airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Fritidsungdomsklubbimi sulisussarsiorneq

Qinnuteqarfissaq kingulleq:
22. februar 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Martsip aallaqqaataani imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu 

Sulilertussaq Fritidsklubbimi aammalu inuusuttut klubbianni ualikkut sulisassaaq. Inuusuttut klubbianni ataqatigiissaarisutut inissisimassalluni.

Klubbit meeqqanik inuusuttunillu sammisassaqartitsiviusut marluusut katillugit arfinilinnik sulisoqarput, taakkunannga ualikkoortut/unnukkoortut marluk.

Atuareernerup kingorna sammisaqartitsineq, sisorartarfimmi majuartaateeqqami nutaami ammatitsineq, ukiuunerani unnukkut meeqqanut sammisaqartitsineq.

Ilaatigullu inuusuttut klubbianni unnukkut suleqataaneq.

 

Pingaarnertut suliassatit:

·      Meeqqanik inuusuttunillu sunngiffimmi sammisassaqartitsineq.

·      Meeqqat inuusuttullu sunneeqataaffigissavatit.

 

Naatsersuutigaarput:

·      Inulerisutut ilinniarsimasuussasutit.

·      Meeqqanik inuusuttunillu sullitaqarnermik misilittagaqassasutit.

·      Ualikkut unnukkullu sulisinnaassasutit.

·      18-inik ukioqalereersimassasutit.

·      Meeqqanut inuusuttunullu pitsaasumik tamakkiisumillu sullissisinnaassasutit, kiisalu aalajaatsuussasutit.

·      Peqataalluartuussasutit nutaanillu aallartitsisinnaassuseqarlutit.

·      Suleqatikkuminartuussasutit – aqutsisinnaassuseqarlutillu.

 

Tunniussinnaasagut:

·      Suliffik pissanganartoq.

·      Suliffik ineriartorfiusinnaasoq.

 

Akissarsiat atorfinitsitaanermilu atugassarititaasut. 

Atorfininnerup nalaani Namminersorlutik Oqartussat aamma S.I.K.  isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

Meeqqanik pinerliisimannginnermut uppernarsaat.

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Suliffimmut atatillugu inissaqartitsisoqanngilaq.

Atorfik pillugu paasissutissanik annertunerusunik paasisaqarnerusuttunut saaffigi-neqarsinnaavoq Klubbit aqutsisuat Anga Bech oqarasuaatit (+299) 813369

klubbi@kilaas.gl imaluunnit ornigunnikkut.

Qinnuteqaatit kingusinnerpaamik tunniunneqassapput: 22. februar 2019.

Qinnuteqaat uunga nassiunneqassaaq: 

Qeqqata Kommunia

Sulisoqarnermut allaffik

Postboks 1014

3911 Sisimiut

e-mail: jobs@qeqqata.gl

Attavissaq:

Anga Bech

(+299) 81 33 69

klubbi@kilaas.gl