airplanebooksbriefcase business cogs cross election entertainment fish house law lockmedicalpeopleselfservices socialtax

Teknikkimut Avatangiisinullu Immikkoortortaq Sanaartornermut ingeniørimik/Sanaartornermut konstruktørimik assingusumilluunniit

Qeqqata Kommuniani Sisimiuni Teknikkimut Avatangiisinullu Immikkoortortami sanaartukkanut immikkoortortaqarfimmi sanaartornermut ingeniøritut imaluunnit konstruktøritut atorfik inuttaaruppoq. Atorfik maannakkut aaqqissuussaanikkut sanaartukkanut immikkortortami inissisimavoq.
Qinnuteqarfissaq kingulleq:
14. september 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. oktober 2018
Akissarsiat:
Isumaqatigiissut malilugu

Sanaartukkanut immikkoortortaqarfiup akisussaaffii: 

Teknikkimut Avatangiisinullu immikkoortortaq maannakkut 12-inik sulisoqarpoq. Atorfiup suliassaqarfii tassaapput illoqarfik Sisimiut nunaqarfiillu, Kangerlussuaq, Sarfannguit Itillerlu.

 

  • Nutaanik sanaartornerit, allanngortiterinerit, alliliinerit aamma nutarterinerit.

  • Aqqusinernik, iliveqarfinnik, pinnguartarfinnik nutaanik il.il. sanaartornermik suliaqarneq.

  • Kuuffissualersuineq, nutaanik sanaartorneq nutarterinerlu.

  • Sanaartorfigissaaneq

  • Sannaartornermut tunngasunik innuttaasunik sullissineq

  • Ingerlatsivinnut sullissivinnilu allanut teknikkikkut apeqqutinik ilitsersuineq

 

Qeqqata Kommunia sanaartugassanik assigiinngitsorpassuarnik suliniuteqarnissamik pilersaaruteqarlunilu aallartitassaqarpoq, taamaammallu suliassarpassuarnut tamakkiisumik isiginninnissat pingaaruteqarpoq.

 

Suliassat pingaarnerit:

Kommunip illuliortiternikkut sanaartornikkullu suliassaatia, taassunga ilanngullugit:

Sannaartortitsisunit saqqummiussat, pilersaarusiornerit, neqeroortitsinerit, suliariumannittussarsiuussinerit, suliariumannittussarsiuussassanik nalilersuinerit, sanaartornermi aqutsineq, illuliornermi sanaartukkanillu aningaasatigut aqutsineq, sannaartornerup aallartinneraniit naammassinissaanut aqutsineq, sanaartukkatigut suliat pillugit politikkikkut ataatsimiititalianut innersuussinerit, neqerooruteqarnermut suliniutit, pilersaarusiornermut ataatsimiinnerit, sanaartornissaq pillugu ataatsimiinnerit, isumannaallisaaneq pillugu ataatsimiinnerit, illuliornermi sanaartornermilu akiligassanik atsiortarneq, Sanaartorneq pillugu ilitsersuineq innutaasunillu sullissineq.

 

Ingerlatsivimmi sulisut, taassunga ilanngullugu sanaartornermut immikkoortortami aamma sanaartornermi oqartussaasut sulinngiffeqarnerini paarlattaaneq.

 

Sanaartukkanik iluarsartuussinermut allannguinermullu tunngatillugu immikkoortortani suliassaqartunut sanaartornermullu ingeniørinut siunnersuineq.

 

Siuliani allassimasut atorfimmi pingaarnertut suliassaapput, ingerlatsiviup iluani suliat akimorlugit suliniutinik ingerlatsiviusussat.

 

Piginnaasassat:

  • Sanaartornermut ingeniøritut/sanaartornermut konstruktøritut assingusumilluunniit ilinniagaqarsimasutit, ajornanngippat assassornermut tunuliaqutilimmik.

  • Atorfimmut assingusumi ukiuni arlaqartuni misilittagartutit, ilinniakkamilluunniit naammasseqqammerlutit pisortat ingerlatsiviini sanaartornermut soqutigisaqarluartuusutit.

     

Piginnaasassat:

  • Oqaatsitigut allattariarsornikkullu assiliartalersuinikkullu attaveqaqateqallaqqissasutit

  • Nutaanik pilersitsisinnaasutit, nammineersinnaasutit, peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartutit

  • Suliannut inunnullu ataatsimut isiginnillutit pullaveqarsinnaasutit

  • Qarasaasiamik kiisalu tegneprogramminut il.il. atuisinnaanermut ilisimasaqassasutit.

  • Marluinnik kalaallisut/danskisut oqalussinnaaneq iluaqutaassaaq

  • Qinnuteqartoq suleqatigiissitani sulisinnaanissaa aammalu ingerlatsiviup iluani suliassanut allanut piginnaaneqarnissaa pingaartipparput.

Ulapaarfimmi eqqissillutit sulisinnaassuseqartutit.


Akissarsiat atorfininnermilu atugassarititaasut: 

Akissarsianut atorfinitsitaanermilu atugassarititaasut, matumani pequtinik assartuineq ilanngullugu, Namminersorlutik Oqartussat pineqartullu isumaqatiginninniarsinnaatitaalluni kattuffiata akornanni isumaqatigiissutit atuuttut malillugit inissinneqassapput.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Isumaqatigiissuteqarnikkut piaartumik atorfinitsitsisoqassaaq

 

Qinnuteqartumut piukkunnaateqarluartumut kingusinnerusukkut atorfinitsitsisinnaanermut, kommuni piareersimavoq.

 

Atorfik pillugu annertunerusumik paasissutissat Teknikkimut Avatangiisinullu pisortamut Hans Ulrik Skifte (+299) 867450, e-mail: hus@qeqqata.gl imaluunniit sanaartornermut sulianut aqutsisoq Niels Mønsted (+299) 867471, e-mail: niem@qeqqata.gl saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, oqaaseqaatinik attaveqarfissanillu ilalik tigoreersimassavarput 2018-imi septemberip 14-ani.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Hans Ulrik Skifte

+299 86 74 50

hus@qeqqata.gl