airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ornittagaq Sikkersoq-mut pisortamik

Ornittagaq Sikkersoq meeqqanut 2. aamma 3. klassimi atuartunut ulluunerani paaqqinnittarfiuvoq, 1. klassimi 4. klassimilu atuartunut immikkut akuersissuteqarfiusinnaasoq. Oktobarip aallaqqaataanit marsip 31-ata tungaanut, 7. aamma 8. klassimmi atuartunut unnukkut neqerooruteqarfiusoq.
Ornittagaq Sikkersoq ulluunerani meeqqanut 71-inut, unnukkullu 50-inut inissaqartitsivoq.
Pisortaq ilanngullugu sulisunut qulinut amerlassusiligaavoq. Illu sannaveqarluni, aalanissamut periarfissaqarluartumik inersuaqarluni aggilugaavoq.
Qinnuteqarfissaq kingulleq:
21. februar 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. april 2018 imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu 

Suliassat akisussaaffiillu:

  • Meeqqanut atuartunut perorsaanikkut ineriartortitsinissamik neqeroorut pillugu inatsisartut inatsisaannut nutaamut atuutilertussamut kiisalu taanna naapertorlugu sulinissamut peqataassaatit.
  • Pitsaasumik angajoqqaanik suleqateqarnissamik qulakkeerinneqataassaatit
  • Ulluinnarni Ornittagaq Sikkersoq-mik ingerlatsisuussaatit, assersuutigalugu sulinissami piffissaliussanut malittarisassat, aningaasaqarnikkut akisussaaneq aaqqiagiinnginnernilu aaqqiisuteqarneq.
  • Meeqqanut inuusuttunullu sunngiffimmi neqerooruteqartunut allanut atuarfinnillu suleqateqassaatit.
  • Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit.
  •  
  • Piginnaasassat:
  • Perorsaasutut ilinniarsimasuusutit
  • Akuersaartumik angajoqqaanik sulisunillu suleqateqarsinnaasuusutit
  • Suliat akimorlugit sulisinnaasuusutit
  • Suleqatikkuminartuusutit, sungiussiasuusutit takunnillaqqissuusutillu
  • Tunngaviusumik aqutsisutut ilinniagaqartuusutit, piumasaqaataanngilarli.

 

Naatsorsuutigaarput illit:

  • Inatsisinik ilisimaarinnissasutit
  • Suliniutinut nutaanut ammasuusutit, suleqatikkuminartuusutit, kiinneraartuusutit akuersaartuusutillu
  • Aalajaatsuussasutit, akisussaassuseqarlutillu
  • Aningaasaqarnikkut aqutsillaqqissuusutit

Akissarsiat atorfinitsitaanermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat aamma NPK akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut malillugit akilersorneqartussamik.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. april 2018 imaluunniit isumaqatigiinnikkut.

 

 

Atorfik pillugu paasissutissat sukumiinerusut Meeqqeriveqarnermut allaffimmi pisortamut Pia Lennet (+299) 86 74 02, email: pile@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 21. februar 2018-mi.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Pia Lennert

(+299) 86 74 02

pile@qeqqata.gl