airplanebooksbriefcase business cogs cross election entertainment fish house law lockmedicalpeopleselfservices socialtax

Pedel Atammiup atuarfianut

Atammiup atuarfianut akisussaassusilimmik sullissillaqqissumillu ulloq naallugu sulisartussamik pedelimik pissarsiortoqarpoq.

Pedelitut atorfik aaqqissuussaanikkut atuarfiup aqutsisuata ataani inissisimavoq.
Qinnuteqarfissaq kingulleq:
27. december 2018
Sumiiffik/Pisortaqarfik:
Atammik
Sivisussuseq:
Tamakkiisumik
Atorfininnermi ulloq:
1. januar 2019
Akissarsiat:
Isumaqatigiissut malillugu

Akisussaaffiit suliassallu:  

  • Nassiussanik allakkanillu isumaginninneq, kiisalu assartuineq saqqummiussassanillu nivinngaassuineq
  • Nassiussanik poortukkanik nassatanik, nioqqutissanillu allakkerivimmit, pilersuisumiit aamma umiarsualiviup allaffianik/quersuaanit aallerneq
  • Eqqagassat atortullu ikuallatassat assigiinngitsut
  • Erfalasulertarneq
  • Atuarfiup, meeqqeriviup Meeqqat TimersuQassillu iluani silataanilu torersaaneq kiisalu aqqusinernik appakaaffinnik aputaajaasarneq aamma siorarterisarneq
  • Atuarfiup, Meeqqeriviup Meeqqat, TimersuQassillu iluani avataanilu sullissineq
  • Pisortatigoortumik aaqqissuussisoqarneranut atatillugu ikiuunneq, tikeraanik aallertarneq ilanngullugu
  • Atuarfiup aqutsisua suleqatigalugu: ataatsimiinnernut assigisaanullu sutugassanik assartuineq
  • Atuarfiup aqutsisua suleqatigalugu: iluarsagassanik aserfallatsaaliinermillu suliassanik annikinnerusunik suliaqarneq kiisalu atuarfiup, Meeqqeriviup Meeqqat TimersuQassillu illutaanik toqqorsiviinillu nakkutilliineq
  • TimersuQassimik ammaanerit parnaarsuinerillu

 

Piginnaasassat:

  • Nammineersinnaassuseqartutit
  • Akisussaassuseqartutit
  • Tatiginartuusutit
  • Ujartuisuusutit
  • Uummaarissuusutit sungiussiasuusutillu
  • Sullissillaqqittutit
  • Aalajaatsuusutit

 

Makkuninnga peqarnissat piumasaqaataavoq:

  • Pinerluuteqarsimannginnermut uppernarsaat
  • Assassornermik tunuliaqutaqarneq misilittagaqarnerluunniit
  • Suleqatikkuminartuuneq
  • Suliamut pingaartitaqarneq pitsaassutsinullu ilisimasaqarneq
  • Takunnissinnaassuseqarneq, annikitsualunnut aamma ajornartorsiutinik aaqqiisinnaassuseqarneq

 

Suliffik ulloq naallugu suliffiuvoq. Taamaattorli pisariaqartitsineq malilllugu unnukkut sapaatillu akunnerisa naanerini sulisoqarsinnaassaaq.

 

Suliffik uummaarissoq neqeroorutigaarput, tamatumani atuarfiup, Meeqqeriviup Meeqqallu suliffeqarfittut pitsaasuulluartikkumallugu sulisut suleqatigiit 8-suni akuulluartuni uummaarissunullu ilaassallutit.

 

Pinerlussimannginnermut uppernarsaat

Pedelitut suliffik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.   Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat

Aningaasarsiat atorfeqartitaanermilu atugassarititaasut: 

Aningaasarsianut atorfinitsitaanermullu atugassarititaasut Kalaallit Nunaanni Namminersorlutik Oqartussat, imaluunniit isumaqatiginninniarsinnaatitaalluni kattuffik alla attuumassutillip akornanni isumaqatigiissutit atuuttut naapertorlugit pissaaq.

 

Atorfininnissaq 1. januar 2019 isumaqatigiissuteqarnikkulluunniit pissaaq. Qaammatini pingasuni misiligummik atorfinitsitsisoqassaaq.

 

Atorfininnermut atatillugu inissaqartitsisoqanngilaq.

 

Qinnuteqaat

Qinnuteqaat ilinniarsimanermut uppernarsaatinik aamma/imaluunniit pikkorissarsimanermut uppernarsaatinik, imminut ilisaritinnermik aamma sulisitsisorisimasaminngaaniit oqaaseqaataasinnaasunik, pinerluuteqarsimannginnermut uppernarsaatinik paasissutissanik ilaligaq Qeqqata Kommuniani Sulisoqarnermut allaffimmi kingusinnerpaamik 27. december 2018 tiguneqareersimassaaq.

 

Atorfik pillugu paasissutissat annertunerusut ineriartortitsinermut atuarfiup aqutsisuanut Juliane Fleischer oqarasuaat 81 85 33 imaluunniit email: atammik@kilaas.gl atorlugit saaffiginninnikkut pissarsiarineqarsinnaapput.


Qinnuteqaatit uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl


Attavissaq:

Juliane Fleischer

+299 81 85 33

atammik@kilaas.gl