airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermi siunnersortimik Sisimiuni Pisortatigut ikiorsiisarfimmut

Qeqqata Kommuniata Ilaqutariinnermut immikkoortortami Pisortanik ikiorsiisarnermi immikkoortortaqarfiani inunnik isumaginninnermut siunnersortimik/sullissisumik sulisussarsiorpoq, pingaarnertut suliassaralugit pisortanik ikiorsiissutaasinnaasunut tunngasumik.
Qinnuteqarfissaq kingulleq:
27. april 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. maj 2018-imi imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffillu: 

Ilaqatariinnermut immikkoortortami sulisut 25-iupput, taakkulu pisortanik ikiorsiisarnermi Immikkoortortaqarfimmi, Ilaqutariinnut immikkoortortaqarfimmi,

Allatseqarfimmi, Utoqqarnut Immikkoortortaqarfimmi Innarluutilinnullu Immikkoortortaqarfimmi aggulugaallutik.

Pisortanik ikiorsiisarnermi immikkoortortaqarfimmi atorfiit sisamaapput, tassannga immikkoortortami pisortaq ilaalluni.

Sullissisup pingaarnertut suliassatut akisussaaffittullu suliassarivai innuttaasunik sullissineq siunnersuisinnaaneq, pisortanik ikiorsiissutinik suliaqarneq, iliuusissanik pilersaarusiorneq, ataatsimiititaliamullu innersuussisarneq.

 

Suliffiup piumasaraa;

• Isumaginninnerup iluani inatsisinik ilisimasaqassasutit.

• Aningaasaqarnermik naatsorsuussinermut, suliaqarnermik, ikiorsiissutinik qinnuteqaatinik assigisaanillu misilittagaqassasutit

• Siunnersuutinik ilitsersuinermilu tunniussaqarsinnaasutit

• Innersuussutinik aalajangersimasunik tunngassuteqartunik suliaqarsinnaasutit

• Iliuusissanik pilersaarusiorneq, sulianik malinnaaneq assigisaallu suliarisinnaassavatit

 

Ilinniagaqassutsikkut piginnaasat:

• Inunnik Isumaginninnermut siunnersortitut ilinniarsimasuusutit imal. Allaffissornermut ilinarsimasuusutit.

• Marluinnik oqaaseqartutit.

• Oqaatsitigut allattariarsornikkullu piginnaaneqartutit.

 

Inuttut piginnaasat:

• Sullissilluarsinnaasutit

• Saaffikkuminartutit

• Ilinniarsimassutsikkut eqeersimaartutit aammalu sulilluartutit.

• Suleqatikkuminartutit.

• Ulapaarfimmiluunniit eqqissillutit sulisinnaasutit tamaasalu eqqummaariffigisinnaallugit.

Akissarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, matumani akiliunneqarluni angalaneq kiisalu pequtit assartorneqarnerinut akiliunneqarneq, Naalakkersuisut aamma AK isumaqatigiissutaat sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassat atuuttut naapertorlugit akilerneqartartussamik.

 

Atorfininneq pissaaq 1. maj 2018 imaluunniit isumaqatigiinnikkut.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Pinerluuteqarsimannginnermut uppernarsaat

Pinerluuteqarsimannginnermut allagartamik pissarsisussaatitaanermut inatsit naapertorlugu atorfimmut uunga pinerluuteqarsimannginnermut allagartamik pissarsiniartoqartussaavoq. Inatsit naapertorlugu pineqaatissinneqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tigoreernerata kingorna ulloq atorfiniffissaq aatsaat isumaqatigiissutaasinnaammat,

Atorfimmut sukumiinerusumik paasissutissat ilaqutariinnermut pisortap tullersortaanut Estella Buhrkall oqarasuaat (+299) 86 74 31, e-mail: esbu@qeqqata.gl imaluunniit Immikkoortortami aqutsisumut Ane Jeremiassen (+299) 86 7311 e-mail:

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik tigoreersimassavarput 27. april 2018-imi

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

E-mail:job@qeqqata.gl

Web: www.qeqqata.gl/atorfiit

Attavissaq:

Estella Buhrkall

(+299) 86 74 31

esbu@qeqqata.gl