airplanebooksbriefcase business cogs cross election entertainment fish house law lockmedicalpeopleselfservices socialtax

Peqqissaasumik Maniitsumi Angerlarsimaffik Neriusaaq-mut

Ilaqutariinnermut immikkoortortami Maniitsumi Angerlarsimaffik Neriusaaq-mi peqqissaasutut atorfik ataaseq inuttassarsiorneqarpoq
Qinnuteqarfissaq kingulleq:
30. november 2018
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. januar 2019
Akissarsiat:
Isumaqatigiissutit malillugit

Suliassat akisussaaffiillu 

Peqqissaasumik pissarsiorpugut allamilluunniit peqqinnissaqarfiup iluani attuumassuteqartumik ingerlaqqiffiusumik ilinniagaqartumik, aammalu utoqqarnut immikkoortumi sulinermi misilittagaqarsinnaaguni iluaqutaassaaq.

Nutaaliorsinnaasumik eqqarsartariaaseqassaatit suleqatinillu ilinniarsimasunik assinganillu ilinniarsimanngitsunik suleqateqarsinnaassallutit.  Utoqqaat illuat innuttaasunit 44-nit najugaqarfigineqarpoq inissallu marluk innuttaasunut qasuersaarnissamut atugassiaallutik.

Sulisorisassat sulisunut 66-inut amerlassusiligaapput. Immikkoortortat arfiniliupput, tamarmillu immikkut ataatsimoortarfeqarlutik ingerlasuullutik. Immikkoortortat ilaat ataaseq innuttaasunut puigornermik nappaammik eqqugaasimasunut angerlarsimaffittut atorneqarpoq.

Immikkoortortat tamarluinnarmik aalajangersimasunik sulisoqarlutik paaqqutarinninnermik- isumassuinermik isumaginnittarput.

Peqqissaasutut, immikkoortortami aqutsisut ningiuusorlu peqatigalugit, suliffimmi paaqqutarinninnissaq akisussaaffigissavat. Suleqatiginnissinnaassuseq pitsaasoq aamma sumiiffimmi peqqissaavimmi pingaartinneqartorujussuit ilagaat. Tamanna pisariaqaleraluttuinnarpoq, ingammik najugaqartut siusinnerujussuakkut takkuttalertut pigiuaannagassaminnik nappaateqalersimasarmata ataavartumillu qaffasissumik suliatigut piginnaasalimmik nakkutigineqarnissaminnik pisariaqartitsisuullutik.  

 

Piginnaasassat:

  • Suliamik paasisimasaqarneq inunnullu tunngasut assigiimmik pingaartillugit, ataqatigiissaarisinnaasorlu aammalu suliaqaqatigiit assigiinngitsut sulisullu ilinniarsimanngitsut akornanni suleqatigiissinnaassutsimik pitsaasumik pilersitsisinnaasoq.
  • Ammasumik eqaatsumillu eqqarsartaasilik ineriartortitserusuttoq ilinniartitsisinnaasorlu.
  • Suliffimmi avatangiisinut pitsaasunut akuulluarsinnaasoq ersittumillu peqataasarsinnaasoq.

Akissarsiat, atorfinitsitaanermilu atugassarititaasut 

Aningaasarsiat sulinermullu atugassarititaasut Kalaallit Nunaanni Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissutit atuuttut naapertorlugit aaqqinneqassaaq.

  

Pinerlussimannginnermut/pinerluuteqarsimanermut uppernarsaat naammaginartuunera tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat sukkulluunniit atuuttut malillugit qaammammut akiliisoqartassalluni.

 

Atorfininneq pissaaq 1. januar 2019 imaluunniit isumaqatigiinnikkut.

 

Atorfik pillugu paasissutissat annertunerusut Pisortamut Arnannguaq H. Christensen-imut oqarasuaat (+299) 81 70 17, e-mail: ahch@qeqqata.gl imaluunniit Ilaqutariinnermut immikkoortortami tullersortimut Andrea Karlsen-imut (+299) 81 78 62, e-mail anka@qeqqata.gl saaffiginninnikkut pissarsiarineqarsinnaapput.

 

Qinnuteqaat ilinniarsimanermut, siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu kingusinnerpaamik 30. november 2018-imi tigoreersimassavarput

Qinnuteqaatit uunnga nassiunneqassapput: 

Qeqqata Kommunia

Sulisoqarnermut allaffik

Postboks 1014

3911 Sisimiut

e-mail: job@qeqqata.gl

Web: www.qeqqata.gl/job

Attavissaq:

Arnannguaq H. Christensen

(+299) 81 70 17

ahch@qeqqata.gl