airplanebooksbriefcase business cogs cross election entertainment fish house law lockmedicalpeopleselfservices socialtax

(Allagarsiuteqqitaq) Maniitsumi Qeqqata Kommunianut pedeli ataaseq

Maniitsumi kommunip allaffianut akisussaassusilimmik sullissillaqqissumillu ulloq naallugu sulisartussamik pedelimik pissarsiortoqarpoq.

Pedelitut atorfik aaqqissuussaanikkut Pisortaanerup sulisuisa ataani inissisimavoq.
Qinnuteqarfissaq kingulleq:
16. august 2018
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Augustip aallaqqaataani imaluunniit isumaqatigiinnikkut
Akissarsiat:
Isumaqatigiissutit malillugit

Akisussaaffiit suliassallu: 

  • Nassiussanik allakkanillu isumaginninneq, kiisalu illoqarfimmut assartuineq aamma saqqummiussassanik nivinngaassuineq
  • Nassiussanik poortukkanik nassatanillu allakkerivimmit aamma umiarsualiviup allaffianik/quersuaanit aallerneq
  • Eqqagassat atortullu ikuallatassat assigiinngitsut
  • Erfalasulertarneq
  • Allaffissuup iluani silataanilu torersaaneq kiisalu aqqusinernik appakaaffinnik aputaajaasarneq aamma siorarterisarneq
  • Kommunip allaffiata iluani avataanilu kommunip immikkoortortaqarfiinik sullissineq
  • Pisortatigoortumik aaqqissuussisoqarneranut atatillugu ikiuunneq, tikeraanik aallertarneq ilanngullugu
  • Kantina suleqatigalugu: ataatsimiinnernut assigisaanullu sutugassanik assartuineq
  • Kommunip illuutinik nakkutilliisua suleqatigalugu; iluarsagassanik aserfallatsaaliinermillu suliassanik annikinnerusunik suliaqarneq kiisalu kommunip allaffiata illutaanik toqqorsiviinillu nakkutilliineq
  • Pedelip biilia

 

Piginnaasassat:

  • Nammineersinnaassuseqartutit
  • Akisussaassuseqartutit
  • Tatiginartuusutit
  • Ujartuisuusutit
  • Uummaarissuusutit sungiussiasuusutillu
  • Sullissillaqqittutit
  • Aalajaatsuusutit

 

Makkuninnga peqarnissat piumasaqaataavoq:

  • Pinerluuteqarsimannginnermut uppernarsaat
  • Biilernermut allagartaq
  • Assassornermik tunuliaqutaqarneq misilittagaqarnerluunniit
  • Suleqatikkuminartuuneq
  • Suliamut pingaartitaqarneq pitsaassutsinullu ilisimasaqarneq
  • Takunnissinnaassuseqarneq, annikitsualunnut aamma ajornartorsiutinik aaqqiisinnaassuseqarneq

 

Suliffik ulloq naallugu suliffiuvoq. Taamaattorli pisariaqartitsineq malilllugu unnukkut sapaatillu akunnerisa naanerini sulisoqarsinnaassaaq.

 

Suliffik uummaarissoq neqeroorutigaarput, tamatumani Maniitsumi Qeqqata Kommunia suliffeqarfittut pitsaasuulluartikkumallugu sulisut suleqatigiit 55-iusuni akuulluartuni uummaarissunullu ilaassallutit.

 

Pinerlussimannginnermut uppernarsaat

Pedelitut suliffik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.   Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat. 

Aningaasarsiat atorfeqartitaanermilu atugassarititaasut 

Aningaasarsianut atorfinitsitaanermullu atugassarititaasut Kalaallit Nunaanni Namminersorlutik Oqartussat, imaluunniit isumaqatiginninniarsinnaatitaalluni kattuffik alla attuumassutillip akornanni isumaqatigiissutit atuuttut naapertorlugit pissaaq.

 

Atorfininnissaq 1. september 2018 isumaqatigiissuteqarnikkulluunniit pissaaq. Qaammatini pingasuni misiligummik atorfinitsitsisoqassaaq.

 

Atorfininnermut atatillugu inissaqartitsisoqanngilaq.

 

Qinnuteqaat

Qinnuteqaat ilinniarsimanermut uppernarsaatinik aamma/imaluunniit pikkorissarsimanermut uppernarsaatinik, imminut ilisaritinnermik aamma sulisitsisorisimasaminngaaniit oqaaseqaataasinnaasunik, pinerluuteqarsimannginnermut uppernarsaatinik paasissutissanik ilaligaq Qeqqata Kommuniani Sulisoqarnermut allaffimmi kingusinnerpaamik 16. august 2018 tiguneqareersimassaaq.

 

Atorfik pillugu paasissutissat annertunerusut ineriartortitsinermut pisortamut Sofie Jessen oqarasuaat ( +299) 81 78 49 imaluunniit email: soje@qeqqata.gl atorlugit saaffiginninnikkut pissarsiarineqarsinnaapput.

Qinnuteqaatit uunga nassiunneqassapput: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Sofie Jessen

(+299) 81 78 49

soje@qeqqata.gl