airplanebooksbriefcase business cogs cross election entertainment fish house law lockmedicalpeopleselfservices socialtax

Nutaaliorfeeraq Sannavimmut suliniutinut sulisussarsiorpoq

Inuusuttut 16-it 29-llu akornanni ukiulinnut aalajangersimasumik suliffeqanngitsunut imaluunniit ilinniagaqanngitsunut sammisaqartitsinermi Nutaaliorfeeraq neqeroorutaavoq. Nalinginnaasumik siunissami qanoq ilinniagaqarnissaminnik nalornisuupput, inuusuttut inuttut imaluunniit inooqataanikkut ajornartorsiuteqarnikkut sulilernissamut imaluunniit ilinnialernissamut piareersimanngitsut.
Qinnuteqarfissaq kingulleq:
4. januar 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. februar 2019
Akissarsiat:
Isumaqatigiissut malillugu

Suliassat akisussaaffiillu: 

Sannavimmi suliniutinut sulisutut, Amutsivikumi sannavimmi akisussaassaatit.

 

Sannavimmi suliniutinut sulisoq

•Sannavimmik akisussaaneq

•Inuusuttunik siunnersuineq.

•Suliniutinut aqutsisoq peqatigalugu sammisassanik pilersaarusiorneq.

•Pisunnernut pinngortitamilu sammisanut peqataasinnaaneq

•Inuusuttut patajaatsumik naammassisaqarluartumillu inuuneqarlernissaannut tapersersuineq

•Timikkut tarnikkullu patajaatsoq.

•Patajaatsumik sulisinnaasoq

•Suliassanik assigiinngitsunik isumaginnissinnaassuseqartoq

 

Ilinniagaqarnikkut sulianut piginnaasat:

•Qisunnik suliaqarsinnaanermut pinngortitamillu atuisinnaanermut isumaginnittoq.

•Nutaaliorfeeqqap sammisaqartitsinermut atortuinik ineriartortitseqataasoq.

•Inuusuttut peqqissumik naammassisaqarluartumillu inuuneqarnissaannik isummersuisoq.

•Inuusuttut suliffimmik misiliinissamut inissaat pillugit inuussutissarsiutinut suliffinnik attaveqarsinnaasoq.

 

Inuttut pisinnaasat:

Qinnuteqartuni toqqaanermi pingaartinneqarput,

•sanasutut misilittagaqarlutillu ilinniagaqartuusutit

•naammagittartuusutit, anguniagaqartuusutit, inernernik ujartuisuusutit patajaallutillu sulisuusutit

•kinaassutsikkut suleqatikkuminartuullutillu saaffikkuminartuusutit,

•ulapaarfinni eqqissisimasinnaassuseqarlutit tamanillu isiginnissinnaassasutit,

•ilinniartitsisinnaassuseqartuusutit,

•sannatinik assigiinngitsunik atuisinnaasutit

•inunnut isiginnittariaatsit kissalaartuusoq


Akissarsiat, atorfinitsitaanermilu atugassarititaasut: 

Atorfininnermut atatillugu inissaqartitsisoqanngilaq.

 

SIK-mut isumaqatigiissutit atuuttut naapertorlugit akissaatit pensionillu tunniunneqartassapput.

 

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Piaartumik isumaqatigiissuteqarnikkulluunniit atorfinitsitsineq.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik piaarnerpaamik tigoreersimassavarput 04. januar 2019.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl


Attavissaq:

Ittukusuk Heilmann

+299 52 39 14

ithe@qeqqata.gl