airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqani MISI Tarnip pissusaanik ilisimasalimmik / Immikkut atuartitsinermi siunnersortimik pissarsiorpoq

Qeqqata Kommuniani Qeqqani Misi / PPR tarnip pissusiinik ilisimasalimmik/ immikkut atuartitsinermi siunnersortimik, Sisimiuni Maniitsumiluunniit atorfinittussamik pissarsiorpoq. Qeqqani Misi tarnip pissusiinik ilisimasaliunermik, tarnip pissusiinik ilisimasalimmik, immikkut atuartitsinernut siunnersortimik/oqallorissaasumik kiisalu allaffimmi ikiortimik sulisoqarluni Sisimiuni allaffeqarfeqarpoq.
Qinnuteqarfissaq kingulleq:
14. november 2018
Sumiiffik/Pisortaqarfik:
Sisimiut
Sivisussuseq:
Tamakiisumik
Atorfininnermi ulloq:
1. december 2018
Akissarsiat:
Isumaqatigiissut malillugu

Qeqqani Misi / PPR, immikkut atuartitsinernut tarnip pissusiinik ilisimasalimmik/siunnersortimik tulliuttunik piginnaasalimmik pissarsiorpoq: 

Meeqqanut inuusuttunullu immikkut pisariaqartitsisunut pinaveersaartitsinissaq, tapersersorteqartitsinissarlu immikkut sammisaralugit, Qeqqani Misi / PPR-ip meeqqat ukioqanngitsunit 18-it tikillugit sullitassarai.

Qeqqani Misi / PPR-ip illoqarfiit Maniitsoq aamma Sisimiut, nunaqarfittaallu arfiniliusut sullitarai. Taamaattumik ukiumut marloriarpajaarluni angalasoqartarpoq.

 

Qeqqani Misi / PPR, immikkut atuartitsinernut tarnip pissusiinik ilisimasalimmik/siunnersortimik tulliuttunik piginnaasalimmik pissarsiorpoq:

  • Meeqqanut ilikkarniarnermikkut ajornartorsiuteqartunut immikkut perorsaanikkut suleriaatsinik ilisimasalimmik, taamaalillunilu meeqqat inuusuttullu atugarissaarnissaanni, ineriartornissaanni ilinniarnissaannilu tapersoqataalluni.

  • Meeqqanik assigiinngitsutigut piginnaasatigut ajornartorsiuteqartunut aamma/imaluunniit kinguarsimasunut tarnikkut perorsaanikkullu misissuisarnernik ilinniartitseriaatsinillu ilisimasalik

  • Atuartup ineriartorneranut annertuumik pingaaruteqartillugu angajoqqaanut, ilinniartitsisunut, perorsaasunut imaluunniit inunnut attuumassuteqartunut allanut immikkut perorsaanikkut siunnersuisinnaanermik misilittagalik

  • Nammineerluni sulisinnaasoq, piumassuseqartoq, ineriartortitsinissamik pingaartitsisoq, minnerunngitsumillu suleqateqarluarsinnaasoq, inunnullu allanut akuersaartoq

  • Pisariaqartillugu ilitsersuisinnaasoq.

  • Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.

Neqeroortigaagut:

  • Suliffik sapaatip akunneranut akunnerni 40-ni suliffiulluni uummaarissoq ammasorlu.

  • Atorfik unammillernartoq pissanganartorlu

  • Suliffeqarfik ataatsimoorfiusoq

  • Pinngortitami pisuttuarnissamut, imaatigut angalaarnissamut, qimmeqarnissamut, sisorartarnissamut, piniariartarnissamut aalisariartarnissamullu periarfissagissaarluni pinngortitarsuaq kusanarluinnartoq

  • Kulturikkut assigiinngitsunik neqerooruteqarfiulluni Kalaallit Nunaanni illoqarfiit annersaasa tullia

 

Piukkunnaateqarluni qinnuteqartoq:

  • Kalaallit Nunaanni kulturi naapertorlugu sulinissaminut piareersimassaaq

  • Meeqqanik inuusuttunillu perorsaanikkut tarnikkullu sullissinermik ilisimasalik kissaatigineruarput

  • Tatitooq, suliassallu assigiinngorpassuit eqqarsaatigalugit nammineerlunilu eqaatsimillu sulisinnaasoq.

Piukkunnaateqarluni qinnuteqartoq:

  • Meeqqat atuarfiini ilinniartitsisutut ilinniagalik ilinniaqqissimasoq, soorlu immikkut atuartitsinissamut ilinniartitsisutut ilinniarsimasoq , oqallorissaasutut ilinniarsimasoq imaluunniit immikkut ittumik perorsaanermut Perorsaasutut diplomitaarfiusumik ilinniarsimasoq
  • Kalaallit Nunaanni kulturi naapertorlugu sulinissaminut piareersimassaaq
  • Meeqqanik inuusuttunillu perorsaanikkut sullissinermik ilisimasalik kissaatigineruarput
  • Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq.

Akissarsiat atorfeqartitaanermilu atugassarititaasut: 

Akissarsiat atorfeqartitaanermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut naapertorlugit akilersorneqassalluni. Piffissami killilikkami atorfinitsinneqarnermi inimik pisastsersoriikkamik inissaqartitsisoqarsinnaavoq, malittarisassat atuuttut naapertorlugit akilersoneqartussamik.

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Piaartumik, isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atuarfimmi tarnip pissusaanik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 14. novembari 2018-imi tigoreersimassavarput.

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Attavissaq:

Marianne L. Olsen

+299 38 12 40

olsm@qeqqata.gl