airplanebooksbriefcase business cogs cross election entertainment fish house law lockmedicalpeopleselfservices socialtax

Allagarsiuteqqitaq: UNESCO-mut suliniummik aqutsisoq Sisimiuni

Qeqqata Kommuniani - Kalaallit Nunaanni kommuni atuilluartoq - UNESCO-mut suliniummut aqutsisutut atorfik pissanganartoq inuttassarsiorneqarpoq.
Qinnuteqarfissaq kingulleq:
10. december 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Isumaqatigiissuteqarnikkut piaartumik atorfinitsitsisoqassaaq.
Akissarsiat:
Isumaqatigiissut malillugu

Suliassat akisussaaffiillu: 

2018-imi aasaanerani Inuit-piniariartarfiat-kulturikkut nuna Aasivissuit–Nipisat UNESCO-mi nunarsuarmioqatigiinnut kingornussassat allattorsimaffianut ilanngunneqarpoq. UNESCO-mut suliniummut aqutsisup, soqutigisaqartut tamaasa suleqatigalugit, nunarsuarmioqatigiinnut kingornussassap piutiinnarnissaanik kiisalu paasissutissiissutiginissaanik ingerlatsinermut aqutsisuussaaq.

 

  • Innuttaasunut kiisalu nuarsuarmioqatinut nunarsuarmioqatigiinnullu kingornussassaq pillugu paasissutissiineq.

  • Nunarsuarmioqatigiinnut kingornussassanut ingerlatsinissamut pilersaarutip akuerisaasup atuutilersinnissaa.

  • Suliniutinut nutaanut aningaasaliisussarsiorneq.

  • Park ranger-inik aqutsineq.

  • Aqutsisoqatigiinni allatsi

  • Nunap immikkoortuani kulturikkut pinngortitatigullu naleqartitanik nakkutilliineq.

  • Nunap immikkoortuani ineriartornermut paasisimannilluarnissaq.

  • Atuisunik/tikeraanik ilitsersuussineq paasissutissiinerlu.

  • Nunami nunarsuarmioqatigiinnut kingornussassami pisortatigoortumik tikeqaartoqarnermi isumaginninneq.

  • Oqartussat tusarniaassutaannik akissuteqarneq.

  • Suliniutinik aqutsineq

  • Aningaasaqarnikkut aqutsineq

  • Suliareqquneqartut assigiinngitsut

     

    Piginnaasassat:

  • Atorfimmut tulluartumik piginnaalersitsisumik ilinniagaqartutit.

  • Suliniutinik aqutsinermik misilittagaqassasutit

  • Kalaallit Nunaanni kulturikkut pinngortitatigullu pissutsinut ilisimasaqartuusutit

  • Oqaatsitigut allattariarsornikkullu attaveqaqateqallaqqissasutit

  • Arlalinnik oqaasiliusutit, pingaartumik kalaallisut tuluttullu


Akissarsiat, atorfinitsitaanermilu atugassarititaasut: 

Akissarsiatigut aamma atorfeqartitaanermi atugassarititaasut, taakkununnga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Isumaqatigiissuteqarnikkut piaartumik atorfinitsitsisoqassaaq.

 

Atorfik pillugu annertunerusumik paasissutissat atorfillit pisortaanut H.C Sværd oqarasuaatikkut (+299) 867302 e-mail hcsv@qeqqata.gl imaluunniit kommunip pisortaanerata tullianut Laust Løgstrup oqarasuaatikkut (+299) 86 73 10, mobil (+299) 52 59 52, e-mail: laul@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermik uppernarsaatit assilinerinik, imminut ilisaritinnermik, oqaaseqaatinik attavigineqarsinnaasunillu ilaqartinneqartoq, kingusinnerpaamik 10. december 2018.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl


Attavissaq:

Hans Christian Sværd

+299 86 73 02

hcsv@qeqqata.gl