airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiut Katersugaasiviat allaffimmi ikiortissarsiorpoq erninermut atatillugu taartaasussamik

Qeqqata Kommuniani Ilinniartitaanermut Kulturimullu immikkoortortami, Sisimiut Katersugaasiviani sapaatip akunneranut akunnerni 20-ni allaffimmi ikiortitut atorfik inuttassarsiuunneqarpoq.

Sivisussuseq:
31. august 2019
Qinnuteqarfissaq kingulleq:
14. november 2018
Sumiiffik/Pisortaqarfik:
Sisimiut
Sivisussuseq:
Ullup affaa
Atorfininnermi ulloq:
15. december 2018
Akissarsiat:
Isumaqatigiissut malillugu

Suliassat akisussaaffiillu  

Katersugaasivik Qeqqata Kommunip ataani inissisimavoq, pingasunillu aalajangersimasunik sulisoqarluni. Suliffeqarfik ulapaarfiuvoq, ilaatigut arlaqartunik suliassanik suliniutinillu ingerlatsiviulluni.

Katersugaasivimmi sulisut allat peqatigalugit ulluinnarni sulinermut peqataassaatit. Allaffissornikkut nutserinermillu misilittagaqarnissat pitsaaqutaassaaq.

 

 

Suliassat akisussaaffiillu
  • Allakkanik isertunik journalimut allattuineq kiisalu akiligassanik isertunik akiligassiissutilerineq.
  • Ataatsimiinnermi imaqarnilianik kalaallisut qallunaatullu suliaqarnissamik akisussaaneq.
  • Nassiussanik allanillu allaffissornikkut suliassanik isumaginninneq.
  • Katersugaasivimmik ammaaneq matusinerlu.
  • Katersugaasiviup pisiniarfianik/billetsinik tuniniaanermik ingerlatsineq, ullummorlu isertitanik kisitsineq.
  • Katersugaasivimmut isertunik kiffartuussineq.
  • Katersugaasiviup allaffiani annikinnerusumik torersaaneq eqqiaanerlu.
  • Qallunaatut kalaallisullu annikinnerusumik nutserineq.
  • Katersugaasivimmi suliassanik allanik isumaginninneq, matumani immikkut saqqummersitassanik pilersaarusiorneq inissiinerlu.

 

Piginnaasassat

  • Allaffissornermik misilittagaqassasutit
  • Atuisinnaasutut qaffasissusilimmik IT ilisimasaqarputit.
  • Aaqqissuussinermut, akisussaanermut pitsaassutsimillu ilisimannittutit.
  • Sungiussisuusutit, namminersorsinnaasutit suleqatikkuminartuullutillu.
  • Inussiarnersuusutit, kiinneraartuusutit allanullu attaveqallaqqittuusutit.

Kalaallisut, qallunaatut kiisalu tuluttuusinnaasumik oqaaseqartuusutit.

Akissarsiat, atorfinitsitaanermilu atugassarititaasut  

Akissarsiat, atorfinitsitaanermilu atugassarititaasut

Atorfininnerup nalaani Namminersornerullutik Oqartussat aamma SIK isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq. Atorfik akunnermusialiuvoq.

 

Inissaqartitsisoqanngilaq

 

Qinnuteqarnissamut piffissarititaq 14 november 2018

 

15 december isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat annertunerusut Katersugaasivimmi pisortamut Marie Bønløkke Missuno mabm@qeqqata.gl imaluunniit oqarasuaat telefon 86 25 51/ 53 28 97 atorlugit pissarsiarineqarsinnaapput.

 

Qinnuteqaat imminullu ilisaritinneq mailikkut sismus@qeqqata.gl imaluunniit tullinnguuttumut nassiunneqassapput:

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Marie Bønløkke Missuno

+299 86 25 51

mabm@qeqqata.gl