airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommuniata atuartut angerlarsimaffiannut Maniitsumi atorfiit marluk unnuarsiortutut atorfeqartussanik pissarsiorpoq

Qeqqata Kommuniata atuartunut angerlarsimaffiani ukiumi atuarfiusumi 2018/19-mi atuariartortut najugaqarput 7, 13-niniit 16-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Sulisut paarlakaallutik suliffeqartut, tassaapput pisortaq ataaseq, tullersorti ataaseq, perorsaasut pingasut igaffimmi aqutsisoq ataaseq, kiisalu atorfiit ataaseq ilivitsoq aappaalu atorfik affaq unnuarsiortut.
Qinnuteqarfissaq kingulleq:
7. december 2018
Sumiiffik/Pisortaqarfik:
Maniitsoq
Sivisussuseq:
Tamakkiisoq / Ullup affaa
Atorfininnermi ulloq:
1. januar 2019
Akissarsiat:
Isumaqatigiissut malillugu

Suliassat akisussaaffiillu: 

  • Qeqqata Kommuniata atuartut angerlarsimaffianni najugaqartunik 13-16-illu akornanni ukiulinnik isumaginninneq nakkutilliinerlu, ullut tamaasa 22:00-imiit ullaakkut 06:00. Atuartut angerlarsimaffiani pisortaq suleqatillu suleqatigissallugit.

 

Piginnaasassat:

  • Misilittagaqarputit

  • Inuusuttuaqqanik 13-16-nillu akornanni ukiulinnik sullissinermik misilittagaqarputit

  • Inuusuttuaqqanik nuannarisaqarputit

  • Aalajaatsuuvutit akisussaassuseqartuullutillu, namminersorlutillu sulisinnaallutit

 

Qinnuteqartumut piumasaqaatit:

  • Timikkut tarnikkullu pisinnaarsuuvutit.

  • Piareersimaffigivat unnuarsiortuussallutit unnuarsiornerit tamaat eqqumallutit.

 

Tunniussinnaasagut:

  • Qinnuteqartut marluk kissaatigissagunikku piffissap ilivitsup ¾-iani sulerusullutik, taava atuartut angerlarsimaffiata neqeroorutigisinnaavai atorfiit marluk, piffissap ilivitsup ¾-ianik naleqartut, imaluunniit

  • Qinnuteqartoq ataaseq piffissaq ilivitsoq sulisoorusuppat aappaalu piffissap affaannaa sulerusuppat taava atorfiit marluusinnaapput, ataaseq piffissaq ilivitsumik atorfik, aappaa piffissap affaanik atorfik.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata

Kommunianiit pissarsiarineqartussaq tunngavigalugu atorfinitsitsisoqassaaq.

Akissarsiat atorfinitsitaanermilu atugassarititaasut: 

Atorfininnerup nalaani Namminersorlutik Oqartussat SIK-lu isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

 

Atorfininneq pissaaq 1. januar 2019 imal. isumaqatigiissuteqarnikkut

 

Atorfinnut paasissutissat annertunerusut atuartut angerlarsimaffianni pisortamut Eva Jessen-imut oqarasuaat 54 77 93-mut, email kollegiet@kilaas.gl  attaveqarnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,

oqaaseqaatinik attuumassuteqarsinnaasunillu ilalerlugu tigoreersimassavarput ulloq 7. december 2018.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Eva Jessen

+299 54 77 93

kollegiet@kilaas.gl