airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni innarluutilinnut immikkoortortami pisortaq

Sisimiuni Ilaqutariinnermut immikkoortortami allaffissornikkut inissisimasumi Innarluutilinnut immikkoortortami aqutsisutut atorfik inuttassarsiuunneqarpoq.
Qinnuteqarfissaq kingulleq:
20. juli 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. august 2018
Akissarsiat:
Isumaqatigiissutit malillugit

Sisimiuni innarluutilinnut immikkoortortami pisortaq 

Innarluutilinnut immikkoortortaq Ilaqutariinnermut immikkoortortap allatseqarfeqartup, Meeqqanut/inuusuttunut immikkoortortaqartup ikiorsiisarnermut utoqqarnullu immikkoortortaqartup ilagivaa aammalu 170 missaanik sulisoqarluni, taakkunannga 21-t Ilaqutariinnermut immikkoortortamiillutik.

Qinnuteqarfissaq kingulleq: 20. juli 2018

 

Sumiiffik/Pisortaqarfik: Sisimiut

 

Sivisussuseq: Tamakkiisoq

 

Atorfininnermi ulloq: Piaartumik isumaqatigiinnikkulluunniit

 

Akissarsiat: Isumaqatigiissutit malillugit

 

Suliassat akisussaaffiillu tassaapput:

• Oqartussaassuseqarnikkut sullissineq tamakkiisoq

• Inniminniinermik ingerlatsivimmik aqutsineq

• Akimortumik suleqatigiinneq

• Sulianut atatillugu apeqqutinut suleqatinik siunnersuineq

• Suleriaatsip ineriartortinnissaa pitsanngorsarnissaalu

• Innarluutilinnut immikkoortortaqarfiup aningaasaqarneranik aqutsineq

• Ilaqutariinnermut immikkoortortami innarluutilinnut immikkoortortaqarfimmi pingaartillugu ineriartortitsinermut peqataaneq

 

Piginnaasassat:

• Isumaginninnermi siunnersortitut tassungaluunniit attuumassutilimmut ilinniarsimasuusutit. Ilinniakkat pisortatut ilinniarnermik tapiliussaqarsinnaavoq

• Akisussaassuseqartutit suliamullu pikkorissuusutit

• Sungiussiasuusutit sullissillaqqissuusutillu

 

Neqeroorutigisinnaavarput:

• Suliffik pissanganartoq unammillernartorlu

• Suliffeqarfik uummaarissoq ulluinnarnilu unammillernartorpassualik

• Suleqatit amerlasuut pitsaasut suleqataalluartut

• Illup avataani iluanilu suleqateqarneq

 

Innarluutilinnut immikkoortortaqarfimmi pisortaq, Ilaqutariinnermut pisortamut qaninnertut attaveqassaaq.

Akissarsiat atorfeqarnermilu atugassarititaasut  

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

  

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfik pillugu paasissutissat sukumiinerusut Pisortaanermut Paneeraq Olsen-imut oqarasuaat (+299) 867301, e-mail: paol@qeqqata.gl saaffiginninnikkut pissarsiarineqarsinnaapput.

  

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqaatissanillu ilaqartoq 20. juli 2018-mi tigoreersimassavarput.

Qiinnuteqaatit uunnga nassiunneqassapput:  

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq

Paneeraq Olsen

867301

paol@qeqqata.gl