airplanebooksbriefcase business cogs cross election entertainment fish house law lockmedicalpeopleselfservices socialtax

Majoriaq aqqutissiuisussarsiorpoq

Aqqutissiuisartumik pikkorissumik tunniusimasumillu Majoriaq pissarsiorpoq. Suliffiup imarisassaanik nammineq sunniuteqarfigineqarsinnaaneq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Suliniuteqarsinnaaneq aamma nutaaliorsinnaaneq nuannaarutigissavarput
Qinnuteqarfissaq kingulleq:
17. januar 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik atorfiniffissaq imaluunniit isumaqatigiissuteqarnikkut
Akissarsiat:
Isumaqatigiissutit malillugit

Atorfininneq isumaqatigiissutillu 

Suliassat akisussaaffiillu:

  • Ilinniarfissarsiortunik aqqutissiuineq
  • Ornigulluni aqqutissiuineq
  • Suliffimmi ineriartornissamut aqqutissiuineq
  • Lærlinginik mesteriinillu aqqutissiuineq
  • Atuartunut piginnaanngorsaqqittunut ilinniarnissamut aqqutissiuineq

Majoriarmi ilinniartitsisunut kiisalu meeqqat atuarfiini ilinniarfinnilu attaveqaatinut aqqutissiuisut qanimut suleqateqarput. Aqqutissiuisut innersuussisartoqatigiinni ilaasortaapput, taakku Majoriami neqeroorutinut assigiinngitsunut atuartussanik akuersisuusarput. Piorsaavik suleqatigalugu atuagarsornernut atuagarsornerunngitsunullu innersuussuteqartoqartarpoq.

Piginnaasat:

  • atuartut piumassuseqalernissaannut aallartinnissamullu kajumissuseqalernissaannut soqutiginnittuuneq
  • Atuartut piginnaassusaat tamakkiisumik atorluarnissaannut anguniagaqartuussaatit
  • Aalajaatsoq, akisussaassusilik, suleqatikkuminartorlu
  • Allannguinissamut piareersimasoq, nutaaliorsinnaasorlu
  • Unammilligassanut assigiinngitsorpassuarnut piareersimassasutit
  • Namminersorluni sulineq akisussaassutsinillu ilisimaarinnilluartuussasutit
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusiliusutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Innuttaasunut sullissinermut ineriartortinnissaanut pitsanngorsarnissaanullu tunniussaqarluarsinnaassaatit

Akissarsiat atorfininnermilu atugassarititaasut 

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq 

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu meeqqanik pinerliisimannginnermut uppernarsaatip kommunimit tiguneqarnerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

Inissaqartitsisoqarsinnaavoq malittarisassat atuuttut malillugit ineqarnermut qaammammut akiliisoqartassalluni.

Piaartumik isumaqatigiissuteqarnikkulluunniit atorfinitsitsisoqassaaq.

Annerusumik paasisaqarusukkuit attavigiuk:

Atorfik pillugu paasissutissat annertunerusut Sisimiuni afdelingslederimut Tupaarnaq Lennert, oqarasuaat (+299) 86 71 51, e-mail: tule@qeqqata.gl saaffiginninnikkut pissarsiarineqarsinnaapput, imaluunniit Majoriap pisortaa Mariane Hansen Heilmann-imut (+299) 86 71 59-mut e-mail: mahh@qeqqata.gl

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2019 januarip 17-ni tigoriissavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

E-mail: job@qeqqata.gl

Web: www.qeqqata.gl

Attavissaq:

Tupaarnaq Lennert imaluunniit Mariane Hansen Heilmann

(+299) 86 71 51 / (+299) 86 71 59

tule@qeqqata.gl / mahh@qeqqata.gl