airplanebooksbriefcase business cogs cross election entertainment fish house law lockmedicalpeopleselfservices socialtax

Marlunnik isumaginninnermi siunnersortinik/sullissisunik Sisimiuni Meeqqanut- Ilaqutariinnullu immikkoortortamut

Qeqqata Kommunia Sisimiuni marlunnik Isumaginninnermi siunnersortinik/Sullissisunik Meeqqanut- Ilaqutariinnullu immikkoortortamut
Qinnuteqarfissaq kingulleq:
12. februar 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. marts 2018 imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffillu:  

Qeqqata Kommuniani Sisimiuni Ilaqutariinnermut Immikkoortortami, Meeqqanut Ilaqutariinnullu immikkoortortaqarfimmi atorfinnut pilersinneqarlaanut isumaginninnermut siunnersortinik/sullissisunik marlunnik pissarsiorpoq.

Ilaqutariinnut immikkoortortaq Ikiorsiinermi immikkoortortaqarfimmi, Ilaqutariinnermut immikkoortortaqarfimmi, Allatseqarfimmi, Utoqqarnut immikkoortortaqarfimmi kiisalu Innarluutilinnut immikkoortortaqarfimmi katillugit 25-nik sulisoqarpoq. Meeqqanut Ilaqutariinnullu immikkoortortaqarfimmi, immikkoortortami pisortaq ilanngullugu atorfiit akuerisaasut qulingiluaapput.

Isumaginninnermut siunnersortip aappaata suliassai pingaarnerit ilaatigut ukuussapput:

  • Isumaginninnermi inatsimmut atuuttumut naapertuuttumik sulianik ingerlatsineq

  • Atuarfinni meeqqanik angajoqqaanillu oqaloqatiginnittarnerit

  • Atuarfinnik ataatsimeeqateqartarneq

  • Siusissukkut iliuuseqartartoqatigiinnut suliat pillugit ataatsimeeqataasarneq

  • Ataatsimiititaliamut innersuussusiortarneq

  • Iliuusissatut pilersaarutinik, malitseqartitsinernik allanillu suliaqartarneq

  • Suliassat takkussuuttut nalinginnaasut

Isumaginninnermut siunnersortip aappaata suliassai pingaarnerit ilaatigut ukuussapput:

  • Inatsit atuuttoq malillugu siunnersuineq ilitsersuinerlu.

  • Namminersortutut kommunillu ataani paarsisinnaanermut akuersissutinik, meeravissiartaarnissamik, allanullu tunngasunik qinnuteqaatinik suliarinnittarneq

  • Angajoqqaasianik siunnersuineq (Supervision)

  • Angajoqqaarsianik paasititsiniarluni- sammisaqarlunilu ataatsimiisitsinerit

  • Meeravissianngortitsinermi atugassanik isumaginninnermut nalunaarusianik suliarinnittarneq

  • Ataatsimiititaliamut allanullu innersuussusiortarneq

  • Ataatsimiinnernut allanullu peqataasarneq

  • Suliassat takkussuuttut nalinginnaasut

Naatsorsuutigaarput:

  • Isumaginninnermi tunngasuni inatsisinik ilisimasaqartuusutit.

  • Kommunimi suliassanik suliaqarnermik il.il. misilittagaqassasutit.

  • Allannguisoqarsinnaaneranut piareersimalluartuussasutit

  • Tunniussimasuullutillu tutsuiginartuusutit

  • Akuersaartumik isiginnittariaaseqartuusutit

  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

  • Marluinnik oqaasilik

  • Oqaatsinik atuinermut allattariarsornermullu pitsaasumik piginnaasaqartuusutit.

 

Inuttut piginnaasat:

  • Sullissinermik sungiusimasaqartutit

  • Ilakkuminartuusutit

  • Suliamut tunniusimasuusutit aalajaatsuullutillu

  • Suleqatikkuminartuusutit

Tamanik isiginnissinnaalluartuusutit aamma pisuni ulapaarfiusuni.

Akissarsiatigut atorfinitsitaanermilu atugassarititaasut:  

Akissarsiat atorfeqartitaanermullu tunngasut, matumani atorfininnermut atatillugu angalaneq pequtillu assartorneri, Naalakkersuisut aamma Atorfillit Kattuffiata akornanni isumaqatigiissutut naapertorlugit aaqqinneqassapput.

 

Atorfimmut inissaqartitsisoqarsinnaavoq, isumaqatigiissutit atuuttut malillugit akilersorneqartussamik.

 

Atorfininneq pissaaq 1. marts 2018 imaluunniit isumaqatigiinnikkut.  

 

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat. 

  

Atorfimmut sukumiinerusumik paasissutissat immikkoortortami pisortamut Johanne Egede Evaldsen-imut, oqarasuaat (+299) 86 74 20, e-mail: jeev@qeqqata.gl saaffigininnikkut pissarsiarineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 12. februar 2018-imi

Qinnuteqaatit uunnga nassiunneqassapput: 

Qeqqata Kommunia

HR-afdeling

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Johanne Egede Evaldsen

(+299) 86 74 20

jeev@qeqqata.gl