airplanebooksbriefcase business cogs cross election entertainment fish house law lockmedicalpeopleselfservices socialtax

Tarnit pissusiinik ilisimasalik MISI-mut

Qeqqata Kommuniani Qeqqani MISI / PPR tarnit pissusiinik ilisimasalimmik, Sisimiuni Maniitsumiluunniit inissaqartitsinissamut periarfissaqarluni atorfinittussamik pissarsiorpoq.
Qinnuteqarfissaq kingulleq:
28. september 2018
Sumiiffik/Pisortaqarfik:
Sisimiut/Maniitsoq
Sivisussuseq:
Tamakkiisumik
Atorfininnermi ulloq:
1. oktober 2018
Akissarsiat:
Isumaqatigiissut malillugu

Suliassat akisussaaffiillu: 

Qeqqani MISI Sisimiuni allaffeqarfeqarpoq massakkullu tarnit pissusiinik ilisimasalinnut aqutsisumit, tarnit pissusiinut ilisimasalimmit, immikkut atuartitsinernut siunnersortimit (suli inuttalerneqanngitsumik) kiisalu overassistentimik sulisoqarluni.

Qeqqani MISI-p sullitai tassaapput meeqqat inuusuttullu 0 – 18-illu akornanni ukiullit – taamatullu siusissukkut pinaveersaartitsiniarnermillu suliniutit ukkatarineqarlutik.

Qeqqani MISI-ip illoqarfiit Maniitsoq aamma Sisimiut kiisalu nunaqarfittai arfinillit sullitarai, taamaattumik ukiumut marloriarluni angalasarnissaq naatsorsuutigineqassalluni.


Akissarsiat atorfeqartitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

1.oktober 2018 isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atuarfimmi tarnip pissusaanik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 28. september 2018 tigoriissavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl


Attavissaq:

Marianne L. Olsen

+299 86 12 40

olsm@qeqqata.gl