airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivik Kuunnguaq Maniitsumi marlunnik perorsaasussarsiorpoq

Qeqqata Kommunia Maniitsumi Meeqqerivik 'Kuunnguaq' marlunnik perorsaasussarsiorpoq 1. januar 2019 imaluunniit isumaqatigiinnikkut atorfinittussanik
Qinnuteqarfissaq kingulleq:
27. december 2018
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. januar 2019
Akissarsiat:
Isumaqatigiissutit malillugit

Atorfininneq isumaqatigiissutillu  

Kuunnguaq pillugu:

Atorfik tamakkiisumik suliffiuvoq sapaatip akunneranut nalunaaquttap akunneri 40-t suliffiulluni. Meeqqanut 80-inut inissaqarpoq, meeqqerivimmi 20-nut inissaqarluni, meeraaqqerivimmilu 60-nut inissaqarluni.
Ataasinngornermiit tallimanngornermut 06:45 – 17:00 ammasarpoq.

Meeqqerivik 'Kuunnguaq'-mi ingerlatsineq Ilinniartitaanermut pisortamit aamma Perorsaanermik Ataqatigiissaarisumit Maniitsumi Ilinniartitaanermut immikkoortortamiit aqunneqarpoq,  meeqqerivimmik siunnersuineq ilitsersuinerlu aamma isumagineqarlutik.  

Qinnuteqarnissamut piumasaqaatit:

Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, allannguisoqassatillugulu akuersaatoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq, akuersaartoq aalajaatsorlu.
Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Qeqqata kommunianut atuuttut naapertorlugit sulinissamut piareeqqasoq.

Akissarsiat atorfeqarnermilu atugassat:  

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut aamma NPK akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut naapertorlugit ineqarnermut il. il. akilersorneqartussamik.

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut aamma pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Atorfininneq pissaaq 1. januar 2019-imi imaluunniit isumaqatigiinnikkut atorfinitsitsisoqassaaq.

Atorfik pillugu paasissutissat sukumiinerusut pisortamut Andreas Jessen-imut, oqarasuaat (+299) 81 30 76, e-mail: kuunnguaqmaniitsoq@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 27. december 2018-imi tigoreersimassavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq

Andreas Jessen

+299) 81 30 76

kuunnguaqmaniitsoq@qeqqata.gl