airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommuunia pissarsiorpoq Pinaveersaartitsinermi siunnersorti Sisimiuni Ilaqutariinnut Kiffartuussivimmut

Pinaveersaartitsinermut siunnersortitut atorfik kommunemut pingaarutilerujussuartut inissisimavoq, taamaatumillu suliassanut tunngasut ingerlaavartumik aaqqiisarneq ineriartortitsisarnerlu naatsorsuutigisariaqarlutik.
Qinnuteqarfissaq kingulleq:
19. juli 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
piaartumik imaluunniit isumaqatigiissuteqarnikkut
Akissarsiat:
Isumaqatigiissutit malillugit

Suliassat akisussaaffiillu 

Pinaveersaartitsinermut pilersaarusiornerit ineriartortitsinerillu isumagalugit, kiisalu illoqarfimmi nunaqarfinnilu pinaveersaartitsinermut ataatsimiititaliamit aalajangersarneqarsimasunik akuerisaasunillu peqqinnissamut siuarsaasunik suliniuteqartarluni.

• Pilersaarusiornernut ineriartortitsinernullu peqataalluni kiisalu kommunemi aalajangiisussat qanimut suleqatigalugit pinaveersaartitsinermut peqqinnissamullu siuarsaataasinnaasunik suliaqarluni.

• Assigiinngitsunik pinaveersaartitsinermut siunertaqartunik tapersersueqatigiinnik pilersitseqataalluni ataqatigiissaarisuullunilu.

• Paaqqinnittarfinnut, atuarfeqarfinnut ilinniartoqarfinnut, inuusuttut ornittagaannut peqatigiiffinnullu tunngatillugu qaammarsaaanissaq oqalugiaateqarnissallu qanimut isumasioqatiginerisigut ataqatigiissaarlugillu aaqqissorlugit.

• Kikkulluunniit pinaveersaartitsinernik suliniuteqartut suleqatiginerisigut ataqatigiissaarisuuffigalugillu suliniuteqartarnissat.

• Aanngajaarniutit suulluunniit pinaveersaartinniarlugit suliniuteqarnerit.

• Sapaatip akunnerini 18-isiornermi, 46-siornermi FN-illu ulloritittagai aalajangersimasut Sisimiut illoqarfiani nunaqarfiinilu aaqqissueqataaffigalugit ataqatigiissaarlugilluunniit.

• Piffinni ajornartorsiutaasup annertusiartunnginnerini iliuuseqaqataaffigalugit annikillisaaniaqataanissamut suliniuteqartarnerit.

• Imigassamut pinerlunniarnernillu pinaveersaartitsinerni suliaqarneq.

 

Pisinnaasat

• Isumaginninnermut peqqinnissaqarfimmullu tunngasumik ilinniarsimanissat imaluunniit imigassamut aanngajaarniutinulluunniit tunngassuteqartunik ilisimasaqarnissaq ilinniarsimanissarluunniit.

• Inuttut ammasuullutit radiokkut TV-ikkullu tusarliunneqartariaqartunik tusarliussisinnaasoq.

• Kalaallisut qallunaatullu atuisinnaallutit.

• Nammineersinnaassuseqarlutit sulisinnaavutit, aallarniiniarsinnaassuseqarlutit, piumassuseqartuullutillu ataatsimullu isiginnissinnaassuseqarlutit.

• Illoqarfimmi nunaqarfinnilu suliassanik ataqatigiissaarisinnaassuseqarputit.

• Pilersaarusiornermik malittarinnissinnaanermillu misilittagaqarputit.

• Sulinissamut piginnaasaqarluarputit qiimasuullutillu.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Akissarsiat atorfininnermilu atugassarititaasut  

Akissarsiat sulinermilu atugassarititaasut, matumani akiliutsilluni angalasinnaatitaaneq pisattanillu assartuisitsinerit ilanngullugit, Namminersorlutik Oqartussat aamma Atorfillit Kattuffiata isumaqatigiissutaat atuutut naapertorlugit pissapput.

 

Inissaqartitsisoqarsinnaavoq, malittarisassat atuuttut malillugit akilersorneqartussamik.

  

 

Atorfininneq piaartumik pissaaq imaluunniit isumaqatigiissuteqarnikkut.

 

Atorfimmut sukumiinerusumik paasissutissat Ilaqutariinnut Kiffartuussivimmi pisortamut Dorthe Margrethe Møller-imut, oqarasuaat (+299) 86 60 77, e-mail: domo@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermi uppernarsaatinik, paasissutissanik inummut tunngasunik, oqaaseqaatinik innersuussutillu ilalerlugu kingu­sinnerpaamik 19. juli 2018-imi 

Qinnuteqaatit uunnga nassiunneqassapput 

Qeqqata Kommunia

Sulisoqarnermut immikkoortortaq 

Postbox 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Dorthe Margrethe Møller

(+299) 86 60 77

domo@qeqqata.gl