airplanebooksbriefcase business cogs cross election entertainment fish house law lockmedicalpeopleselfservices socialtax

(allagarsiuteqqitaq) Naalumi Aqutsisutut atorfik inuttassarsiuunneqarpoq

Qeqqata Kommuniani Sisimiuni ulluunerani neqerooruteqarfiusumi, akuleriisitsilluni meeqqerivik Naalumi Aqutsisutut atorfik inuttassarsiuunneqarpoq.
Qinnuteqarfissaq kingulleq:
17. august 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. september 2018
Akissarsiat:
Isumaqatigiissutit malillugit

Suliassat akisussaaffiillu 

Naalu ulluunerani neqeroorutaavoq meeqqanut ukioqanngitsuniit arfinillit tikillugit ukiulinnut ininut sisamanut agguataagaasunut 56-inut inissaqartitsisoq. Sulisut amerlassusiligaanerat aqutsisoq ilanngullugu 14,25.

Meeqqanut soqutiginnittuuit meeqqerivinnilu Meeqqerivitsialammillu ineriartortitseqataarusuppit, taava ilinnoortuuvoq.

 

Suliassat akisussaaffiillu:

Meeqqerivitsialaap ineriartortinneqarneranut peqataassaatit

Angajoqqaanik pitsaasumik suleqateqarnissap qulakkeernissaanut peqataassaatit

Naalup ulluinnarni ingerlanneqarnera isumagissavat, soorlu assersuutigalugu suliffissanut malittarisassat, aningaasaqarnikkut akisussaassuseqarneq, aaqqiiagiinngissutinik aaqqineq.

Atuisoqatigiinnik, Sisimiuni meeqqerivinni allani aqutsisunik meeqqerivinnullu allaffeqarfimmik suleqateqassaatit.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat nr. 16, 3 december 2012-imeersoq naapertorlugu sulineq ingerlanneqarpoq.

Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit,  

 

Piginnaasassat:

Perorsaasutut ilinniarsimasuusutit

Meeqqeriveqarnermi tunngasunut misilittagaqartuusutit

Akimortumik sulisinnaasutit

Aqutsisutut ilinniarsimasuusutit (piumasaqaataanngilaq)

 

Naatsorsuutigaarput:

Inatsisinik ilisimaarinnissasutit

Suliniutinut nutaanut ammasuusutit, suleqatikkuminartuusutit, saaffikkuminartuusutit nersuerpalaartuusutit

Aalajaatsuussasutit, akisussaassuseqarlutillu

Aningaasaqarnermut akisussaassuseqartutit

Akissarsiat, atorfinitsitaanermilu atugassarititaasut 

Akissarsiaqartitaaneq atorfinitsitaanerlu, akiliunneqarluni angalaneq pequtinillu assartuineq ilanngullugit, Kalaallit Nunaanni Namminersorlutik Oqartussat, kalaallit nunaanni kommunit aamma NPK akornanni isumaqatigiissutit malillugit pissapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

2018-imi september aallaqqaataani isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat sukumiinerusut Meeqqeriveqarnermut allaffimmi pisortamut Pia Lennet (+299) 86 74 02, email: pile@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermik uppernarsaammik, imminut ilisaritinnermik, oqaaseqaatinik attavissanillu ilaligaq 17. august 2018-imi tigoreersimassavarput.

Qinnuteqaat uunnga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq

Pia Lennert

+299 86 74 02

pile@qeqqata.gl