airplanebooksbriefcase business cogs cross election entertainment fish house law lockmedicalpeopleselfservices socialtax

Kangerlussuarmi Qinnguata Atuarfianut timelærer-nik pissariaqartitsivoq

Nukarlerni, akullerni immikkullu atuartitanut atuartitsinermut tapertaasussanik timelærenik pissarsiorpugut. Klassini kisimiilluni atuartitsineq kiisalu pingaarnertut atuartitsivinni ilinniartitsisunik suleqateqartarnissaq ingerlanneqartassapput. Qinnguata Atuarfia 80-inik qiimasunik atuartuuteqaroq. Klassinut arfinilinnut, immikkullu atuartitsinernut marlunnut agguataagaallutik, atuarfimmi 1. -10. klassit atuartuupput. Ilinniartitsisut tamarmik ilinniarsimasuusut quliupput, perorsaasutullu ilinniarsimasoq ataasiulluni. Ilinniartitsisut suleqatigiilluarput, peqatigiilluarlutillu.
Qinnuteqarfissaq kingulleq:
27. december 2018
Sumiiffik/Pisortaqarfik:
Kangerlussuaq
Sivisussuseq:
Tamakkiisumik
Atorfininnermi ulloq:
1. januar 2019, imaluunniit isumaqartigiinnikkut
Akissarsiat:
Isumaqatigiissutit malillugit

Atorfininneq isumaqatigiissutullu: 

Inuusuttuaqqat meeqqat atuarfianit naammassigunik ilinniaqqinnissaminnut, suliffeqalernissaminnullu sakkussaqarluarnissaat angujumallugu, atuagarsornikkut nammineersinnaassuseqarnikkullu ineriartortinneqarnissaat atuarfiup immikkut anguniagaraa. Pingaartitat allat tassaapput:

  • Ullut tamaasa minutsini 22-ni timimik aalatitsisarneq

  • Atuartitsinermi iPads-inik atuineq

  • 8. - 10. klassini atuartunut tamanut immikkut ilitsersuisarneq

  • Atuartunut arlaatigut unammillernartitaqartunut aaqqiissutissarsiorluni oqaloqatiginnittarnerit

  • Ukiumut sapaatip akunneranullu pilersaarutinut, pilersaarusiornernut, atuartunut iliuusissatut pilersaarusiornernut, atuartut atuarnerat pillugu il.il. atuarfiup intra-nik atuineq.

 

Atuartut tamarmik namminneq pissusertik aallaavigalugu ineriartornissaat inissaqartillugu, ilinniartitaanikkut nalinginnaasumik atugassarititaasut pitsaapput. Soorunami tapersersorluarneqassaatit, matumanili suleqatikkuminartuunissat kiisalu meeqqanik inuusuttunillu sullisserusuttuunissat naatsorsuutigineqarpoq.

Qiimasumik, qiimmisaarnartunik nuannarisalimmik, meeqqanillu/atuartunillu inuttut sullissilluarsinnaasumik timelærerimik pisariaqartitsivugut. Timelæreri atuartitsinermi iPadsimik atuinissamik sapiissuseqartoq, suleqatigiinnut akuusinnaasoq kiisalu atuartunik atuartitsinermi pissangartunngortitsinissamik ikiuussinnaasoq

Akissarsiat atorfinitsitaanermilu atugassarititaasut: 

Akissarsiat atorfininnermilu atugassarititaasut: Akissarsiat atorfeqartitaanermilu atugassarititaasut Namminersorlutik Oqartussat ilinniartitsisullu kattuffiata IMAK-ip akornanni, timelærerinik atorfinitsitsinermut isumaqatigiissutit atuuttut naapertorlugit pissapput.

 

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq. Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

Atorfininnermut atatillugu inissaqartitsisoqanngilaq.

Atorfinitsitaanermi angalanissamut akiliussisoqassanngilaq.

 

Piaartumik isumaqatigiissuteqarnikkulluunniit atorfinitsitsisoqassaaq.         

Atorfik pillugu paasissutissat annertunerusut atuarfimmi pisortaq Jens Borch Scharnberg, oqarasuaat (+299) 84 10 27 imlt. e-mail: kangerlussuaq@atuarfiit.gl-imut saaffiginninnikkut pissarsiarineqarsinnaapput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Jens Borch Scharnberg

+299 84 10 27

kangerlussuaq@atuarfiit.gl