airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni avatangiisit pillugit sullissisumik aalajangersimasumik piffissaleriikkami suliniummut sulisussarsiorneq

Eqqakkanik assartuinermut kiisalu najugaqarfinnik saligaatsuutitsinermik suliaqartussamik, avatangiisit pillugit sullissisutut suliniummi aalajangersimasumik piffissaleriikkami akisussaassuseqartumik pimoorussisumillu, Qeqqata Kommunia sulisussarsiorpoq.
Qinnuteqarfissaq kingulleq:
19. november 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. december 2018
Akissarsiat:
Isumaqatigiissut malillugu

Suliarisartagassatit: 

Suliassaqarfik naatsumik:

Qeqqata Kommuniani Teknikkimut Avatangiisinullu immikkoortortaq innuttaasunik qanimut attaveqarluni suliffeqarfiuvoq. Suliffigisassaq Sisimiuni inissisimassaaq, suliassalli Qeqqata Kommunia tamakkerlugu agguataarsimassallutik. Saligaatsuutitsineq eqqakkanillu assartuineq suliassaassapput, illoqarfinni nunaqarfinnilu kommunimi sulisut, assartuussinermik suliffeqarfiit innuttaasullu akornanni suliat akimorlugit suleqatigiinnermik ingerlanneqartussat.

Teknikkimut Avatangiisinullu immikkoortortaq sumiiffimmi oqartussaasuuvoq, kommunalbestyrelsimit killiliussatut aalajangigaasa iluini suliaqartoq. Teknikkimut Avatangiisunullu immikkoortortami immikkoortut qanimut suleqateqarfissatit tassaassapput, pilersaarusiornermi immikkoortortaq, ingerlatsinermi immikkoortortaq, ikuallaaviit kiisalu nunaqarfinni allaffeqarfiit.

Suliarisartagassatit:

Najugaqarfinnit minnerusunit illoqarfimmut eqqagassanik assartuinermik kiisalu Qeqqata Kommuniani najugaqarfinni tamani saligaatsuutitsinermik avatangiisit pillugit sullissisoq nutaaq suliassaqassaaq. Suliffik allaffissornikkut suliaqarnikkullu suliassanik ingerlatsitsineruvoq. Kommunip, innuttaasut suleqatigisallu akornanni oqaloqatiginnittarnissaq pingaaruteqarpoq, taamaattumillu saaffiginnissutinik tigusisinnaasariaqarpoq, soorluttaaq pisariaqartitsisoqartillugu nammineq saaffiginnissinnaassalluni. Ilaatigut suliassat makkuupput:

  • Pingaarnertut suleqatigisanut suliniutinik paasissutissiineq
  • Pinngortitamut Avatangiisinullu Naalakkersuisoqarfimmi piumasaqaatit kiisalu Qeqqata Kommuniani atuilluartuunissamut suliniutinit aallaavigalugit, suliniutip nassuiaasiornerup suliareqqinnera
  • Suliniummut ataqatigiissaarineq suliamilu sullissineq – eqqakkanik assartuineq saligaatsuutitsinerlu
  • Eqqagassat pillugit paasissutissanik katersineq – paasissutissat pioreersut aallaaviussapput inerisarneqarlutillu
  • Eqqagassanik assartuinerup iluani eqqagassanik suleriaatsimik inerisaaneq
  • Paasissutissiissutinik kiisalu ilitsersuutinik suliaqarneq
  • Misilittakkat pillugit Pinngortitamut Avatangiisinullu Naalakkersuisoqarfimmut qaammatikkaartumik nalunaarusiorneq

Naatsorsuutigaarput:

Suliassat allaffissornerummata suliaqarfiullutillu, taamaattumik kissaatitut piumasaqaataapput:

  • Sanaartornerup imaluunniit allaffissornerup iluani ingerlariaqqiffimmik ilinniagaqassasutit
  • Nalinginnaasumik avatangiisit tungaasigut soqutigisaqarneq ilisimasaqarnerlu.
  • Pisortat ingerlatsiviannit imaluunniit suliffeqarfinnik siunnersuisarfiusunit misilittagaqarneq.
  • Anguniakkanik ingerlatitsisinnaaneq kiisalu suleqatigisanik oqaloqateqarsinnaaneq
  • Suleqateqallaqqissuusutit kiisalu arlalinnik ataatsikkut suliaqallaqqissuullutit.
  • Oqaatsitigut piginnaasaqarluartutit, matumani kalaallisut qallunaatullu

Politikkikkut eqqartorneqartunut malinnaasuusutit, ullumikkullu eqqagassalerinikkut unammillernartunut aaqqiissuteqarnissamut tunniussaqarnissamut peqataarusussuseqartutit. Ajornartorsiutinik innuttaasunut paasinartunnguillutit ingerlatitseqqiisinnaassuseqartutit. Pingaartipparput, nammineerlutit sulisinnaassuseqartutit, pimoorussisuullutit, naammassisaqarluarsinnaassuseqartutit qiimasuullutillu.

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut:

Aningaasarsiaqartitaanermi atorfeqartitaanermilu atugassarititaasut, tassunga ilanngullugit atorfinikkiartorluni soraarnermilu angalanerit taamatullu pigisat nuunneqarnerat Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.

Piffissap ilaanut atorfinitsitsisoqassaaq piaarnerpaamik atorfinittoqarluni 2019-imi juulip 31-ata tungaanut.

Pinerlussimannginnermut uppernarsaat:

 

Pinerluuteqarsimannginnermut uppernarsaammik pissarsisussaatitaanermut inatsit naapertorlugu atorfimmut uunga pinerluuteqarsimannginnermut allagartamik pissarsiniartoqartussaavoq.  Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.   Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

 

Piaartumik isumaqatigissuteqarnikkulluunniit atorfinitsitsisoqassaaq.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik pillugu annertunerusumik paasissutissat Ingerlatsinermut aqutsisumut Martin Jungersen (+299) 86 74 75, e-mail: maju@qeqqata.gl saaffiginninnikkut pineqarsinnaapput

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu, kingusinnerpaamik 19. november 2018 tigoreersimassavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Martin Jungersen

+299 86 74 75

maju@qeqqata.gl