillugit paasissutissat erseqqinnerusut Sarfannguani nunaqarfimmi allaffimmi allaffissornermut pisortamut oqarasuaat 867384 imaluunniit Sisimiuni Teknikkimut Avatangiisinullu immikkoortortami ingerlatsinermut pisortamut oqarasuaat 867475 imaluunniit allaffiup ammasarfiini nammineq ornigulluni saaffiginninnikkut pissarsiarineqarsinnaapput.

 

Qinnuteqartup ilisimaarissavaa, meeqqanik pinerliisimannginnermut uppernarsaammik pinerluuteqarsimannginnermullu uppernarsaammik takutitsisoqarsinnaappat aatsaat atorfinitsitsisoqassammat, taakkua Qeqqata Kommuniata aassavai.

 

Allakkatigut qinnuteqaat Sarfannguani nunaqarfiup allaffianeeriissaaq kingusinnerpaamik ataasinngorneq ulloq 19.12.2017.

 

Qinnuteqaatit uunnga nassiunneqassaaq: 

Qeqqata Kommunia

HR Afdeling

Postboks 1014

E-mail: job@qeqqata.gl

Web: www.qeqqata.gl

Attavissaq:

Martin Jungersen

(+299) 86 74 75

maju@qeqqata.gl