airplanebooksbriefcase business cogs cross election entertainment fish house law lockmedicalpeopleselfservices socialtax

Allagarsiuteqqitaq - Sarfannguanut aqqusinilerisuni formandissamik pissarsiorpoq

Qeqqata Kommunia
Sarfannguanut aqqusinilerisuni formandissamik pissarsiorpoq

Teknikkimut Avatangiisinullu immikkoortortaq Sarfannguani kommunip entreprenøreqarfiani aqqusinilerisunut formandissamik februaarip aallaqqaataani isumaqatigiissuteqarnikulluunniit sulilertussamik pissarsiorpoq.
Qinnuteqarfissaq kingulleq:
25. januar 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. februar 2019
Akissarsiat:
Isumaqatigiissutit malillugit

Atorfininneq isumaqatigiissutillu 

Aqqusinilerisut formandiata nunaqarfimmi entreprernøreqarfiani pingasunik sulisoqartoq ulluinnarni aqunneqarnera isumagissavaa.

 

Formandi aalajaatsuussaaq, silatusaartoq aqutsisinnaanermullu piginnaasalik.

Suliassat tullinnguuttut suliarineqartarnissaat naatsorsuutaavoq:

 

  • Nunaqarfimmi suliassanik pingaarnersiuineq naammassinninnerlu.

     

  • Suliassat pilersaarusiorneqarnerisa ingerlanneqarnerisalu pitsaasuunissaasa akunnaatsuunissaasalu qulakkeerneqarnissaat.

     

  • Nunaqarfimmi teknikkikkut tunngasunut innuttaasunut paasissutisseeqataaneq
  • Immikkoortortami suleqataasunik ilinniartitsinissap qulakkeernissaa
  • Sulisunik ineriartortitsilluni oqaloqatiginninnernik ingerlatsineq malitseqartitsinerlu
  • Ulluinnarni ungasinnerusumullu isiginnittumik suliassanik, sulinngiffeqarfissanik sulinissaraluamullu taarsiullugu sulinngiffissanik pilersaarusiorneq.
  • Akunnermusialinnik sulilersitsineq
  • Eqqagassanik anartarfinnillu katersisarnissap qulakkeernissaa
  • Errorsisarfimmik/uffarfimmik ingerlatsinerup qulakkeernissaa
  • Aputaajaasarnissap, siorarterisarnissap, aasaanerani aqqusinernik, majuartarfinnik, ikaartarfinnik puttasunillu aserfallatsaaliinissap qulakkeernissaa.
  • Eqqagassanik sapinngisamik pitsaanerpaamik ikuallaanissap qulakkeernissaa
  • Nunaqarfiup takujuminartuunissaanik qulakkeerinninneq
  • Qimmiutilinnik Sisimiunilu qimmilerisumik attaveqarnissaq.
  • Teknikkikkut atortut aserfallatsaalisimaneqarnissaata qulakkeernissaa.
  • Suliassat takkussuuttut.

 

Aqqusinerilerisut ilaatigut eqqaavilerinermik- aamma anartarfilerinermik, eqqagassalerinermik, aqqusinernik aserfallatsaaliinernik, aputaajaanernik aamma siorarterinernik, torersaanernik saligaatsuutitsinermillu, majuartarfinnik puttasunillu aserfallatsaaliinermik, iliveqarfimmik, kalaalimineerniarfimmik, solaarimik angallassinermik, nunaqarfimmi ikuallaanermik eqqaavissuarmillu suliaqartarput.

Aqqusinilerisut formandiata Sisimiuni Teknikkeqarnermut Avatangiisinullu immikkoortortami ingerlatsinermi aqutsisoq qaninnertut pisortarissavaa, ulluinnarnilu nunaqarfimmi allaffimmi aqutsisumik qanimut suleqateqartoqassaaq.

Qinnuteqartoq minnerpaamik Kat B-mik biilernermut allagartaqassaaq.

Malittarisassat atuuttut naapertorlugit akilerneqartussamik atorfimmut inissaqartitsisoqarsinnaavoq.

Akissarsiat atorfinitsitaanermilu atugassarititaasut 

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aammalu pequtinik assartuineq, Naalakkersuisut aamma Sulisunik aqutsisut peqatigiiffinni Sulisunik Siulesuisut Kattuffiata akornanni isumaqatigiissutit sukkulluunniit atuuttut malillugit inissinneqassapput.

Atorfik pillugu paasissutissat annertunerusut Sarfannguani nunaqarfimmi allaffimmi allaffiup aqutsisuanut oqarasuaat 867384 imaluunniit Sisimiuni Teknikkeqarnermut Avatangiisinullu immikkoortortami ingerlatsinermut aqutsisumut oqarasuaat 867475, imaluunniit allaffiit nalinginnaasumik ammanerata nalaani nammineq ornigulluni saaffiginninnikkut pissarsiarineqarsinnaapput.

 

Qinnuteqartup ilisimassavaa, meeqqanik pinerliisimannginnermut aammalu pineqaatissinneqarsimannginnermut upernarsaatinik naammaginartunik, Qeqqata Kommunianit piniarneqartumik, takutitsinikkut aatsaat atorfinitsitsisoqassammat.

 

Allaganngorlugu qinnuteqaat kingusinnerpaamik ataasinngornermi 2018-imi januaarip 25-ani Qeqqata Kommuniata tigoreersimassavaa.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Sarfannguani nunaqarfimmi allaffimmi allaffiup aqutsisuanut imaluunniit Sisimiuni Teknikkeqarnermut Avatangiisinullu immikkoortortami ingerlatsinermut aqutsisumut

(+299) 86 73 84 imaluunniit (+299) 86 74 75