airplanebooksbriefcase business cogs cross election entertainment fish house law lockmedicalpeopleselfservices socialtax

Pilersaarusiornermut pisortamik Sisimiunut

Kalaallit Nunaanni kommunimi qarasaasiatigut ingerlatsiviusumi, inuussutissarsiorfissaqqissumilu - Qeqqata Kommuniani pilersaarusiornermi pisortatut atorfik pissanganarluinnartoq inuttassarsiuunneqarpoq.
Qinnuteqarfissaq kingulleq:
2. oktober 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. november 2018
Akissarsiat:
Isumaqatigiissutit malillugit

Atorfininneq isumaqatigiissutillu: 

Kommnip pilersaarusiorfigineqarnera, pilersaarusiornermilu periusissiornissaq kiisalu nalinginnaasumik pilersaarusiorneq pilersaarusiornermi pisortap akisussaaffigai.

 

Kommunip takornariaqarnikkut inuussutissarsiuteqarnikkullu ineriartortinnissaanut periarfissanik atuilluarnissamut atatillugu, Pilersaarusiornermut pisortaq pingaaruteqarpoq, matumani Aasivissuit-Nipisat UNESCO-p nunarsuarmioqatigiinnut kingornussassanut allattorsimaffianut ilanngunneqarnerata atuutilersinneranut, aatsitassanik piiaavinnut suliniutinut, umiarsualivinnik alliliinernut, Sisimiut Kangerlussuullu akornanni aqqusinermut kiisalu erngup nukinganik nukissiornissamut periarfissanik atuinernut ilanngullugit.

 

Suliassat akisussaaffiillu

  • Pilersaarutinut nassuiaasiorneq, pilersaarusiornermi periusissiorneq, kommunillu pilersaarusiorfigineqarnera isumagisarissavai

  • Nalinginnaasumik pilersaarusiornermi siunnersuusiorneq

  • Inuussutissarsiutitigut ineriartortitsinermi suliniutinut suleqataaneq

  • Nunaminertanik aqutsinermut, sanaartornermullu immikkoortortaqarfimmi teknikkikkut/suliatigut isummersoqataasassaatit

  • Kommunip aaqqissuussaanerani akimortumik ataqatigiissaarinissamut ikiortaasassaatit

  • Kommunip suliniutaani annerusuni avatangiisinut sunniutaasinnaasunik nalilersuisarnerit, avatangiisinullu sunniutaasinnaasut pillugit nassuiaatit suliarisassavatit.

  • Ineriartortitsinissaq pillugu nunat tamalaat akornanni suleqatigiinni peqataarusussuseqassasutit

     

    Piginnaasassat

  • Illoqarfimmi pilersaarusiortutut, assingusumilluunniit qaffasissumik ilinniagaqarsimassasutit

  • Suliniutinik aqutsinermik misilittagaqassasutit

  • Aaqqissuussaanermi politikkikkut aqutaasumi sulinermi ilisimasaqassasutit

  • GIS-programmit assigisaallu misilittagaqarfigissagitit

  • Oqaatsitigut allattariarsornikkullu attaveqaqateqallaqqissasutit

  • Arlalinnik oqaaseqartuusutit

Akissarsiat atorfininnermilu atugassarititaasut 

Namminersorlutik Oqartussat, isumaqatiginninniarsinnaatitaallutillu peqatigiiffiit pineqartut akornanni atorfik immikkoortiterneqaleruttorpoq.

 

Isumaqatigiissuteqarnikkut piaartumik atorfinitsitsisoqassaaq.

 

Kommunimi pisortaanerup tullersortaanut Laust Løgstrup-imut (+299) 86 73 10, oqarasuaat angallattagaq (+299) 52 59 52, e-mail: laul@qeqqata.gl -imut saaffiginnissuteqarnikkut, atorfik pillugu paasissutissat annertunerusut pissarsiarineqarsinnaapput.

 

Qinnuteqaat soraarummeersimanermik uppernarsaatit assilinerinik, imminut ilisaritinnermik, oqaaseqaatinik attavigineqarsinnaasunillu ilaqartoq kingusinnerpaamik tigoreersimassavarput 2. oktober 2018.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Attavissaq:

Laust Løgstrup

(+299) 86 7310

laul@qeqqata.gl