airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip sannavianut formand-imik

Sisimiuni Teknikkimut Avatangiisinullu immikkoortortap ataani, Kommunip sannaviani formand-itut atorfik inuttassarsiorneqarpoq
Qinnuteqarfissaq kingulleq:
14. marts 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Piaartumik imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu: 

Kommunip sannaviani sulisut aqqaneq-marluk missaaniittut sannavimmit aqunneqartarput. Ukiuunerani suliassat aqunneqarlutillu agguataarneqartarput, ilaatigut aputaajaanerit. Asaanerani aqqusinernik, kussinernik, pisuinnaat aqqutaanik aqqusineeqqanillu aserfallatsaaliinerit kiisalu asfaltilerinermi suliassanik ataqatigiissaarinerit ingerlanneqartarput. Ukioq kaajallallugu illoqarfik sumi tamani eqqagassaqannginnissaa kiisalu pigisat nunaminertamik atugassinneqanngitsut piiarneqarnissaat qulakkeerniarneqartarpoq.

Torersaasinernik, nerrivinnik issiavinnillu, ikaartarfinnik majuartarfinnillu annikitsunik iluarsartuussinernik kiisalu pinnguartarfinnik aserfallatsaaliinernik, sanerneq kussinernillu saliinernik, kuuffissualerinernik, eqqagassanik angisuunik isumaginninnernik kiisalu allanik suliakkiunneqartunik isumaginninnernik suliffik suliassartaqarpoq.

 

Pingaarnertut suliassat akisussaaffiillu

  • Uumasuuteqarnissamut uumasullu akornutaasut pillugit Aqqusinernik oqartussanut, Umiarsualivinnut oqartussanut kiisalu avatangiisinut oqartussanut sinniisuuneq.

  • Sisimiuni kommunip sannaviutaani sulisunik ulluinnarni aqutsineq.

  • Holdlederinut suliassanik agguaassineq kiisalu suleriutsinik pitsanngorsaaneq.

  • Suliassanik suliarisanik kiisalu pilersaarutaasunik systemeqartumik nakkutiginninneq.

  • Atortussanik piniarneq akiligassanillu konteeriineq.

  • Akissarsiassat allattorsimaffiinik nakkutilliineq tunniussinerlu.

  • Maskiinanik illuutinillu nakkutilliineq.

  • Kommunip suliakkiussaanik nakkutiginninneq.

  • Teknikkimut Avatangiisinullu immikkoortortami sulisut suleqatigalugit, suliniutinik suliaqarnermi peqataaneq

  • Anguniagaqartumik aqutsinikkut sulisoqarnermullu politikki naapertorlugit sulineq kiisalu sulisunik pikkorissartitsinikkut ukiumullu ineriartuutaasumik oqaloqatiginnittarnikkut, sulisunik inerisaaneq.

  • Avataanit entreprenørinik attaveqarneq

  • Ukiuunerani apisarnerinik nakkutilliineq.

  • Sisimiut nunaqarfiini vejformand-inik isumasioqatigiittarneq.

     

    Formandi ullormut nal. 7.00-imit 16.00-imut sulisarpoq. Pinartoqartillugu orniguteriataartoqarsinnaavoq.

     

    Atorfimmut atatillugu biilinik oqarasuaammillu angallattakkamik atugassaqartitsisoqassaaq, malittarisassat naapertorlugit atorneqarsinnaasut.

     

Piginnaasassat
  • Assassornermut imaluunniit assingusumik ilinniarsimasuusutit.

  • Aqqusinniornermik/iluarsartuussinermik, asfaltilersuinermik, kussiniliornermik kiisalu imaajaanermik misilittagaqartutit.

  • MS Office-mik ulluinnarni atuisinnaasutit.

  • Sulisunik aqutsinermik misilittagaqartutit

  • Torersuusutit, aaqqissuusaasumik sulisinnaasutit kiisalu ulapaarfinnilu takunnissinnaassuseqarlutit.

  • Akinik naatsorsuinermik misilittagaqartuusutit.

  • Aningaasaqarnikkut ilisimasaqartutit tamanillu isiginnissinnaasutit

  • Kalaallisut oqalussinnaaneq allassinnaanerlu piumasaqaataavoq. Qallunaatut oqalussinnaanissaq iluaqutaassaaq.

Akissarsiat atorfeqartitaanermilu atugassarititaasut: 

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma Sulisunik Siulersuisut Kattufiata akornanni qaqugukkulluunniit isumaqatigiissutit atuuttut naapertorlugit inissinneqassapput.

 

Pinerliisimannginnermut uppernarsaat

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Atorfininneq pissaaq 1. april 2018 isumaqatigiissuteqarnikkulluunniit.

 

Atorfik pillugu paasissutissat sukumiinerusut immikkoortumi aqutsisumut Martin Jungersen-imut oqarasuaat (+299) 867475, mobil (+299) 527645, e-mail: maju@qeqqata.gl atorlugit saaffiginninnikkut pissarsiarineqarsinnaapput .

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik ulloq 14. marts 2018-imi  tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Martin Jungersen

(+299) 86 74 75

maju@qeqqata.gl