airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Inerisaavik hjemmehosser-issarsiorpoq

Inerisaavinni atorfiit akuerisaasut quliupput, taakkulu suliassanut assigiinngitsunut agguataagaallutik.
Inerisaavimmi hjemmehosseri aqutsisuunissaminik piginnaatitaaffeqanngilaq. Sulisut allat peqatigalugit sulissaatit. Suliatigut inuttullu ineriartorneq pingaartipparput. Sulianut atatillugu allannguinissamik kissaateqaruit, suleqataanissannut periarfissaqarputit.
Inerisaavimmi pisortaq qaninnertut pisortarissavat.
Qinnuteqarfissaq kingulleq:
26. marts 2018
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. maj 2018-imi imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffillu:  

Suliassat akisussaaffiillu

  • Ilaqutariit ulluinnarni tapersersussallugit, iganermi, eqqiluisaarnermi, perorsaanermilu siunnersussallugit
  • Ilaqutariit ulluinnarni inuunerinut hjemmehosseri malinnaassaaq, ilaqutariillu imminnut atanerat malinnaavigissallugu.
  • Ilaqutariinnik ataasiakkaanik ilaqutariinnut siunnersuinissamik pilersaarusiornermut peqataaneq.
  • Ilaqutariinnik Inerisaavimmut innersuunneqartunik siunnersuineq.
  • Ilaqutariinnut Inerisaavimmut attuumassuteqartunut, suliniutissanik pilersaarusiornermut ingerlatsinissamullu peqataaneq.
  • Inerisaavimmi suliatigut ineriartortinneqarneranut peqataaneq.
  • Ilaqutariit pillugit suliniutinik pilersaarusiornermut atuutilersitsinermullu peqataaneq
  • Nunaqarfinnut tikeraaqataaneq
  • Ilaqutariinnut pikkorissaanissap pilersaarusiorneqarneranut, ingerlanneqarneranullu peqataaneq.

 

Piginnaasat

  • Isumaginninnermi siunnersortitut, isumaginninnermi perorsaasutut, tassungaluunniit attuumassutilimmut ilinniarsimasuusutit.
  • Ilaqutariinnik siunnersuinermik misilittagaqartutit.
  • Akisussaassuteqartutit, ammasuusutit suleqatikkuminartuusutillu.
  • Nammineersinnaassuseqartutit.
  • Marluinnik oqaaseqartutit, kalaallisut/danskisullu

Akissarsiatigut atorfinitsitaanermilu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma AK aamma imaluunniit NPK akornanni isumaqatigiissutit atuuttut malillugit iluarsineqassapput.

 

Meeqqanik pinerliisimannginnermut uppernarsaat

 

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassat atuuttut malillugit akilersorneqartussamik.

Atorfinitsitsineq pissaaq 1. maj 2018-imi imaluunniit isumaqatigiinnikkut.

Atorfik pillugu paasissutissat sukumiinerusut Inerisaaviup pisortaanut Lisa Poulsen-imut , oqarasuaat (+299) 81 25 85, e-mail: lipo@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 

23. marts 2018-imi

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Lisa Poulsen

(+299) 81 25 85

lipo@qeqqata.gl