airplanebooksbriefcase business cogs cross election entertainment fish house law lockmedicalpeopleselfservices socialtax

Ullup affaanut pinaveersaartitsinermut siunnersortimik kiisalu katersugaasivimmi ullup affaanut sulisussamik

Qeqqata Kommunia ullup affaanut pinaveersaartitsinermut siunnersortimik, kiisalu katersugaasivimmi ullup affaanut sulisussamik pissarsiorpoq. Taamaalilluni piffissami tamakkiisumik atorfik ataatsimoortitaalluni.

Sulisup pinaveersaartitsinermi katersugaasiveqarnermilu akimortumik ataqatigiissitamillu suliniuteqarnermik qulakkeerinninnissaa kissaatigaarput.
Qinnuteqarfissaq kingulleq:
19. februar 2018
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu 

  • Nunaqarfimmi akimortumik pinaveersaartitsiniarnermut ataqatigiissaarineq

  • Nunaqarfimmi pinaveersaartitsilluni sammisaqartitsisarnissamut pilersaarusiortarnermi akisussaaqataaneq

  • Pisuussutinik pigeriikkanik ataqatigiissaarineq

  • Pinaveersaartitsiniutinik tigussaasunik aallartisaaneq

  • Atuarfinni meeqqerivinnilu tigussaasunik paasititsiniaanermut suliaqarneq

  • Pinaveersaartitsilluni sammisaqartitsinermut tunngatillugu peqatigiiffinnik suleqateqarneq

  • Saqqummersitassanik nutaanik ineriartortitsinermut pilersaarusiornermullu peqataasarneq

  • Saqqummersitanik pigeriikkanik aserfallatsaaliineq

  • Paasititsiniaanermut suliassanik isumaginninneq, nammineq inuttut digitalitigulluunniit atortorissaarutit atorlugit

  • Allaffissornermi suliassat

  • Suligasuarsinnaaneq

 

Piginnaasassat:

  • Suleqateqarluarsinnaasutit, avatangiisinnillu sunniisinnaassuseqassasutit

  • Katersugaasiveqarnerup pinaveersaartitsinerullu iluanni misilittagaqartutit

  • Akimortumik ataqatigiissaarisinnaasuusutit

  • Kulturimi marloqiusaasumik avatangiisilimmi anguniagaqartumik sulisinnaassuseqassaatit

  • Nassaarsiullaqqissuullutillu isumassarsiullaqqissuussaatit

  • Nammineersinnaassuseqarlutillu aallartitsiniallaqqissuusutit

  • Ajornanngippat arlalinnik oqaaseqartuussasutit, kalaallisut qallunaatullu

Akissarsiat atorfinitsitaanermilu atugassarititaasut 

Atorfininnerup nalaani Naalakkersuisut aamma AK aamma SIK  isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

 

Atorfimmut inissaqartitsisoqanngilaq.

 

 

Pinaveersaartitsinermut siunnersortitut/katersugaasivimmi sulisutut atorfik allaffissornikkut Kangaamiuni inissisimavoq, aaqqissuussaanikkullu nunaqarfimmi aqutsisup ataani aamma Maniitsumi pinaveersaartitsinermut siunnersortip ataani aaqqissugaavoq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. marts 2018 imaluunniit isumaqatigiinnikkut.

 

Atorfimmut sukumiinerusumik paasissutissat pillugit Maniitsumi pinaveersaartitsinermut siunnersorti Albricht Kreutzmann, oqarasuaat (+299) 83 25 85,  e-mail-imut: alkz@qeqqata.gl imaluunniit nunaqarfinnut ataqatigiissaarisoq Louisannguaq Rosing, oqarasuaa (+299) 81 78 33, e-mail-imut: loro@qeqqata.gl atorlugit attavigineqarsinnaapput

  

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 19. februar 2018-mi.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Louisannguaq Rosing

(+299) 81 78 33

loro@qeqqata.gl