airplanebooksbriefcase business cogs cross election entertainment fish house law lockmedicalpeopleselfservices socialtax

Allagarsiuteqqitaq: Piffissap ilaani pinaveersaartitsisumik, piffissallu ilaani allaffimmi ikiortissamik Itillimi

Qeqqata Kommunia piffissap ilaani pinaveersaartitsisussamik, piffissallu ilaani allaffimmi ikiortissamik pissarsiorpoq. Taamaalilluni atorik piffissaq tamakkerlugu atorfiussaaq.
Qinnuteqarfissaq kingulleq:
24. september 2018
Sumiiffik/Pisortaqarfik:
Itilleq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Pinaveersaartitsinermi allaffissornermilu akimortumik ataqatigiissitamillu suliniuteqarnissamik sulisup qulakkeerinninnissaa kissaatigaarput.

 

Suliassat akisussaaffiillu:

 

  • Nunaqarfimmi akimortumik pinaveersaartitsiniarnermut ataqatigiissaarineq

  • Nunaqarfimmi pinaveersaartitsilluni sammisaqartitsisarnissamut pilersaarusiortarnermi akisussaaqataaneq

  • Pisuussutinik pigeriikkanik ataqatigiissaarineq

  • Pinaveersaartitsiniutinik tigussaasunik aallarnisaaneq

  • Atuarfinni meeqqerivinnilu tigussaasunik paasititsiniaanermut suliaqarneq

  • Pinaveersaartitsilluni sammisaqartitsinermut tunngatillugu peqatigiiffinnik suleqateqarneq

  • Inunnik allattorsimaffimmut atatillugu suliassat

  • Ineqarnermut tapiissutissanik qinnuteqaatit

  • Meeqqanut tapiissutit

  • Erninermut atatillugu ullormusiat

  • Meeqqanut akilersuutissanik qinnuteqaatit

  • Meeqqerivinnut allatsinnerit

  • Eqqagassalerinermi anartarfilerinermilu sullinneqarnissamut ilanngutsinniat

  • Kommunip karsia

  • Suliassat takkussuuttut nalinginnaasut

 

Piginnaasassat:

  • Suleqateqarluarsinnaasutit, avatangiisinnillu sunniisinnaassuseqassasutit

  • Allaffissornerup pinaveersaartitsinerullu iluini misilittagaqartutit

  • Akimortumik ataqatigiissaarisinnaasuusutit

  • Kulturimi marloqiusaasumik avatangiisilimmi anguniagaqartumik sulisinnaassuseqartutit

  • Ajornanngippat arlalinnik oqaaseqartuussasutit, kalaallisut qallunaatullu

Akissarsiat atorfininnermilu atugassarititaasut 

 

Akissarsiat atorfeqartitaanermilu atugassarititaasut, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Pinaveersaartitsisutut/Allafimmiutut atorfik Itillimi kommunip allaffiani atorfiuvoq, aaqqissuussaanikkullu aqutsisup ataani inissisimalluni.

 

Inissaqartitsisoqanngilaq.

 

Atorfininneq pissaaq Piaartumik imaluunniit isumaqatigiinnikkut.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

 

Atorfimmut sukumiinerusumik paasissutissat Pisortaanerup sulisuinut pisortamut Hans Christian Sværd-imut, oqarasuaat (+299) 86 73 02, e-mail: hcsv@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermi uppernarsaatinik, paasissutissanik inummut tunngasunik, oqaaseqaatinik innersuussutillu ilalerlugu kingusinnerpaamik 24. september 2018.

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq 

Postbox 1014

3911 Sisimiut

E-mail: job@qeqqata.gl

We: www.qeqqata.gl/atorfik

Attavissaq:

Hans Christian Sværd

(+299) 86 73 02

hcsv@qeqqata.gl