airplanebooksbriefcase business cogs cross election entertainment fish house law lockmedicalpeopleselfservices socialtax

Ilinniartitsisunik pingasunik Kangerlussuarmi Qinnguata Atuarfianut

Nikeriarfinnut tamanut ilinniartitsisussarsiorpugut. Atorfimmi ataatsimi pingaartumik kalaallisut ilinniartitsisoqartassaaq, atorfinnilu marluusuni allani danskisut tuluttullu ilinniartitsisoqartassalluni. Immikkut atuartitsinermi aamma ilinniartitsisoqaratarsinnaavoq.
Qinnuteqarfissaq kingulleq:
25. maj 2018
Sumiiffik/Pisortaqarfik:
Kangerlussuaq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu  

Kangerlussuarmi Qinnguata Atuarfia mittarfiup kujasissortaaniippoq. Kangerlussuarmi innuttaasut 500-t missaanniipput, taakkunanngalu 75-it missaat meeqqat atuarfiani atuartuullutik. Klassinut arfinilinnut, immikkullu atuartitsinermut ataatsimut agguataagaallutik, atuarfinni 1. -10. klassit atuartuupput.

Inuusuttuaqqat meeqqat atuarfianit naammassigunik ilinniaqqinnissaminnut, suliffeqalernissaminnullu sakkussaqarluarnissaat angujumallugu, atuagarsornikkut nammineersinnaassuseqarnikkullu ineriartortinneqarnissaat atuarfiup immikkut anguniagaraa. Pingaartitat allat tassaapput:

  • Ullut tamaasa minutsini 22-ni timimik aalatitsisarneq

  • Atuartitsinermi iPads-inik atuineq

  • 8. - 10. klassini atuartunut tamanut immikkut ilitsersuisarneq

  • 1. klassemiit tuluttut ilinniartinneqarneq.

  • Atuartunut arlaatigut unammillernartitaqartunut aaqqiissutissarsiorluni oqaloqatiginnittarnerit

  • Ukiumut sapaatip akunneranullu pilersaarutinut, pilersaarusiornernut, atuartunut iliuusissatut pilersaarusiornernut, atuartut atuarnerat pillugu il.il. atuarfiup intra-nik atuineq.

Atuartut tamarmik namminneq pissusertik aallaavigalugu ineriartornissaat inissaqartillugu, ilinniartitaanikkut nalinginnaasumik atugassarititaasut pitsaapput.

Ilinniartitsisut tamarmik ilinniarsimasuusut quliupput, perorsaasutullu ilinniarsimasoq ataasiulluni. Ilinniartitsisut suleqatigiilluarput, peqatigiilluarlutillu.

Qiimasumik, qiimmisaarnartunik nuannarisalimmik, meeqqanillu/atuartunillu atuagarsornikkut inuttullu sullissilluarsinnaasumik pisariaqartitsivugut. Ilinniartitsisoq atuartitsinermi iPads-imik atuinissaminut sapiutinngitsoq, suleqatigiinni suleqataasinnaasoq, atuartunillu pitsaasumik soqutiginartumillu atuartitsinissaminut ilisimasaminik atuisinnaasoq.

Atuarfiup kissaataanut naapertuukkuit, atuartitsinikkullu atuarfiup pisariaqartitaanik atuartitsisaruit, taava atorfik qinnutigiuk, Kalaallit Nunaanni nunaqarfinnit nuannernerpaasumi, kusanarluinnartumik pinngortitaqarlunilu uumasoqarfiusumi, arsarnerillu kusanarluinnartut takussaaffiini puigunaatsumik misigisassarsillutit.

Atuarfimmi pingaartinneqarput:

• Atuarfik immikkoortunngorlugit aaqqitanik namminneq aquttunik immikkoortortalik

• Ukioq atuarfiusussamut eqaatsumik pilersaarusiorneq

• Atuartut ilinniarnissaminnut akisussaaqataanissaat

• Angajoqqaat akulerusimatinnissaat

• Ilinniartitsisut eqeersimaartut perorsaanermilu ineriartortitsinermi tunniusimasut

• Anguniagassanut nutaanut piorsaaneq atuarfimmullu iliuusissatut pilersaarutit

 

Atuarfinni pingaarnerutinneqarput ilinniartitsisutut

sulilissagaanni peqqussut aallaavigalugu

sulisinnaaneq:

• Angerlarsimaffik suleqatigalugu makkua anguniarneqassapput:

• Ilikkagassanik pisinnaasassanillu pisariaqartunik pissarsitissallugu.

• Atuartup piginnaasai ineriartortissallugit, peqqissutsikkut, inooqataanikkut misigissutsitigullu

inerikkiartorneq ilaatillugu.

• Atuartup toqqissisimasumik namminersortumillu inooqataalernissaa.

• Tatisimaneqanngitsumik isumaliorsinnaaneq akaarinninnerlu akisussaaqatigiinneq suleqatigiinnerlu nukittorsassallugit.

• Atuartut akornanni aamma ilinniartitsisut atuartullu akornanni akisussaaqatigiinneq suleqatigiinnerlu nukittorsassallugit.

• Atuartut immikkut pisariaqartitallit immikkut isiginiarneqassapput.

 

Ilinniartitsisunik atuartunillu suleqateqarnermi

makkua anguniarneqassapput:

• Atuartup ilinniartitsisorisani isumasioqatiglugit iliuusissani pilersaarusiussavai, pilersaarusiarlu ingerlaavartumik naliliinermut ilaatinneqassaaq.

• Atuartitsineq allanngorartuussaaq, atuartut ataasiakkat pisariaqartitaannut piginnaariigaannullu naapertuuttuussalluni.

Atuartitsissutini tamani ilinniartitsisoq atuartorlu suleqatigiillutik ingerlaavartumik

anguniagassaliortarneq ingerlatissavaat. Atuartup sulinissaa anguniagassaliarisimasat tunngavigalugit aaqqissuunneqartassaaq. Suleriaatsinik,

periutsinik aamma sammisassanik toqqaanerit aalajangersaanerillu ilinniartitsisut atuartullu suleqatigiinnerisigut ingerlanneqartassapput

 

Ilinniartitsisutut naammassisassat:

• Atuartitsinermut ilaatillugu atuartut ataasiakkaat atuartinneqarnerminnit pissarsiaat ingerlaavartumik nalilerneqartassapput. Naliliinerup

aallavigissavaa atuartup nammineq naliliinera, Atuartitsinerull pilersaarusioqqinneranut aamma atuartumut taassumalu angajoqqaavinut atuartup atuaqqinnissaanut, ilinniagaqaqqinnissaanut inuutissarsiutigiumaagassaminillu qinigaqarnissaanut siunnersuinissamut tunngaviussalluni.

• Ingerlaavartumik ukiumut pilersaarutinik

nalilersuisarneq ingerlanneqartassaaq.

• Ilikkagassatut anguniagassat aallaavigalugit

atuartitsineq ingerlanneqartassaaq.

Akissarsiat atorfeqarnermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.

Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq. Qinnuteqartut Kalaallit Nunaanni tjenestemanditut atorfeqareersut, ilinniartitsisutut

tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.

 

 Atorfinitsitsineq pissaaq 1. august 2018 imaluunniit isumaqatigiinnikkut.

 

Atorfinnut paasissutissat annertunerusut atuarfiup pisortaanut Jens Borch Scharnberg-imut oqarasuaat (+299) 84 10 27, mail Kangerlussuaq@atuarfiit.gl saaffiginninnikkut pissarsiarineqarsinnaapput.

 

Qinnuteqarfissamut immersugassaq aaneqarsinnaavoq uunga alakkarnikkut http://www.qeqqata.gl.

 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 25. maj 2018.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Jens Borch Scharnberg

(+299) 84 10 27

kangerlussuaq@atuarfiit.gl