airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermi siunnersorti/sullissisoq Maniitsumi Pisortanit Ikiorsiissutit pillugit immikkortortamut

Qeqqata Kommunia Maniitsumi isumaginninnermi siunnersortimik/sullissisumik ataatsimik Pisortanit Ikiorsiissutit pillugit immikkoortortamut pissarsiorpoq
Qinnuteqarfissaq kingulleq:
3. december 2018
Sumiiffik/Pisortaqarfik:
Maniitsoq
Sivisussuseq:
Tamakkiissoq
Atorfininnermi ulloq:
1. januar 2019-imi imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu 

Maniitsumi Meeqqanut Ilaqutariinnullu immikkoortortaqarfimmi Isumaginninnermi siunnersorti/sullissisoq ataaseq

Qeqqata Kommuniani Ilaqutariinnut immikkoortortaqarfik Maniitsoq Isumaginninnermi siunnersortimik/sullissisumik ataatsimik pissarsiorpoq.

Ilaqutariinnut immikkoortortaq 24-nik sulisoqarpoq imatut agguataagaasunik, Ikiorsiinermi immikkoortortaqarfik, Ilaqutariinnermut immikkoortortaqarfik, Allatseqarfik, Utoqqarnut immikkoortortaqarfik kiisalu Innarluutilinnut immikkoortortaqarfik.

Pisortanit ikiorsiissutit pillugit immikkoortortaqarfik, immikkoortortami aqutsisoq ilanngullugu tallimanut sulisoqarsinnaavoq.

Isumaginninnermi siunnersortip pingaarnertut makku suliassarai:

  • Suliffissarsiuussisarfimmik suleqateqarnikkut suliffimmik misiliisitsinerit

  • Siusinaartumik pensioneqalerniartunut qinnuteqaatinik isumaginninneq

  • Qanimut immikkoortortaqarfiup avataani suleqatigineqassapput Majoriaq suliffeqarfiillu allat.

  • Siunnersuineq ilitsersuinerlu

  • Ataatsimiitsitaliamut innersuusiornerit

  • Iliuusissamik pilersaarusiornerit malitseqartitsinerillu

  • Innuttaasunik saaffiginnittarfimmi tigooraqataaneq

  • Aningaasatigut qinnuteqaatinik suliaqarneq

  • pisortatigut ikiorsiissutinik qinnuteqartunik sullissineq

  • allakkatigut nalunaaruteqarniartunut allakkanik tigooraaneq

  • Inuttut pisariaqartitsineq aallaavigalugu oqaloqateqarneq

  • Ilaqutariinnernut inerisaavimmut innersuunneqarusuttunik sullissineq

  • Pigaartartooqataaneq.                                                                      
  • Suliassanut allanut suleqataaneq ( A hoc opgaver)

     

    Naatsorsuutigaarput:
  • Isumaginninnermut tunngasuni inatsisinik ilisimasaqartuusutit.

  • Kommunimi suliassanik suliaqarnermik il.il. misilittagaqassasutit.

  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit

  • Tamat isiginnissinnaalluartuusutit aamma pisuni ulapaarfiusuni.

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

  • Marluinnik oqaaseqartuusutit.

  • Oqaatsinik atuinermut allattariarsornermullu pitsaasumik piginnaasaqartuusutit.

 

Inuttut piginnaasat:

  • Sullissinermik sungiusimasaqartutit

  • Saaffikkuminartuusutit, akuersaartumillu isiginnittariaaseqartuusutit

  • Namminersortumik akisussaassuseqartumillu sulisinnaasutit

  • Aalajaatsuusutit tatiginartuusutillu

  • Suliassanut ilisimaarinnittuusutit, pimoorussisuullutillu

  • Suleqatikkuminartuusutit

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Meeqqanik pinerliisimannginnermut pineqaatissinneqarsimannginnermullu uppernarsaat

Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

Atorfik pillugu paasissutissat sukumiinerusut Ilaqutariinnermut pisortaq Bertha Dalager, oqarasuaat (+299) 81 78 53, e-mail: beda@qeqqata.gl imaluunniit pisortanit ikiorsiissutit pillugit immikkoortortaqarfimmi aqutsisoq Jakobine Goleathsen oqarasuaat (+299) 81 78 55 e-mail jago@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2018-imi junip 15-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail:job@qeqqata.gl

Web:www.qeqqata.gl/job

Attavissaq:

Bertha Dalager / Jakobine Goleathsen

(+299) 81 78 53 / (+299) 81 78 55

beda@qeqqata.gl / jago@qeqqata.gl