airplanebooksbriefcase business cogs cross election entertainment fish house law lockmedicalpeopleselfservices socialtax

Nalunnguarfiup Atuarfia ataatsimik immikkut atuartitsisartussamik ilinniartitsisussarsiorpoq

Immikkut atuartitsinermi immikkoortortamut arfineq-pingasunik klassilimmut. Atuartitsineq klassini minnerusuni atuartut aallaavigalugit allanngorartumillu atuartinneqartarput.
Qinnuteqarfissaq kingulleq:
17. oktober 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. november 2018
Akissarsiat:
Isumaqatigiissut malillugu

Suliassat akisussaaffiillu: 

Atuartut ataasiakkaarlugit killiffii aallaavigalugit pilersaarusiuunneqartarput. Kiisalu ukiumoortumik atuartut ataasiakkaarlugit sukumiisumik naluaarusiarineqartarlutik.

 

• 400 missaani atuartoqarpoq.
• 52-nik ilinniartitsisunik aalajangersimasunik atorfitalik.
• 1. klassemiit 10. klasse tikillugu 20-nut agguakkanut klasseqarpoq.
• Immikkut atuartinneqartartut klassit 8-pput.

  • Krea klassi atuartunut immikkut ineriartortinneqarnissamut pisariaqartitsisunut.

  • AKT-mi ilinniartitsisoq, atuartunut attaveqarniarnermikkut, pissusilersornimmikkut attaveqarniarnermikkullu ikiorsertarialinnut.

  • Atuarfimmi siunnersorti angajoqqaanik suleqateqarnermut, ilinniartitsisunik aqutsisunullu siunnersuisutut sulialik.

  • Inunnik isumaginnittoq (socialrådgiver)atuarfiullu aappaa avillugu atorfeqartitaq.

 

 

Nalunnguarfiup Atuarfia sukkasuumik ineriartorluarpoq ersarissunik anguniagassalimmik, atuartut pitsaanerpaamik atuarnissaanik, pitsaasunillu angusaqarlutik ingerlaqqittarnissaat anguniarlugu.

Ilinniartitsisoqatigiit ataqatigiilluartut immikkoortortanilu atuarfillu tamakkerlugu suleqatigiilluartut. Aqutsisut akuusut, anguniagassanillu ersaritsitsisut sulisunullu ataasiakkaanut piffissaqarfiginnittut.

Qeqqata Kommuniani atuartut ilinniartitsisullu Ipadeqartinneqarmata, iluaqutaassooq Ipads atuartitsinermi sakkutut atorsinnaagaanni.

Nalunnguarfiup Atuarfiani skoleintra ullut tamaasa atorneqartarpoq sapaatip akunneranut pilersaarusiorfittut, angajoqqaanik attaveqaatitut kiisalu sulisut akunnerminni attaveqaataattut.

TEA (TAbulex Elev Administration) ullut tamaasa atorneqartarpoq atuartunik nalunaarsuiffittut. Kiisalu Angusakkalerinermi immersuiffittut.

Taamaammat ulluinnarni sulinerminni IT-mik atuisinnaaneq pingaaruteqarpoq.

 

Sisimiut qaasuitsup killeqarfianiippoq pinngortitami kusanartumi avatangiisilimmi. Aasakkut ukiukkullu pinngortitami sammisaqarnissamut periarfissaqarluartoq. Akunneq ataaseq pisulaariarluni qaqqanut arlalinnut pisuffissiat anguneqarsinnaapput. Angalammik angalaarnissamut piniariarnissamullu periarfissagissaarpoq. Ukiukkut sammisssanut periarfissarpassuaqarpoq soorlu ujakkaarnermut, sisupiloornermut, snowboardernermut, sukuutsernermut, qamuteralanni angalaarnermut kiisalu qimussernermut.

 

Paasiniaavissaq:

Atuarfiup ningiua: Riikki Grønvold attavigineqarsinnaavoq  oqarasuaammut (+299) 86 43 88 e-mail: rigr@qeqqata.gl


Akissarsiatigut atorfinitsitaanermilu atugassarititaasut:  

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat
aammalu isumaqatigiissutit Naalakkersuisut ilinniartitsisullu kattuffiata IMAK-ip akornanni
isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq, taamaattorli tjenestemanditut atorfinissinnaaneq Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

Meeqqanik pinerliisimannginnermut uppernarsaat:

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.


Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,
oqaaseqaatinik attuumassuteqarsinnaasunillu ilalerlugu tigoreersimassavarput tallimanngornermi 17.okt.  2018.


Qinnuteqaatit uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl


Attavissaq:

Rikke Grønvold

+299 86 43 88

rigr@qeqqata.gl